19-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 21-07-2025

3 ਭਾਸ਼ਾਵਾਂ ਦਾ ਕਾਵਿ ਸੰਗ੍ਰਹਿ 'ਕਈ ਰੰਗ ਜ਼ਿੰਦਗੀ ਦੇ-4' ਦਾ ਹੋਇਆ ਲੋਕ-ਅਰਪਣ <br/>

ਚੰਡੀਗੜ੍ਹ 'ਚ 3 ਭਾਸ਼ਾਵਾਂ ਦਾ ਕਾਵਿ ਸੰਗ੍ਰਹਿ 'ਕਈ ਰੰਗ ਜ਼ਿੰਦਗੀ ਦੇ-4' ਦੇ ਲੋਕ-ਅਰਪਣ ਮੌਕੇ ਡਾ. ਸੰਗੀਤਾ ਸ਼ਰਮਾ ਕੁੰਦਰਾ 'ਗੀਤ', ਸ਼ਮਸ ਤਬਰੇਜ਼ੀ, ਪ੍ਰਸਿੱਧ ਸਾਹਿਤਕਾਰ ਪ੍ਰੇਮ ਵਿਜ, ਕਵੀ ਡਾ. ਵਿਨੋਦ ਸ਼ਰਮਾ, ਹਰਸਿਮਰਨਜੀਤ ਕੌਰ, ਸੁਰਜੀਤ ਧੀਰ, ਮੋਹਿਤ ਮਿੱਤਲ, ਰਿਤੂ ਧਵਨ ਤੇ ਹੋਰ | ਤਸਵੀਰ : ਗੁਰਿੰਦਰ ਸਿੰਘ <br/> 21-07-2025
ਚੰਡੀਗੜ੍ਹ, 20 ਜੁਲਾਈ (ਅਜਾਇਬ ਸਿੰਘ ਔਜਲਾ) -ਚੰਡੀਗੜ੍ਹ ਵਿਖੇ ਤਿੰਨ ਭਾਸ਼ਾਵਾਂ (ਪੰਜਾਬੀ, ਹਿੰਦੀ ਤੇ ਅੰਗਰੇਜ਼ੀ) ਦਾ ਕਾਵਿ ਸੰਗ੍ਰਹਿ 'ਕਈ ਰੰਗ ਜ਼ਿੰਦਗੀ ਦੇ -4' ਦਾ ਲੋਕ ਅਰਪਣ ਅੱਜ 'ਸੰਗੀਤਾ ਸਾਹਿਤ ਸੰਗਮ' ਵਲੋਂ ਸੈਕਟਰ 38 ਵਿਖੇ ਕੀਤਾ ਗਿਆ | ਇਹ ਰਸਮਾਂ ਚੰਡੀਗੜ੍ਹ ਦੇ ਸਾਬਕਾ ਮੇਅਰ ਅਰੁਣ ਸੂਦ ਵਲੋਂ ਅਦਾ ਕੀਤੀਆਂ ਗਈਆਂ | ਇਸ ਮੌਕੇ 'ਤੇ ਵਿਸ਼ੇਸ਼ ਮਹਿਮਾਨ ਵਜੋਂ ਕਵੀ ਸ਼ਮਸ ਤਬਰੇਜ਼ੀ, ਪ੍ਰਸਿੱਧ ਸਾਹਿਤਕਾਰ ਪ੍ਰੇਮ ਵਿਜ, ਕਵੀ ਡਾ. ਵਿਨੋਦ ਸ਼ਰਮਾ, ਮੋਹਿਤ ਮਿੱਤਲ ਅਤੇ ਸੁਰਜੀਤ ਸਿੰਘ ਧੀਰ ਵੀ ਪੁੱਜੇ ਹੋਏ ਸਨ | ਇਸ ਕਾਵਿ ਸੰਗ੍ਰਹਿ ਦੀ ਸੰਪਾਦਨਾ ਅਤੇ ਸੰਕਲਨ ਡਾ. ਸੰਗੀਤਾ ਸ਼ਰਮਾ ਕੁੰਦਰਾ 'ਗੀਤ' ਵੱਲੋਂ ਕੀਤੀ ਗਈ ਹੈ ਅਤੇ ਇਸ ਵਿਚ ਕੁੱਲ 10 ਨਾਮੀ ਅਤੇ ਉੱਭਰਦੀਆਂ ਕਲਮਾਂ ਦੇ ਕਵੀਆਂ ਦੀਆਂ ਰਚਨਾਵਾਂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ | ਕਿਤਾਬ ਵਿਚਲੇ ਕਵੀਆਂ ਨੇ ਆਪਣੀਆਂ ਨਜ਼ਮਾਂ ਪੇਸ਼ ਕਰਕੇ ਖੂਬ ਵਾਹ ਵਾਹ ਖੱਟੀ | ਇਸ ਸਮਾਰੋਹ ਦਾ ਆਗਾਜ਼ ਸਰਸਵਤੀ ਵੰਦਨਾ ਤੋਂ ਸੁਰਜੀਤ ਧੀਰ ਵਲੋਂ ਬਾਖੂਬੀ ਕੀਤਾ ਗਿਆ | ਇਸ ਮੌਕੇ 'ਤੇ ਚੰਡੀਗੜ੍ਹ ਦੇ ਸਾਬਕਾ ਮੇਅਰ ਅਰੁਣ ਸੂਦ ਨੇ ਆਪਣੇ ਵਿਚਾਰ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਇਹ ਇੱਕ ਬਹੁਤ ਹੀ ਵਧੀਆ ਕੋਸ਼ਿਸ਼ ਹੈ ਜਿਸ ਵਿੱਚ ਤਿੰਨ ਭਾਸ਼ਾਵਾਂ ਦੇ ਕਵੀਆਂ ਨੂੰ ਸ਼ਾਮਿਲ ਕਰਕੇ ਵਧੀਆ ਕਾਰਜ ਕੀਤਾ ਗਿਆ ਹੈ | ਸਾਹਿਤਕਾਰ ਪ੍ਰੇਮ ਵਿਜ ਨੇ ਕਵੀਆਂ ਨੂੰ ਮੁਬਾਰਕਬਾਦ ਦਿੰਦਿਆਂ ਕਿਹਾ ਕਿ ਕਵੀਆਂ ਦੀਆਂ ਰਚਨਾਵਾਂ ਵਿਚ ਜੀਵਨ ਅਤੇ ਸਮਾਜ ਦੇ ਰੰਗ ਸਾਫ਼-ਸਾਫ਼ ਝਲਕਦੇ ਹਨ | ਸ਼ਾਇਰ ਸ਼ਮਸ ਤਬਰੇਜ਼ੀ ਦਾ ਕਹਿਣਾ ਸੀ ਕਿ ਇ੍ਹਨਾਂ ਕਵੀਆਂ ਵਿਚ ਗੰਭੀਰਤਾ ਹੈ ਅਤੇ ਉਨ੍ਹਾਂ ਦੀ ਸੋਚ ਜ਼ਿੰਦਗੀ ਪ੍ਰਤੀ ਸਕਾਰਾਤਮਕ ਹੈ | ਡਾ. ਵਿਨੋਦ ਸ਼ਰਮਾ ਨੇ ਕਿਹਾ ਕਿ ਇਹ ਕਵਿਤਾਵਾਂ ਦਰਸਾਉਂਦੀਆਂ ਹਨ ਕਿ ਜੀਵਨ ਨੂੰ ਖੁੱਲ੍ਹੀ ਅੱਖ ਨਾਲ ਵੇਖਿਆ ਗਿਆ ਹੈ | ਇਸ ਮੌਕੇ 'ਤੇ ਕਰਵਾਏ ਕਵੀ ਦਰਬਾਰ ਵਿਚ ਲਗਭਗ ਇਕ ਦਰਜਨ ਤੋਂ ਵੱਧ ਕਵੀਆਂ ਨੇ ਆਪਣੇ ਆਪਣੇ ਅੰਦਾਜ਼ ਵਿਚ ਆਪਣੀਆਂ ਰਚਨਾਵਾਂ ਪੇਸ਼ ਕਰਕੇ ਸ੍ਰੋਤਿਆਂ ਦੀ ਚੰਗੀ ਦਾਦ ਤਾੜੀਆਂ ਦੇ ਰੂਪ ਵਿਚ ਹਾਸਲ ਕੀਤੀ ਜਿਨ੍ਹਾਂ ਵਿਚ ਡਾ. ਸੰਗੀਤਾ ਸ਼ਰਮਾ ਕੁੰਦਰਾ 'ਗੀਤ', ਰਿਤੁ ਧਵਨ, ਕਿਰਨ ਆਹੂਜਾ, ਅਮਿ੍ਤ ਸੋਨੀ 'ਅਮਿ੍ਤ', ਨੇਹਾ ਅਰੋੜਾ 'ਨੇਹ' ਦੀਆਂ ਨਜ਼ਮਾਂ ਸ੍ਰੋਤਿਆਂ ਨੇ ਮਾਣੀਆਂ ਉੱਥੇ ਦੀਪਕ ਸੰਧੂ, ਹਰਸਿਮਰਨਜੀਤ ਕੌਰ, ਡਾ. ਵਿਨੋਦ ਸ਼ਰਮਾ, ਪ੍ਰੇਮ ਵਿਜ, ਸ਼ਮਸ ਤਬਰੇਜ਼ੀ, ਮੋਹਿਤ ਮਿੱਤਲ, ਨਿਤੇਸ਼ ਦੀਆਂ ਰਚਨਾਵਾ ਨੂੰ ਵੀ ਚੰਗਾ ਸਲਾਹਿਆ ਗਿਆ | ਇਸ ਸਮਾਰੋਹ ਦਾ ਸੰਚਾਲਨ ਡਾ. ਸੰਗੀਤਾ ਕੁੰਦਰਾ ਵਲੋਂ ਬਾਖੂਬੀ ਕੀਤਾ ਗਿਆ |

ਪਿਛਲੀ ਖ਼ਬਰ ਪੰਜਾਬ ਕਲਾ ਭਵਨ 'ਚ ਡਾ. ਮਨਜੀਤ ਸਿੰਘ ਬੱਲ ਦੀ ਕਿਤਾਬ 'ਗੱਲਾਂ ਆਰ ਪਾਰ ਦੀਆਂ' ਦਾ ਲੋਕ-ਅਰਪਣ ਸਮਾਰੋਹ ਕਰਵਾਇਆ <br/> ਅਗਲੀ ਖ਼ਬਰ ਮਲਬੇ ਦੇ ਢੇਰ 'ਚ ਤਬਦੀਲ ਹੋਈ ਚੰਡੀਗੜ੍ਹ ਦੀ ਫ਼ਰਨੀਚਰ ਮਾਰਕੀਟ ਪਿਛਲੇ ਲੰਮੇ ਸਮੇਂ ਤੋਂ ਦੁਕਾਨਦਾਰਾਂ ਨੇ ਕਰ ਰੱਖਿਆ ਸੀ ਕ...

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।