ਫ਼ਰੀਦਕੋਟ, 20 ਨਵੰਬਰ (ਜਸਵੰਤ ਸਿੰਘ ਪੁਰਬਾ)-ਦਿੱਲੀ ਇੰਟਰਨੈਸ਼ਨਲ ਸਕੂਲ ਵਿਖੇ 'ਵੇਸਟ ਤੋਂ ਅਚੰਭੇ' ਗਤੀਵਿਧੀਆਂ ਕਰਵਾਈਆਂ ਗਈਆਂ | ਜਿਸ 'ਚ ਵਿਦਿਆਰਥੀਆਂ ਨੇ ਪੁਰਾਣੇ ਤੇ ਫ਼ਾਲਤੂ ਸਮੱਗਰੀ ਦੀ ਵਰਤੋਂ ਕਰਕੇ ਨਵੇਂ ਤੇ ਸੁੰਦਰ ਨਮੂਨੇ ਤਿਆਰ ਕੀਤੇ | ਇਸ ਗਤੀਵਿਧੀ ਦਾ ਮੁੱਖ ਉਦੇਸ਼ ਵਿਦਿਆਰਥੀਅ 'ਚ ਰਚਨਾਤਮਕਤਾ, ਵਾਤਾਵਰਨ ਪ੍ਰਤੀ ਜਾਗਰੂਕਤਾ ਤੇ ਫਾਲਤੂ ਵਸਤਾਂ ਦੀ ਮੁੜ ਵਰਤੋਂ ਦੀ ਮਹੱਤਤਾ ਨੂੰ ਉਤਸ਼ਾਹਿਤ ਕਰਨਾ ਸੀ | ਬੱਚਿਆਂ ਨੇ ਪਲਾਸਟਿਕ ਦੀਆਂ ਬੋਤਲਾਂ, ਅਖਬਾਰ, ਕਾਰਡ ਬੋਰਡ, ਕੱਪੜਿਆਂ ਦੇ ਟੁਕੜੇ, ਟਿਨ ਦੇ ਡੱਬੇ ਆਦਿ ਵਰਗੀਆਂ ਰੱਦੀ ਚੀਜ਼ਾਂ ਤੋਂ ਕਲਾਤਮਕ ਤੇ ਉਪਯੋਗੀ ਸਮਾਨ ਤਿਆਰ ਕੀਤਾ | ਉਨ੍ਹਾਂ ਦੇ ਬਣਾਏ ਫੁੱਲਦਾਨ, ਪੈਨ ਸਟੈਂਡ, ਵਾਲ ਹੈਂਗਿੰਗਜ਼, ਮਾਡਲ ਤੇ ਹੋਰ ਕਈ ਸੁੰਦਰ ਸਜਾਵਟੀ ਚੀਜ਼ਾਂ ਨੇ ਸਭ ਦਾ ਮਨ ਮੋਹ ਲਿਆ | ਇਸ ਗਤੀਵਿਧੀ ਰਾਹੀਂ ਬੱਚਿਆਂ ਨੇ 'ਘਟਾਓ ਤੇ ਮੁੜ ਵਰਤੋਂ' ਦੀ ਮਹੱਤਤਾ ਸਮਝੀ ਤੇ ਵਾਤਾਵਰਨ ਸਹਿਯੋਗੀ ਜੀਵਨ ਜਿਊਣ ਲਈ ਪ੍ਰੇਰਣਾ ਪ੍ਰਾਪਤ ਕੀਤੀ | ਅਧਿਆਪਕਾਂ ਦੀ ਰਹਿਨੁਮਾਈ ਹੇਠ ਬੱਚਿਆਂ ਨੇ ਸ਼ਾਨਦਾਰ ਕਲਾ ਦਾ ਪ੍ਰਦਰਸ਼ਨ ਕੀਤਾ | ਸਕੂਲ ਦੇ ਚੇਅਰਮੈਨ ਆਸ਼ੀਸ਼ ਤੋਲ਼ਾ, ਡਾਇਰੈਕਟਰ ਅਨੂਪਮਾ ਤੋਲ਼ਾ, ਸ਼ਿਵਮ ਤੋਲ਼ਾ ਤੇ ਪਿ੍ੰਸੀਪਲ ਪਿ੍ਯੰਕਾ ਬਰਾੜ ਨੇ ਵਿਦਿਆਰਥੀਆਂ ਦੇ ਯਤਨਾਂ ਦੀ ਪ੍ਰਸ਼ੰਸਾ ਕੀਤੀ |
