ਨੰਗਲ, 18 ਜੁਲਾਈ (ਪ੍ਰੀਤਮ ਸਿੰਘ ਬਰਾਰੀ)-ਨਗਰ ਕੌਂਸਲ ਨੰਗਲ ਦੇ ਕਾਰਜ ਸਾਧਕ ਅਫ਼ਸਰ ਮਨਵੀਰ ਸਿੰਘ ਗਿੱਲ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪੰਜਾਬ ਸਰਕਾਰ ਵਲੋਂ ਸ਼ਹਿਰ ਵਾਸੀਆਂ ਨੂੰ ਸੁਨਿਹਰੀ ਮੌਕਾ ਦਿੰਦੇ ਹੋਏ ਸਾਲ 2013-14 ਤੋਂ ਹੁਣ ਤੱਕ ਲਈ ਮਿਤੀ 31/07/2025 ਤੱਕ ਪਿਛਲੇ ਰਹਿੰਦੇ ਬਕਾਏ ਤੇ ਵਿਆਜ ਅਤੇ ਪੈਨੇਲਟੀ ਤੋਂ ਛੋਟ ਦਿੱਤੀ ਗਈ ਹੈ | ਇਸ ਲਈ ਨਗਰ ਕੌਂਸਲ ਨੰਗਲ ਦੀ ਹਦੂਦ ਅੰਦਰ ਆਉਂਦੇ ਤਮਾਮ ਪ੍ਰਾਪਰਟੀ ਮਾਲਕਾਂ ਨੂੰ ਵਾਰ-ਵਾਰ ਅਪੀਲ ਕੀਤੀ ਗਈ ਹੈ ਕਿ ਦਫਤਰ ਅੱਡਾ ਮਾਰਕੀਟ ਵਿਖੇ ਆਪਣੀ ਪ੍ਰਾਪਰਟੀ ਦਾ ਮਿੱਥੇ ਸਮੇਂ ਅੰਦਰ ਬਣਦਾ ਪ੍ਰਾਪਰਟੀ ਟੈਕਸ ਅਦਾ ਕਰਕੇ ਵਿਆਜ ਅਤੇ ਪੇਨੈਲਟੀ ਦੀ ਛੋਟ ਦਾ ਲਾਭ ਪ੍ਰਾਪਤ ਕਰਨ | ਪ੍ਰਾਪਰਟੀ ਟੈਕਸ ਜਮ੍ਹਾਂ ਨਾ ਕਰਵਾੳਣ ਦੀ ਸੂਰਤ ਵਿਚ ਇਹ ਰਕਮ ਵਸੂਲ ਕਰਨ ਲਈ ਪੰਜਾਬ ਮਿਊਾਸਪਲ ਐਕਟ 1911 ਦੀਆਂ ਵੱਖ-ਵੱਖ ਧਾਰਾਂਵਾ ਅਨੁਸਾਰ ਪ੍ਰਾਪਰਟੀ ਟੈਕਸ ਦੇ ਡਿਫਾਲਟਰਾਂ ਦੇ ਪ੍ਰਾਪਰਟੀ ਨੂੰ ਸੀਲਿੰਗ ਕਰਨ ਸਬੰਧੀ ਕਾਨੂੰਨੀ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾਵੇਗੀ |
