ਬੱਲੂਆਣਾ, 20 ਜੁਲਾਈ (ਜਸਮੇਲ ਸਿੰਘ ਢਿੱਲੋਂ)-ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਦੁਤਾਰਾਂਵਾਲੀ ਦੇ ਸੈਸ਼ਨ 2023-25 ਦੇ ਕੈਡੇਟਸ ਨੂੰ 25 ਪੰਜਾਬ ਬਟਾਲੀਅਨ ਐਨ.ਸੀ.ਸੀ. ਖ਼ਾਲਸਾ ਕਾਲਜ ਅਬੋਹਰ ਵਿਖੇ ਐਨ.ਸੀ.ਸੀ.ਦੀ ਏ ਸਰਟੀਫਿਕੇਟ ਪ੍ਰੀਖਿਆ ਪਾਸ ਕਰਨ ਉਪਰੰਤ ਵੰਡੇ ਗਏ | ਇਸ ਪ੍ਰੀਖਿਆ 'ਚ 47 ਕੈਡੇਟਸ ਨੇ ਭਾਗ ਲਿਆ | ਜਿਸ 'ਚੋਂ 10 ਬੱਚਿਆਂ ਨੇ ਅਲਫਾ ਗਰੇਡ ਪ੍ਰਾਪਤ ਕੀਤਾ | 37 ਬੱਚਿਆਂ ਨੇ ਬੀ ਗਰੇਡ ਪ੍ਰਾਪਤ ਕੀਤਾ | ਇਹ ਸਰਟੀਫਿਕੇਟ ਸੀ.ਓ.ਰਾਜੀਵ ਸਿਰੋਹੀ ਤੇ ਗੌਰਵ ਨਿਓਲ ਵਲੋਂ ਵੰਡੇ ਗਏ | ਸਕੂਲ ਦੇ ਏ.ਐਨ.ਓ.ਵਰਿੰਦਰ ਕੁਮਾਰ ਦੀ ਯੋਗ ਅਗਵਾਈ ਹੇਠ ਇਨ੍ਹਾਂ ਬੱਚਿਆਂ ਨੇ ਸਫ਼ਲਤਾ ਹਾਸਲ ਕੀਤੀ | ਇਸ ਸਮੇਂ ਸਕੂਲ ਸਟਾਫ਼ ਹਾਜ਼ਰ ਸੀ |
