ਮੰਡੀ ਕਿੱਲਿਆਂਵਾਲੀ, 19 ਜੁਲਾਈ (ਇਕਬਾਲ ਸਿੰਘ ਸ਼ਾਂਤ)-ਨਵੋਦਿਆ ਵਿੱਦਿਆ ਸਦਕਾ ਮਿਹਨਤਕਸ਼ ਤੇ ਗਰੀਬ ਪਰਿਵਾਰਾਂ ਦੇ ਤਿੰਨ ਹੋਣਹਾਰ ਪੁੱਤਰ ਆਪਣੇ ਪਰਿਵਾਰਾਂ ਦੀ ਜ਼ਿੰਦਗੀ ਸਫਲਤਾ ਦੇ ਰਾਹ ਪਾ ਦਿੱਤੀ ਹੈ | ਨੀਟ-2025 ਪ੍ਰੀਖਿਆ ਦੇ ਨਤੀਜਿਆਂ 'ਚ ਪੀ. ਐਮ. ਸ੍ਰੀ ਸਕੂਲ ਜਵਾਹਰ ਨਵੋਦਿਆ ਵਿਦਿਆਲਿਆ ਵੜਿੰਗ ਖੇੜਾ ਦੇ ਤਿੰਨ ਵਿਦਿਆਰਥੀਆਂ ਨੇ ਉੱਚ ਰੈਂਕ ਨਾਲ ਪਾਸ ਕੀਤੀ ਹੈ | ਜਿਸ 'ਚ ਵਿਦਿਆਰਥੀ ਜਤਿਨ ਵਾਸੀ ਮਲੋਟ ਨੇ ਕੌਮੀ ਪੱਧਰ 'ਤੇ ਕੈਟਾਗਰੀ 170ਵਾਂ ਰੈਂਕ ਹਾਸਿਲ ਕਰਕੇ ਏਮਜ਼ 'ਚ ਆਪਣੀ ਐਮ. ਬੀ. ਬੀ. ਐਸ. ਪੜ੍ਹਾਈ ਲਈ ਜਗ੍ਹਾ ਪੱਕੀ ਕੀਤੀ ਹੈ | ਵਧੀਆ ਕਾਰਗੁਜ਼ਾਰੀ ਵਾਲੇ ਦੋ ਹੋਰ ਵਿਦਿਆਰਥੀ ਭੁਪਿੰਦਰ ਸਿੰਘ ਤੇ ਕਮਲ ਕੁਮਾਰ ਨੂੰ ਵੀ ਸਰਕਾਰੀ ਮੈਡੀਕਲ ਕਾਲਜ ਵਿਚ ਦਾਖਲੇ ਦੀ ਉਮੀਦ ਹੈ | ਵਿਦਿਆਲਿਆ ਕੈਂਪਸ ਵਿਖੇ ਤਿੰਨੇ ਵਿਦਿਆਰਥੀਆਂ ਦੇ ਸਨਮਾਨ ਲਈ ਸਨਮਾਨ ਸਮਾਗਮ ਕਰਵਾਇਆ, ਜਿਸ 'ਚ ਵਿਦਿਆਰਥੀਆਂ ਅਤੇ ਮਾਪਿਆਂ ਨੂੰ ਸਨਮਾਨਿਤ ਕੀਤਾ | ਇਸ ਮੌਕੇ ਜੇ. ਈ. ਈ. ਤੇ ਨੀਟ 'ਚ ਕ੍ਰਮਵਾਰ ਸਫ਼ਲਤਾ ਲਈ ਸਾਬਕਾ ਵਿਦਿਆਰਥੀਆਂ ਅਨਮੋਲਪ੍ਰੀਤ ਕੌਰ ਤੇ ਅਕਾਂਕਸਾ ਨੂੰ ਵੀ ਉਨ੍ਹਾਂ ਦੇ ਪਰਿਵਾਰਾਂ ਸਮੇਤ ਸਨਮਾਨਿਤ ਕੀਤਾ | ਨਵੋਦਿਆ ਵਿਦਿਆਲਿਆ ਦੇ ਪਿ੍ੰਸੀਪਲ ਪਵਨ ਬਿਸ਼ਨੋਈ ਨੇ ਕਿਹਾ ਕਿ ਤਿੰਨੇ ਹੋਣਹਾਰ ਵਿਦਿਆਰਥੀਆਂ ਨੇ ਹਿੰਮਤ ਤੇ ਦਿ੍ੜ ਇਰਾਦੇ ਨਾਲ ਸਫ਼ਲਤਾ ਦੇ ਸਿਖਰ ਨੂੰ ਛੂਹਣ ਦੀ ਮਿਸਾਲ ਕਾਇਮ ਕੀਤੀ ਹੈ | ਵਾਈਸ ਪਿ੍ੰਸੀਪਲ ਡਾ. ਤਾਰਿਕ ਇਮਰਾਨ ਨੇ ਕਿਹਾ ਕਿ ਨਵੋਦਿਆ ਵਿਦਿਆਲਿਆ ਮੂਲ ਰੂਪ ਵਿਚ ਪੇਂਡੂ ਪ੍ਰਤਿਭਾਵਾਂ ਨੂੰ ਮੁਫਤ ਰਿਹਾਇਸ ਤੇ ਪੜ੍ਹਾਈ ਸਹੂਲਤਾਂ ਦਿੰਦੀ ਹੈ | ਇਹ ਸਨਮਾਨ ਸਮਾਗਮ ਮੌਜੂਦਾ ਵਿਦਿਆਰਥੀਆਂ ਨੂੰ ਸਖ਼ਤ ਮਿਹਨਤ ਲਈ ਪ੍ਰੇਰਿਤ ਕਰੇਗਾ | ਇਸ ਮੌਕੇ ਵਿਦਿਆਰਥੀ, ਸਟਾਫ਼ ਤੇ ਨਵੋਦਿਆ ਵਿਦਿਆਲਿਆ ਜੈਸਲਮੇਰ ਦੇ ਸਾਬਕਾ ਵਿਦਿਆਰਥੀ ਡਾ. ਅਸੋਕ ਮੌਜੂਦ ਸਨ |
