ਸੰਗਰੂਰ, 17 ਜੁਲਾਈ (ਸੁਖਵਿੰਦਰ ਸਿੰਘ ਫੁੱਲ)-ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸੁਖਚੈਨ ਸਿੰਘ ਨੇ ਦੱਸਿਆ ਕਿ ਜ਼ਿਲੇ ਵਿਚ 2 ਸਰਪੰਚਾਂ ਅਤੇ 24 ਪੰਚਾਂ ਦੀਆਂ ਖਾਲੀ ਅਸਾਮੀਆਂ ਨੂੰ ਭਰਨ ਲਈ ਚੋਣਾਂ 27 ਜੁਲਾਈ ਨੂੰ ਹੋਣਗੀਆਂ | ਇਸ ਸਬੰਧੀ ਆਦਰਸ਼ ਚੋਣ ਜ਼ਾਬਤਾ ਲਾਗੂ ਹੈ ਤੇ ਜ਼ਿਲੇ ਵਿਚ 2 ਸਰਪੰਚਾਂ ਦੀਆਂ ਖਾਲੀ ਅਸਾਮੀਆਂ ਲਈ 4 ਨਾਮਜ਼ਦਗੀਆਂ ਅਤੇ 24 ਪੰਚਾਂ ਦੀਆਂ ਖਾਲੀ ਅਸਾਮੀਆਂ ਸਬੰਧੀ 26 ਨਾਮਜ਼ਦਗੀਆਂ ਦਾਖ਼ਲ ਹੋਈਆਂ ਹਨ | ਜ਼ਿਲੇ ਵਿਚ ਸਰਪੰਚ ਪਲਾਸੌਰ ਬਲਾਕ ਧੂਰੀ ਲਈ 2 ਨਾਮਜ਼ਦਗੀਆਂ ਅਤੇ ਸਰਪੰਚ ਮਿਰਜ਼ਾ ਪੱਤੀ ਨਮੋਲ ਬਲਾਕ ਸੁਨਾਮ ਲਈ ਵੀ 2 ਨਾਮਜ਼ਦਗੀਆਂ ਦਾਖਲ ਹੋਈਆਂ ਹਨ | ਪੰਚ ਬਾਲਦ ਖ਼ੁਰਦ ਬਲਾਕ ਭਵਾਨੀਗੜ ਲਈ 1, ਪੰਚ ਬਿੰਬਰ ਭਵਾਨੀਗੜ ਲਈ 1, ਪੰਚ ਫਤਿਹਗੜ ਭਾਦਸੋਂ ਭਵਾਨੀਗੜ 2, ਪੰਚ ਮਹਿਸਮਪੁਰ ਭਵਾਨੀਗੜ ਲਈ 1, ਪੰਚ ਨਾਗਰਾ ਭਵਾਨੀਗੜ ਲਈ 2 ਅਤੇ 2 ਪੰਚ ਤੁਰੀ ਭਵਾਨੀਗੜ ਲਈ ਕੇਵਲ 1(1 ਪੰਚ ਦੀ ਅਸਾਮੀ ਲਈ 1 ਅਤੇ 1 ਹੋਰ ਪੰਚ ਦੀ ਅਸਾਮੀ ਲਈ 0) ਨਾਮਜ਼ਦਗੀਆਂ ਦਾਖ਼ਲ ਹੋਈਆਂ ਹਨ | ਪੰਚ ਪਿੰਡ ਧੂਰੀ ਬਲਾਕ ਧੂਰੀ ਲਈ 1, ਪੰਚ ਸਮੁੰਦਗੜ ਧੂਰੀ 1, ਪੰਚ ਧੂਰਾ ਧੂਰੀ 1, ਪੰਚ ਧਾਂਦਰਾ ਧੂਰੀ ਲਈ 1 ਅਤੇ ਪੰਚ ਕਾਂਝਲਾ ਧੂਰੀ ਲਈ 1 ਨਾਮਜ਼ਦਗੀਆਂ ਦਾਖਲ ਹੋਈਆਂ ਹਨ | ਪੰਚ ਕਦਰ ਨਗਰ ਮੁਨਸ਼ੀਵਾਲਾ ਦਿੜਬਾ ਲਈ 2, ਪੰਚ ਗੋਬਿੰਦਪੁਰਾ ਨਾਗਰੀ ਦਿੜਬਾ ਲਈ 1 ਨਾਮਜ਼ਦਗੀਆਂ ਦਾਖਲ ਹੋਈਆਂ ਹਨ | ਪੰਚ ਰਾਮਪੁਰਾ ਜਵਾਹਰਵਾਲਾ ਲਹਿਰਾਗਾਗਾ ਲਈ 3, ਪੰਚ ਗੋਬਿੰਦਪੁਰਾ ਪਾਪੜਾਂ ਲਹਿਰਾਗਾਗਾ ਲਈ 0, ਪੰਚ ਖਾਈ ਲਹਿਰਾਗਾਗਾ ਲਈ 1 ਨਾਮਜ਼ਦਗੀਆਂ ਦਾਖ਼ਲ ਹੋਈਆਂ ਹਨ | ਪੰਚ ਭਗਵਾਨਪੁਰਾ ਸੰਗਰੂਰ ਲਈ 1, ਪੰਚ ਖਿੱਲਰੀਆਂ ਸੰਗਰੂਰ 0, ਪੰਚ ਭਿੰਡਰਾਂ ਸੰਗਰੂਰ 1, ਪੰਚ ਮੰਡੇਰ ਖ਼ੁਰਦ ਸੰਗਰੂਰ 1, ਪੰਚ ਰੂਪਾਹੇੜੀ ਸੰਗਰੂਰ ਲਈ 1 ਨਾਮਜ਼ਦਗੀਆਂ ਦਾਖਲ ਹੋਈਆਂ ਹਨ | ਪੰਚ ਕਰੋਦਾ ਅੰਨਦਾਨਾ ਐਟ ਮੂਨਕ ਲਈ 1 ਅਤੇ ਪੰਚ ਫਤਿਹਗੜ ਸੁਨਾਮ ਲਈ 1 ਨਾਮਜ਼ਦਗੀਆਂ ਦਾਖਲ ਹੋਈਆਂ ਹਨ | ਜਿੱਥੇ 1-1 ਨਾਮਜ਼ਦਗੀ ਪ੍ਰਾਪਤ ਹੋਈ ਹੈ, ਉੱਥੇ ਸਰਬਸੰਮਤੀ ਹੋ ਗਈ ਹੈ | ਚੋਣ ਸ਼ਡਿਊਲ ਅਨੁਸਾਰ ਨਾਮਜ਼ਦਗੀ ਪੱਤਰਾਂ ਦੀ ਜਾਂਚ 18 ਜੁਲਾਈ ਨੂੰ ਹੋਵੇਗੀ ਅਤੇ ਨਾਮਜ਼ਦਗੀਆਂ ਵਾਪਸ ਲੈਣ ਦੀ ਆਖ਼ਰੀ ਮਿਤੀ 19 ਜੁਲਾਈ ਹੈ | ਪੋਲਿੰਗ 27 ਜੁਲਾਈ ਨੂੰ ਹੋਵੇਗੀ | ਵੋਟਿੰਗ ਪੂਰੀ ਹੋਣ ਤੋਂ ਬਾਅਦ ਪੋਲਿੰਗ ਸਟੇਸ਼ਨਾਂ 'ਤੇ ਵੋਟਾਂ ਦੀ ਗਿਣਤੀ ਉਸੇ ਦਿਨ ਕੀਤੀ ਜਾਵੇਗੀ | ਸਰਪੰਚ ਲਈ ਖਰਚਾ ਹੱਦ 40 ਹਜ਼ਾਰ ਰੁਪਏ ਅਤੇ ਪੰਚ ਲਈ 30 ਹਜ਼ਾਰ ਰੁਪਏ ਹੈ | ਬਲਾਕ ਭਵਾਨੀਗੜ ਲਈ ਐੱਸ.ਡੀ.ਓ.ਸੀਵਰੇਜ ਬੋਰਡ, ਬਲਾਕ ਧੂਰੀ ਲਈ ਈ.ਓ., ਨਗਰ ਕੌਂਸਲ (ਐੱਮ.ਸੀ.) ਧੂਰੀ, ਦਿੜਬਾ ਲਈ ਈ.ਓ., ਐਮ.ਸੀ. ਦਿੜਬਾ, ਲਹਿਰਾਗਾਗਾ ਲਈ ਈ.ਓ., ਐੱਮ.ਸੀ. ਲਹਿਰਾਗਾਗਾ, ਬਲਾਕ ਸੰਗਰੂਰ ਲਈ ਐਕਸੀਅਨ ਇੰਪਰੂਵਮੈਂਟ ਟਰੱਸਟ ਸੰਗਰੂਰ, ਅੰਨਦਾਨਾ ਐਟ ਮੂਨਕ ਲਈ ਈ.ਓ., ਐੱਮ.ਸੀ. ਮੂਨਕ ਅਤੇ ਬਲਾਕ ਸੁਨਾਮ ਲਈ ਈ.ਓ., ਐੱਮ.ਸੀ. ਸੁਨਾਮ ਨੂੰ ਰਿਟਰਨਿੰਗ ਅਫ਼ਸਰ ਨਿਯੁਕਤ ਕੀਤਾ ਗਿਆ ਹੈ |
