ਰੂਪਨਗਰ, 18 ਜੁਲਾਈ (ਸਤਨਾਮ ਸਿੰਘ ਸੱਤੀ)-ਜ਼ਿਲ੍ਹਾ ਰੋਜ਼ਗਾਰ ਅਫ਼ਸਰ, ਰੂਪਨਗਰ ਨੇ ਦੱਸਿਆ ਕਿ ਜ਼ਿਲ੍ਹਾ ਮਾਲ ਵਿਭਾਗ ਵਲੋਂ ਡਿਜ਼ੀਟਲ ਕਰਾਪ ਸਰਵੇ ਲਈ ਪ੍ਰਾਈਵੇਟ ਸਰਵੇਅਰਾਂ ਨੂੰ ਮਿਤੀ: 23 ਅਗਸਤ 2025 ਤੱਕ ਆਰਜ਼ੀ ਤੌਰ ਤੇ ਲੱਗਭਗ ਇੱਕ ਮਹੀਨੇ ਲਈ ਹਾਇਰ ਕੀਤਾ ਜਾਣਾ ਹੈ | ਪ੍ਰਾਈਵੇਟ ਸਰਵੇਅਰਾਂ ਨੂੰ 10/- ਰੁਪਏ ਪ੍ਰਤੀ ਅਪਰੂਵਡ ਸਰਵੇ ਮਿਲਣਗੇ | ਇਹ ਸਰਵੇ ਮਿਤੀ 01 ਅਗਸਤ 2025 ਤੋਂ ਸ਼ੁਰੂ ਕੀਤਾ ਜਾਣਾ ਹੈ | ਹਰੇਕ ਸਰਵੇਅਰ ਨੂੰ ਘੱਟੋ-ਘੱਟ 70 ਖਸਰਾ ਨੰਬਰਾਂ ਦਾ ਸਰਵੇ ਕਰਨਾ ਲਾਜ਼ਮੀ ਹੋਵੇਗਾ | ਇਸ ਸਬੰਧੀ ਕੋਈ ਵੀ ਟੀ.ਏ ਜਾਂ ਡੀ.ਏ ਮਿਲਣਯੋਗ ਨਹੀਂ ਹੋਵੇਗਾ | ਉਨ੍ਹਾਂ ਦੱਸਿਆ ਕਿ ਪ੍ਰਾਈਵੇਟ ਸਰਵੇਅਰ ਦੀਆਂ 300 ਅਸਾਮੀਆਂ ਲਈ ਬਾਰਵੀਂ ਪਾਸ ਕੇਵਲ ਪੁਰਸ਼ ਉਮੀਦਵਾਰ ਜਿਨ੍ਹਾਂ ਕੋਲ ਆਪਣਾ ਐਂਡਰਾਇਡ ਫੋਨ ਹੋਵੇ ਅਪਲਾਈ ਕਰ ਸਕਦੇ ਹਨ | ਪ੍ਰਾਈਵੇਟ ਸਰਵੇਅਰ ਦੀ ਅਸਾਮੀ ਲਈ ਗੂਗਲ ਲਿੰਕ 'ਤੇ ਮਿਤੀ: 22 ਜੁਲਾਈ 2025 ਤੱਕ ਰਜਿਸਟਰ ਕੀਤਾ ਜਾ ਸਕਦਾ ਹੈ |
