ਮਾਨਾਂਵਾਲਾ, 18 ਜੁਲਾਈ (ਗੁਰਦੀਪ ਸਿੰਘ ਨਾਗੀ)-ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਦਲਜਿੰਦਰ ਸਿੰਘ ਵਿਰਕ ਨੇ ਪ੍ਰੈਸ ਬਿਆਨ ਕਰਦਿਆਂ ਕਿਹਾ ਕਿ ਪੰਜਾਬ ਸਰਕਾਰ ਵਲੋਂ ਲਾਗੂ ਕੀਤੀ ਜਾ ਰਹੀ ਲੈਂਡ ਪੂਲਿੰਗ ਸਕੀਮ ਸਿੱਧੇ ਤੌਰ 'ਤੇ ਪੰਜਾਬ ਦੇ ਕਿਸਾਨਾਂ, ਪਿੰਡਾਂ ਅਤੇ ਖੇਤੀਬਾੜੀ ਵਿਰੁੱਧ ਇਕ ਵੱਡਾ ਖ਼ਤਰਾ ਹੈ | ਇਹ ਸਕੀਮ ਨਾਂ ਸਿਰਫ਼ ਕਿਸਾਨਾਂ ਦੀਆਂ ਜ਼ਮੀਨਾਂ ਉਤੇ ਕਾਰਪੋਰੇਟ ਕੰਪਨੀਆਂ ਦੀ ਨਿਗਾਹ ਲੈ ਕੇ ਆਉਂਦੀ ਹੈ, ਸਗੋਂ ਪੰਜਾਬ ਦੀ ਖਾਦ-ਸੁਰੱਖਿਆ, ਵਿਰਾਸਤ ਅਤੇ ਸਮਾਜਕ ਢਾਂਚਾ ਵੀ ਹਿਲਾ ਸਕਦੀ ਹੈ | ਵਿਰਕ ਨੇ ਅਪੀਲ ਕਿ ਪੰਜਾਬ ਸਰਕਾਰ ਦੇ ਇਸ ਮਾਰੂ ਫ਼ੈਸਲੇ ਖ਼ਿਲਾਫ਼ ਆਵਾਜ਼ ਬੁਲੰਦ ਕਰਨ ਦੀ ਲੋੜ ਹੈ ਕਿਉਂਕਿ ਇਹ ਲੜਾਈ ਸਿਰਫ ਕਿਸਾਨਾਂ ਦੀ ਨਹੀਂ, ਇਹ ਸਾਡੀ ਧਰਤੀ, ਸਾਡੀ ਪਾਣੀ, ਸਾਡੀ ਖੁਰਾਕ ਅਤੇ ਅਸਲੀ ਪੰਜਾਬ ਦੀ ਲੜਾਈ ਹੈ |
