ਚੰਡੀਗੜ੍ਹ, 26 ਦਸੰਬਰ (ਔਜਲਾ)-ਪਿੰਡ ਕਜਹੇੜੀ ਦੀ ਸੰਗਤ ਵਲੋਂ ਗੁਰੂ ਗੋਬਿੰਦ ਸਿੰਘ ਜੀ ਦਾ ਪ੍ਰਕਾਸ਼ ਪੁਰਬ 5 ਜਨਵਰੀ ਨੂੰ ਗੁਰਦੁਆਰਾ ਹਰਿ ਰਾਏ ਸਾਹਿਬ ਵਿਖੇ ਮਨਾਇਆ ਜਾਵੇਗਾ | ਇਸ ਸੰਬੰਧੀ ਗਿਆਨੀ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਗੁਰੂ ਜੀ ਪ੍ਰਕਾਸ਼ ਪੁਰਬ ਸੰਬੰਧੀ 28 ਦਸੰਬਰ ਤੋਂ ਸਵੇਰੇ ਵੇਲੇ ਪ੍ਰਭਾਤ ਫੇਰੀਆਂ ਕਜਹੇੜੀ ਪਿੰਡ 'ਚ ਕੱਢੀਆਂ ਜਾਣਗੀਆਂ, ਜਦਕਿ 4 ਜਨਵਰੀ 2026 ਨੂੰ ਪਿੰਡ ਵਿਚ ਹੀ ਨਗਰ ਕੀਰਤਨ ਸਜਾਇਆ ਜਾਵੇਗਾ | ਗਿਆਨੀ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਪਿੰਡ ਦੀ ਸੰਗਤ ਵਲੋਂ ਅੱਜ ਸਾਹਿਬਜ਼ਾਦਿਆਂ ਦੀ ਸ਼ਹਾਦਤ ਸਮਰਪਿਤ ਗੁਰੂ ਕੇ ਲੰਗਰ ਵਾਈ. ਪੀ. ਐਸ. ਚੌਕ 'ਚ ਲਾਏ ਗਏ ਹਨ | ਇਸ ਮੌਕੇ ਮੁੱਖ ਸੇਵਾਦਾਰ ਨਰਾਤਾ ਸਿੰਘ, ਕਿਰਪਾਲ ਸਿੰਘ, ਗੁਰਿੰਦਰ ਸਿੰਘ ਆਦਿ ਪਤਵੰਤੇ ਹਾਜ਼ਰ ਸਨ |
