ਖਰੜ, 16 ਜੁਲਾਈ (ਜੰਡਪੁਰੀ)-ਖਰੜ ਦੇ ਗਾਂਧੀ ਬਾਜ਼ਾਰ ਵਿਖੇ ਦਿਨ-ਦਿਹਾੜੇ ਰਾਹੁਲ ਜਿਊਲਰਜ਼ ਨਾਮਕ ਦੁਕਾਨ ਦੇ ਮਾਲਕ ਨੂੰ ਇਕ ਨੌਸਰਬਾਜ਼ ਨਸ਼ੀਲੀ ਵਸਤੂ ਸੰੁਘਾ ਕੇ ਸੋਨੇ ਦੇ ਗਹਿਣੇ ਚੋਰੀ ਕਰਕੇ ਫ਼ਰਾਰ ਹੋ ਗਿਆ | ਇਸ ਸੰਬੰਧੀ ਦੁਕਾਨ ਦੇ ਮਾਲਕ ਜਸਵੀਰ ਸਿੰਘ ਨੇ ਦੱਸਿਆ ਕਿ ਉਹ ਸਵੇਰੇ ਬੈਂਕ ਗਿਆ ਹੋਇਆ ਸੀ, ਜਦਕਿ ਉਸ ਦੇ ਪਿਤਾ ਦੁਕਾਨ ਉੱਤੇ ਬੈਠੇ ਸਨ | ਇਸੇ ਦੌਰਾਨ ਇਕ ਵਿਅਕਤੀ ਜਿਸ ਨੇ ਟੋਪੀ ਪਹਿਨੀ ਹੋਈ ਸੀ, ਉਸ ਦੇ ਪਿਤਾ ਕੋਲ ਆਇਆ | ਉਸ ਨੇ ਪਹਿਲਾਂ ਤਵੀਤ ਮੰਗਿਆ ਤੇ ਤਵੀਤ ਦੇਖਣ ਦੇ ਬਹਾਨੇ ਉਸ ਦੇ ਪਿਤਾ ਨੂੰ ਕੁਝ ਸੁੰਘਾ ਦਿੱਤਾ ਤੇ ਦੁਕਾਨ ਦੇ ਕਾਊਾਟਰ 'ਚੋਂ 18 ਗ੍ਰਾਮ ਸੋਨੇ ਦੇ ਗਹਿਣੇ, ਜਿਨ੍ਹਾਂ 'ਚ ਤਿੰਨ ਟਾਪਸਾਂ ਦੀਆਂ ਜੋੜੀਆਂ ਤੇ 2 ਮੁੰਦਰੀਆਂ ਸ਼ਾਮਿਲ ਹਨ, ਚੋਰੀ ਕਰਕੇ ਫ਼ਰਾਰ ਗਿਆ | ਉਨ੍ਹਾਂ ਦੱਸਿਆ ਕਿ ਚੋਰੀ ਹੋਏ ਸੋਨੇ ਦੀ ਕੀਮਤ ਕਰੀਬ 1 ਲੱਖ 60 ਹਜ਼ਾਰ ਰੁਪਏ ਬਣਦੀ ਹੈ | ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਇਸ ਘਟਨਾ ਸੰਬੰਧੀ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਹੈ | ਉਧਰ ਦੂਜੇ ਪਾਸੇ ਥਾਣਾ ਸਿਟੀ ਖਰੜ ਦੀ ਐਸ. ਐਚ. ਓ. ਸੁਨੀਲ ਕੁਮਾਰ ਨਾਲ ਸੰਪਰਕ ਕਰਨ 'ਤੇ ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੂੰ ਘਟਨਾ ਸੰਬੰਧੀ ਸੂਚਨਾ ਮਿਲ ਗਈ ਹੈ ਤੇ ਉਹ ਬਣਦੀ ਕਾਰਵਾਈ ਕਰ ਰਹੇ ਹਨ |
