ਸੂਬੇ 'ਚ ਆਉਂਦੇ ਦਿਨਾਂ 'ਚ ਕੋਹਰਾ ਪੈਣ ਤੇ ਸ਼ੀਤ ਲਹਿਰ ਚੱਲਣ ਦੀ ਸੰਭਾਵਨਾ
ਅਜੀਤ ਡੈਸਕ
21-11-2025
'ਲਾ-ਨੀਨਾ' ਜਲਵਾਯੂ ਦੇ ਅਸਰ ਕਾਰਨ ਜਿੱਥੇ ਮੌਨਸੂਨ ਦੌਰਾਨ ਜ਼ਿਆਦਾ ਬਾਰਸ਼ ਪੈਂਦੀ ਹੈ ਉੱਥੇ ਹੀ ਇਹ ਜਲਵਾਯੂ ਠੰਢ ਵਿਚ ਠੰਢੀਆਂ ਹਵਾਵਾਂ ਨੂੰ ਹੋਰ ਤੇਜ਼ ਕਰ ਦਿੰਦਾ ਹੈ | ਮੌਸਮ ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਸ ਵਾਰ ਠੰਢ ਜੇਕਰ ਛੇਤੀ ਆਵੇਗੀ ਤਾਂ ਇਸ ਦਾ ਅਸਰ ਵੀ ਇਸ ਜਲਵਾਯੂ ਅਨੁਸਾਰ ਫਰਵਰੀ ਤੱਕ ਦੇਖਣ ਨੂੰ ਮਿਲ ਸਕਦਾ ਹੈੈ | ਇਸ ਨਾਲ ਦਸੰਬਰ ਤੋਂ ਜਨਵਰੀ ਮਹੀਨੇ ਦੌਰਾਨ ਦੇਸ਼ ਦੇ ਬਹੁਤੇ ਹਿੱਸਿਆਂ 'ਚ ਤਾਪਮਾਨ ਆਮ ਨਾਲੋਂ ਹੇਠਾਂ ਜਾਣ ਦੀ ਪੇਸ਼ੀਨਗੋਈ ਹੈ ਜਿਸ ਦਾ ਕਾਰਨ 'ਲਾ-ਨੀਨਾ' ਜਲਵਾਯੂ ਦਾ ਮੰਨਿਆ ਜਾ ਰਿਹਾ ਹੈ | ਭਾਰਤੀ ਮੌਸਮ ਵਿਭਾਗ ਦੇ ਅਨੁਮਾਨ ਮੁਤਾਬਿਕ ਦਸੰਬਰ ਵਿਚ ਰਾਤ ਦਾ ਤਾਪਮਾਨ ਜਿੱਥੇ ਆਮ ਨਾਲੋਂ 2 ਡਿਗਰੀ ਹੇਠਾਂ ਜਾ ਸਕਦਾ ਹੈ ਉੱਥੇ ਹੀ ਇਸ ਵਾਰ ਦਿੱਲੀ, ਹਰਿਆਣਾ, ਪੰਜਾਬ ਤੇ ਰਾਜਸਥਾਨ ਸਮੇਤ ਉੱਤਰ ਪ੍ਰਦੇਸ਼ ਤੇ ਮੱਧ ਪ੍ਰਦੇਸ਼ 'ਚ ਠੰਢ ਦਾ ਅਸਰ ਸਭ ਤੋਂ ਵੱਧ ਮਹਿਸੂਸ ਹੋਵੇਗਾ |
ਇਸ ਸਮੇਂ ਸਰਕਾਰੀ ਥਰਮਲ ਪਲਾਂਟ ਰੋਪੜ, ਲਹਿਰਾ ਮੁਹੱਬਤ, ਗੋਇੰਦਵਾਲ ਸਾਹਿਬ ਦੇ 10 ਯੂਨਿਟਾਂ ਵਿਚੋਂ 7 ਯੂਨਿਟਾਂ ਤੋਂ 1346 ਮੈਗਾਵਾਟ ਤੇ ਨਿੱਜੀ ਰਾਜਪੁਰਾ ਅਤੇ ਤਲਵੰਡੀ ਸਾਬੋ ਦੇ ਕੁਲ 5 ਯੂਨਿਟਾਂ ਵਿਚੋਂ 4 ਯੂਨਿਟਾਂ ਤੋਂ 2436 ਮੈਗਾਵਾਟ ਬਿਜਲੀ ਪ੍ਰਾਪਤ ਹੋ ਰਹੀ ਹੈ | ਹਾਈਡਰੋ ਤੋਂ ਬਿਜਲੀ ਉਤਪਾਦਨ ਮਿਲਾ ਕੇ ਉਪਰੋਕਤ ਸਰੋਤਾਂ ਤੋਂ 4465 ਮੈਗਾਵਾਟ ਬਿਜਲੀ ਦੀ ਪੈਦਾਵਾਰ ਹੋ ਰਹੀ ਹੈ¢
