ਬੱਲੂਆਣਾ, 3 ਨਵੰਬਰ (ਜਸਮੇਲ ਸਿੰਘ ਢਿੱਲੋਂ)-ਵਿਭਾਗੀ ਹਦਾਇਤਾਂ ਅਨੁਸਾਰ ਐਨ.ਪੀ.ਈ.ਪੀ.2025 ਸਟੇਟ ਪੱਧਰੀ ਮੁਕਾਬਲਾ ਲੋਕ ਨਾਚ ਅਤੇ ਰੋਲ ਪਲੇਅ ਦੇਸ਼ ਭਗਤ ਯੂਨੀਵਰਸਿਟੀ, ਮੰਡੀ ਗੋਬਿੰਦਗੜ੍ਹ ਵਿਖੇ ਕਰਵਾਇਆ ਗਿਆ | ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਕੇਰਾ ਖੇੜਾ ਦੇ ਵਿਦਿਆਰਥੀਆਂ ਨੇ ਲੋਕ ਨਾਚ ਦੌਰਾਨ ਥੀਮ ਵਾਤਾਵਰਨ ਸੰਭਾਲ (4 ਆਰ) ਤਹਿਤ ਇਸ ਪ੍ਰਤੀਯੋਗਤਾ ਵਿਚ ਹਿੱਸਾ ਲਿਆ | ਟੀਮ ਮੈਂਬਰ ਮਨਜੋਤ ਕੌਰ, ਪੂਨਮ, ਤਮੰਨਾ, ਹਰਪ੍ਰੀਤ ਕੌਰ, ਏਕਮ ਕੌਰ ਅਤੇ ਲਕਸ਼ਮੀ ਬਾਈ ਨੇ ਵਧੀਆ ਪ੍ਰਫੋਰਮੈਸ ਕੀਤੀ | ਸਕੂਲ ਪਿ੍ੰਸੀਪਲ ਸ੍ਰੀਮਤੀ ਦੀਪਿਕਾ ਠਾਕੁਰ, ਮੈਡਮ ਪਰਮਜੀਤ ਕੌਰ, ਮੈਡਮ ਕੰਚਨ ਆਦਿ ਨੇ ਗਾਈਡ ਅਧਿਆਪਕ ਦੀ ਭੂਮਿਕਾ ਨਿਭਾਈ | ਪਿ੍ੰਸੀਪਲ ਨੇ ਜੇਤੂ ਬੱਚਿਆਂ ਨੂੰ ਵਧਾਈ ਦਿੱਤੀ |
