ਬਟਾਲਾ, 17 ਜੁਲਾਈ (ਬੁੱਟਰ)-ਭਾਰਤ ਵਿਕਾਸ ਪ੍ਰੀਸ਼ਦ ਸ਼ਾਖ਼ਾ ਬਟਾਲਾ ਵਲੋਂ ਸਿਵਲ ਹਸਪਤਾਲ ਬਟਾਲਾ ਵਿਖੇ ਗੋਦ ਲਏ ਗਏ 5 ਟੀ.ਬੀ. ਦੇ ਮਰੀਜ਼ਾਂ ਨੂੰ ਪੌਸ਼ਟਿਕ ਖੁਰਾਕ ਦੀਆਂ ਕਿੱਟਾਂ ਵੰਡੀਆਂ ਗਈਆਂ | ਪ੍ਰੀਸ਼ਦ ਦੀ ਮਹਿਲਾ ਵਿੰਗ ਮੁਖੀ ਰਿਤੂ ਮਹਾਜਨ ਨੇ ਕਿਹਾ ਕਿ ਟੀ.ਬੀ. ਵਰਗੀ ਗੰਭੀਰ ਬਿਮਾਰੀ ਦੇ ਇਲਾਜ ਦੌਰਾਨ ਸੰਤੁਲਿਤ ਅਤੇ ਪੌਸ਼ਟਿਕ ਖੁਰਾਕ ਬਹੁਤ ਮਹੱਤਵਪੂਰਨ ਹੁੰਦੀ ਹੈ | ਇਸ ਮੰਤਵ ਨੂੰ ਪੂਰਾ ਕਰਨ ਲਈ ਇਹ ਸੇਵਾ ਕੀਤੀ ਗਈ ਹੈ | ਇਸ ਮੌਕੇ ਸਾਕਸ਼ੀ ਅਗਰਵਾਲ, ਮੀਨਾ ਅਗਰਵਾਲ, ਸ਼ਾਖ਼ਾ ਦੇ ਪ੍ਰਧਾਨ ਭੁਵਨੇਸ਼ ਵਰਮਾ, ਰਮਨ ਸ਼ਰਮਾ, ਡਾ. ਅਰਵਿੰਦ ਕਾਲੀਆ, ਜਗਤਪਾਲ ਮਹਾਜਨ, ਜੁਗਲ ਕਿਸ਼ੋਰ, ਡਾ. ਅਕਾਂਕਸ਼ਾ ਵਰਮਾ ਟੀ.ਬੀ. ਮਾਹਿਰ, ਬਲਜਿੰਦਰ ਸਿੰਘ, ਗੁਰਚਰਨ ਸਿੰਘ ਆਦਿ ਹਾਜ਼ਰ ਸਨ |
