ਗੁਰਦਾਸਪੁਰ, 19 ਜੁਲਾਈ (ਚੱਕਰਾਜਾ)-ਪੰਜਾਬ ਸਰਕਾਰ ਦੇ ਨਿਰਦੇਸ਼ਾਂ 'ਤੇ ਅੱਜ ਸੀ.ਡੀ.ਪੀ.ਓ ਦੋਰਾਂਗਲਾ ਸੁਦੇਸ਼ ਅੱਤਰੀ ਦੀ ਅਗਵਾਈ ਹੇਠ ਪਿੰਡ ਉੱਚਾ ਧਕਾਲਾ ਵਿਖੇ ਨਸ਼ਿਆਂ ਵਿਰੁੱਧ ਕੈਂਪ ਲਗਾਇਆ ਗਿਆ | ਜਿਸ ਵਿਚ ਸਰਕਲ ਸੁਪਰਵਾਈਜ਼ਰ ਰਜਵਿੰਦਰ ਕੌਰ ਵਲੋਂ ਨਸ਼ਿਆਂ ਦੇ ਮਾੜੇ ਪ੍ਰਭਾਵਾਂ ਬਾਰੇ ਜਾਗਰੂਕ ਕੀਤਾ ਗਿਆ ਅਤੇ ਨੌਜਵਾਨਾਂ ਨੰੂ ਇਸ ਨਸ਼ਿਆਂ ਵਿਰੁੱਧ ਜੰਗ 'ਚ ਆਪਣਾ ਯੋਗਦਾਨ ਦੇਣ ਲਈ ਪ੍ਰੇਰਿਤ ਕੀਤਾ ਗਿਆ | ਉਨ੍ਹਾਂ ਦੱਸਿਆ ਕਿ ਬਲਾਕ ਅੰਦਰ ਪਿਛਲੇ 1 ਜੁਲਾਈ ਤੋਂ ਵੱਖ ਵੱਖ ਪਿੰਡਾਂ ਸੁਲਤਾਨੀ, ਪਸਿਆਲ, ਭਾਗੋਕਾਵਾਂ, ਸ਼ਮਸ਼ੇਰਪੁਰ ਅਤੇ ਓਗਰਾ ਵਿਖੇ ਵੀ ਕੈਂਪ ਲਗਾਏ ਗਏ ਹਨ | ਇਸ ਮੌਕੇ ਆਂਗਣਵਾੜੀ ਵਰਕਰ ਮਨਜੀਤ ਕੌਰ, ਸ਼ੁਭਲਤਾ, ਰਾਮ ਪਿਆਰੀ, ਰਾਜਬੀਰ ਕੌਰ, ਸਰਪੰਚ, ਪੰਚ ਤੇ ਮੋਹਤਬਰ ਹਾਜ਼ਰ ਸਨ |
