ਘਰੋਟਾ, 17 ਜੁਲਾਈ (ਸੰਜੀਵ ਗੁਪਤਾ)-ਪਾਰਟੀ ਦੀ ਰਾਸ਼ਟਰੀ ਅਤੇ ਸੂਬਾ ਇਕਾਈ ਵਲੋਂ ਸ਼ੁਰੂ ਕੀਤੇ ਗਏ ਕੈਂਪਾਂ ਦੇ ਤੀਜੇ ਦੌਰ ਦੌਰਾਨ ਮੰਡਲ ਚੌਂਤਾ ਦੇ ਪਿੰਡ ਜੰਡੀ ਵਿਚ ਇਕ ਕੈਂਪ ਦਾ ਆਯੋਜਨ ਕੀਤਾ ਗਿਆ | ਜਿਸ ਵਿਚ ਕੇਂਦਰ ਸਰਕਾਰ ਦੀਆਂ ਯੋਜਨਾਵਾਂ 'ਤੇ ਜਿੱਥੇ ਚਾਨਣਾ ਪਾਇਆ ਉੱਥੇ ਹੀ ਵੱਖ-ਵੱਖ ਕੇਂਦਰ ਦੀਆਂ ਸਕੀਮਾਂ ਦੇ ਕਾਰਡ ਬਣਾਉਣ ਤੋਂ ਇਲਾਵਾ ਰਜਿਸਟਰੇਸ਼ਨ ਵੀ ਕੀਤੀ ਗਈ | ਜਿਸ ਵਿਚ ਵੱਡੀ ਗਿਣਤੀ ਵਿਚ ਲੋਕਾਂ ਨੇ ਭਾਗ ਲੈ ਕੇ ਲਾਭ ਉਠਾਇਆ | ਸੂਬਾ ਸਕੱਤਰ ਪਿ੍ੰ: ਰੇਨੂੰ ਕਸ਼ਯਪ ਅਤੇ ਮੰਡਲ ਪ੍ਰਧਾਨ ਪ੍ਰਸ਼ੋਤਮ ਠਾਕੁਰ ਦੀ ਨਿਗਰਾਨੀ ਹੇਠ ਕੈਂਪ ਲਗਾਇਆ ਗਿਆ | ਪਿ੍ੰਸੀਪਲ ਰੇਣੂ ਕਸ਼ਯਪ, ਮੰਡਲ ਪ੍ਰਧਾਨ ਪ੍ਰਸ਼ੋਤਮ ਠਾਕੁਰ, ਸਾਬਕਾ ਮੰਡਲ ਪ੍ਰਧਾਨ ਪੂਰਨ ਸਿੰਘ ਸਮੇਤ ਹੋਰਨਾਂ ਬੁਲਾਰਿਆਂ ਨੇ ਇਨ੍ਹਾਂ ਕੈਂਪਾਂ ਦੇ ਮੰਤਵ, ਉਦੇਸ਼ 'ਤੇ ਚਾਨਣਾ ਪਾਇਆ | ਉਨ੍ਹਾਂ ਕਿਹਾ ਕਿ ਝਰੋਲੀ, ਬਿਆਨਪੁਰ, ਜੰਡੀ ਵਿਚ ਲੱਗਿਆ ਇਹ ਕੈਂਪ ਕਾਫ਼ੀ ਸਫਲ ਰਿਹਾ | ਇਸ ਕੈਂਪ ਵਿਚ 700 ਲੋਕ ਆਏ, 500 ਨੇ ਰਜਿਸਟਰੇਸ਼ਨ ਕਰਵਾਈ | ਇਸ ਮੌਕੇ 250 ਆਯੂਸ਼ਮਾਨ ਕਾਰਡ ਬਣਾਏ ਗਏ | ਇਸ ਮੌਕੇ ਜ਼ਿਲ੍ਹਾ ਸਹਿ ਸੰਯੋਜਕ ਵਿਨੈ ਚੌਧਰੀ , ਰਾਜੇਸ਼ ਸ਼ਰਮਾ , ਸੰਜੀਵ ਸ਼ਰਮਾ , ਜ਼ਿਲ੍ਹਾ ਲੀਗਲ ਸੈਲ ਦੇ ਇੰਚਾਰਜ ਰਾਕੇਸ਼ ਕੁਮਾਰ ਨਡਾਲਾ ਦੇ ਨਾਲ ਮੰਡਲ ਦੇ ਸੀਨੀਅਰ ਭਾਜਪਾ ਆਗੂ ਪੂਰਨ ਸਿੰਘ , ਸ਼ਕਤੀ ਕੇਂਦਰ ਇੰਚਾਰਜ ਜਤਿੰਦਰ ਕੁਮਾਰ, ਬੂਥ ਇੰਚਾਰਜ ਰਾਜਿੰਦਰ ਸਿੰਘ ਕੇਵਲ ਸਿੰਘ, ਕੈਪਟਨ ਦਿਲਾਵਰ ਸਿੰਘ, ਦਵਿੰਦਰ ਸਿੰਘ ਅਤੇ ਨਰੇਸ਼ ਠਾਕੁਰ ਤੇ ਸਮੂਹ ਵਰਕਰ ਹਾਜ਼ਰ ਸਨ |
