ਰਾਜਾਸਾਂਸੀ, 8 ਦਸੰਬਰ (ਹਰਦੀਪ ਸਿੰਘ ਖੀਵਾ)-ਅੰਮਿ੍ਤਸਰ ਦੇ ਸ੍ਰੀ ਗੁਰੂ ਰਾਮਦਾਸ ਜੀ ਕੌਮਾਂਤਰੀ ਹਵਾਈ ਅੱਡਾ ਰਾਜਾਸਾਂਸੀ ਵਿਖੇ ਲਗਾਤਾਰ ਇੰਡੀਗੋ ਏਅਰਲਾਈਨ ਦੀਆਂ ਉਡਾਣਾਂ ਰੱਦ ਹੋ ਰਹੀਆਂ ਹਨ, ਜਿਸ ਅੱਜ ਵੀ ਪਹਿਲੇ ਦਿਨਾਂ ਤਰ੍ਹਾਂ 18 ਉਡਾਣਾਂ ਰੱਦ ਰਹੀਆਂ | ਇਨ੍ਹਾਂ 'ਚ ਤਿੰਨ ਉਡਾਣਾਂ ਦਿੱਲੀ, ਦੋ ਉਡਾਣਾਂ ਸ੍ਰੀ ਨਗਰ, ਪੁਣੇ, ਬੈਂਗਲੌਰ, ਕਲਕੱਤਾ, ਮੁੰਬਈ, ਅਹਿਮਦਾਬਾਦ, ਤੋਂ ਏਥੇ ਪੁੱਜਣ 'ਤੇ ਰਵਾਨਾ ਹੋਣ ਵਾਲੀਆਂ ਅੱਜ ਵੀ 18 ਉਡਾਣਾਂ ਰੱਦ ਰਹੀਆਂ | ਇਸ ਤੋਂ ਇਲਾਵਾ ਦੁਬਈ ਤੋਂ ਏਥੇ ਸਵੇਰੇ 7.50 ਵਜੇ ਪੁੱਜਣ ਵਾਲੀ ਸਪਾਈਸ ਜੈੱਟ ਦੀ ਉਡਾਣ ਨੰਬਰ-5 ਜੀ-56 ਆਪਣੇ ਸਮੇਂ ਤੋਂ ਕਰੀਬ ਸਵਾ ਘੰਟਾ ਦੇਰੀ ਨਾਲ ਪਹੁੰਚੀ | ਲਗਾਤਾਰ ਅੱਜ ਵੀ ਕੁਝ ਯਾਤਰੀ ਸਫਰ ਲਈ ਆਪਣੀਆਂ ਟਿਕਟਾਂ ਦੀ ਪੁਸ਼ਟੀ ਕਰਨ ਲਈ ਅੰਮਿ੍ਤਸਰ ਹਵਾਈ ਅੱਡੇ ਤੇ ਇੰਡੀਗੋ ਦੇ ਕਾਊਾਟਰ 'ਤੇ ਖੜੇ ਨਜ਼ਰ ਆਏ |
ਅੰਮਿ੍ਤਸਰ ਹਵਾਈ ਅੱਡੇ 'ਤੇ ਇੰਡੀਗੋ ਏਅਰਲਾਈਨ ਦੀਆਂ ਮੁੜ 18 ਉਡਾਣਾਂ ਰੱਦ
ਅਜੀਤ ਡੈਸਕ
09-12-2025