ਮੰਡੀ ਅਰਨੀਵਾਲਾ,16 ਜੁਲਾਈ (ਨਿਸ਼ਾਨ ਸਿੰਘ ਮੋਹਲ਼ਾ)-ਇਸਲਾਮ ਵਾਲਾ ਦੇ ਲੋਕ ਪਿੰਡ ਦੀ ਫਿਰਨੀ ਪੱਕੀ ਨਾ ਹੋਣ ਕਰਕੇ ਤੇ ਨਾਲੀਆਂ ਨਾ ਬਣੀਆਂ ਹੋਣ ਕਰਕੇ ਇਸ ਫਿਰਨੀ ਤੋਂ ਲੰਘਣ ਵਿਚ ਮੁਸ਼ਕਲ ਦਾ ਸਾਹਮਣਾ ਕਰ ਰਹੇ ਹਨ | ਵੱਡੀ ਗਿਣਤੀ ਵਿਚ ਇਕੱਠੇ ਹੋਏ ਪਿੰਡ ਵਾਸੀਆਂ ਨੇ ਆਪਣੀ ਤਕਲੀਫ਼ ਦੱਸਦਿਆਂ ਹੋਇਆ ਕਿਹਾ ਕਿ ਪਿਛਲੇ ਕਈ ਸਾਲਾਂ ਤੋਂ ਇਸ ਫਿਰਨੀ ਨੂੰ ਨਹੀਂ ਬਣਾਇਆ ਗਿਆ | ਜਿਸ ਕਾਰਨ ਮੀਂਹ ਦੇ ਦਿਨਾਂ ਵਿਚ ਇੱਥੋਂ ਲੰਘਣਾ ਬਹੁਤ ਮੁਸ਼ਕਿਲ ਹੋ ਜਾਂਦਾ ਹ,ੈ ਇਸ ਫਿਰਨੀ 'ਤੇ ਸਰਕਾਰੀ ਸਕੂਲ ਹੋਣ ਕਰਕੇ ਸਕੂਲ ਦੇ ਬੱਚੇ ਵੀ ਸਕੂਲ ਜਾਣ ਤੋਂ ਅਸਮਰਥ ਹਨ | ਇਸੇ ਤਰ੍ਹਾਂ ਦੂਜੇ ਪਿੰਡਾਂ ਨੂੰ ਇਹ ਲਾਂਘਾ ਹੋਣ ਕਰਕੇ ਆਮ ਲੋਕਾਂ ਦਾ ਆਉਣਾ ਜਾਣਾ ਵੀ ਮੁਸ਼ਕਿਲ ਬਣਿਆ ਹੋਇਆ ਹੈ | ਫਿਰਨੀ 'ਤੇ ਜਮਾਂ ਚਿੱਕੜ 'ਚ ਜਿੱਥੇ ਵਾਹਨ ਫਸ ਜਾਂਦੇ ਹਨ ਤੇ ਉੱਥੇ ਕਈ ਵਾਰ ਵਾਹਨ ਚਾਲਕ ਨੂੰ ਸੱਟਾਂ ਵੀ ਲੱਗ ਜਾਂਦੀਆਂ ਹਨ | ਸਕੂਲੀ ਵੈਨ ਇਸ ਫਿਰਨੀ 'ਤੇ ਨਹੀਂ ਆਉਂਦੀਆਂ, ਜਿਸ ਕਾਰਨ ਕਈ ਘਰਾਂ ਨੂੰ ਆਪਣੇ ਸਕੂਲੀ ਬੱਚਿਆਂ ਨੂੰ ਸਕੂਲ ਭੇਜਣ ਵਿਚ ਦਿੱਕਤ ਆ ਰਹੀ ਹੈ | ਪਿੰਡ ਵਾਸੀ ਕਹਿ ਰਹੇ ਹਨ ਕਿ ਉਹ ਨਰਕ ਭਰੀ ਜ਼ਿੰਦਗੀ ਜੀਅ ਰਹੇ ਹਨ | ਉਨ੍ਹਾਂ ਦੀ ਇਸ ਸਮੱਸਿਆ ਦਾ ਕਿਸੇ ਵਲੋਂ ਵੀ ਹੱਲ ਨਹੀਂ ਕੀਤਾ ਜਾ ਰਿਹਾ | ਜਦ ਵੀ ਕਿਸੇ ਰਾਜਸੀ ਆਗੂ ਨੂੰ ਕਿਹਾ ਜਾਂਦਾ ਹੈ ਤਾਂ ਉਹ ਹਮੇਸ਼ਾ ਲਾਅਰੇ ਹੀ ਲਾਉਂਦਾ ਹਨ | ਪਰ ਅਜੇ ਤੱਕ ਉਨ੍ਹਾਂ ਦੀ ਕੋਈ ਸੁਣਵਾਈ ਨਹੀਂ ਹੋਈ
