19-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 21-07-2025

ਰਾਤ ਨੂੰ ਟਿਊਬਵੈੱਲਾਂ 'ਤੇ ਚੋਰੀ ਕਰਨ ਆਏ ਚੋਰ ਮੋਟਰਸਾਈਕਲ ਛੱਡ ਕੇ ਹੋਏ ਫ਼ਰਾਰ

ਅਜੀਤ ਡੈਸਕ 21-07-2025
ਖਮਾਣੋਂ, 20 ਜੁਲਾਈ (ਜੋਗਿੰਦਰ ਪਾਲ)-ਖਮਾਣੋਂ ਤੋਂ ਖੰਨਾ ਰਜਵਾਹੇ ਨੇੜੇ ਬਰਵਾਲੀ ਕਲਾਂ ਦੇ ਟਿਊਬਵੈੱਲਾਂ 'ਤੇ ਚੋਰੀ ਕਰਨ ਆਏ ਚੋਰਾਂ ਵੱਲੋਂ ਬੁਲੇਟ ਤੇ ਸਪਲੈਂਡਰ ਮੋਟਰਸਾਈਕਲ ਛੱਡ ਕੇ ਫ਼ਰਾਰ ਹੋਣ ਦੀ ਖ਼ਬਰ ਹੈ | ਜਾਣਕਾਰੀ ਦਿੰਦਿਆਂ ਪਿੰਡ ਬਰਵਾਲੀ ਕਲਾਂ ਦੇ ਜਸਕਰਨ ਸਿੰਘ ਨੇ ਦੱਸਿਆ ਕਿ ਰਾਤ 1 ਵਜੇ ਦੇ ਕਰੀਬ ਚੋਰ ਇੱਥੇ ਮੋਟਰਾਂ 'ਤੇ ਆਏ ਜਿਸ ਵਕਤ ਸਰਬਜੀਤ ਸਿੰਘ ਦੇ ਟਿਊਬਵੈੱਲ ਤੋਂ ਚੋਰ ਰਾਤ ਸਮੇਂ ਕੇਬਲਾਂ ਚੋਰੀ ਕਰਨ ਲੱਗੇ ਤਾਂ ਟਿਊਬਵੈੱਲ ਦੀ ਛੱਤ 'ਤੇ ਪਏ ਪ੍ਰਵਾਸੀ ਵਿਨੋਦ ਕੁਮਾਰ ਨੇ ਮਾਲਕ ਨੂੰ ਫ਼ੋਨ ਕਰ ਦਿੱਤਾ ਜਿਸ ਉਪਰੰਤ ਕਈ ਖੇਤ ਮਾਲਕ ਆਪਣੇ ਸਾਧਨਾਂ ਰਾਹੀਂ ਰਾਤ ਸਮੇਂ ਆਪਣੇ ਖੇਤਾਂ ਵੱਲ ਆ ਰਹੇ ਸਨ ਤਾਂ ਰਸਤੇ ਵਿਚ ਇਕ ਬੁਲਟ ਅਤੇ ਇਕ ਸਪਲੈਂਡਰ ਮੋਟਰਸਾਈਕਲ 'ਤੇ ਦੋ ਨੌਜਵਾਨ ਮਿਲੇ ਤਾਂ ਜਿਵੇਂ ਹੀ ਉਨ੍ਹਾਂ ਮੋਟਰਸਾਈਕਲ ਚਾਲਕਾਂ ਦਾ ਅਸੀਂ ਪਿੱਛਾ ਕਰਨ ਲੱਗੇ ਤਾਂ ਉਹ ਦੋਵੇਂ ਨੌਜਵਾਨ ਖਮਾਣੋਂ ਖੰਨਾ ਸੜਕ 'ਤੇ ਵੱਡੇ ਟੋਏ ਪਏ ਹੋਣ ਕਾਰਨ ਡਿਗ ਗਏ ਅਤੇ ਆਪੋ ਆਪਣੇ ਮੋਟਰਸਾਈਕਲ ਛੱਡ ਕੇ ਫ਼ਰਾਰ ਹੋ ਗਏ |
ਜਸਕਰਨ ਸਿੰਘ ਨੇ ਦੱਸਿਆ ਕਿ ਇਸ ਉਪਰੰਤ ਖਮਾਣੋਂ ਥਾਣੇ 'ਚ ਸੂਚਨਾ ਦਿੱਤੀ ਤਾਂ ਸਾਰੀ ਰਾਤ ਲੰਘ ਜਾਣ ਤੇ ਖਮਾਣੋਂ ਥਾਣੇ 'ਚੋਂ ਕੋਈ ਵੀ ਪੁਲਿਸ ਮੁਲਾਜ਼ਮ ਦੂਸਰੇ ਦਿਨ ਤੱਕ ਘਟਨਾ ਸਥਾਨ 'ਤੇ ਨਹੀਂ ਪਹੁੰਚਿਆ ਜਿਸ ਉਪਰੰਤ ਉਨ੍ਹਾਂ ਵਿਧਾਇਕ ਰੁਪਿੰਦਰ ਸਿੰਘ ਹੈਪੀ ਨੂੰ ਫ਼ੋਨ ਕੀਤਾ ਜਿਸ ਉਪਰੰਤ ਹੀ ਪੁਲਿਸ ਨੇ ਸਾਡੇ ਨਾਲ ਰਾਬਤਾ ਕਾਇਮ ਕੀਤਾ ਅਤੇ ਲੋਕਾਂ ਵਲੋਂ ਟਰੈਕਟਰ-ਟਰਾਲੀ 'ਚ ਦੋਵੇਂ ਮੋਟਰਸਾਈਕਲ ਥਾਣੇ ਪਹੁੰਚਾਏ ਅਤੇ ਖਮਾਣੋਂ ਥਾਣੇ ਦਰਖਾਸਤ ਦਿੱਤੀ ਅਤੇ ਉਕਤ ਘਟਨਾ ਦੀ ਪੁਲਿਸ ਜਾਂਚ ਕਰ ਰਹੀ ਹੈ |
ਪਿਛਲੀ ਖ਼ਬਰ ਗੁਰੂ ਨਾਨਕ ਕਾਲੋਨੀ 'ਚ ਪੀਣ ਦਾ ਪਾਣੀ ਆਉਂਦਾ ਨਹੀਂ ਤੇ ਸੀਵਰੇਜ ਦਾ ਪਾਣੀ ਸੜਕਾਂ 'ਤੇ ਅਗਲੀ ਖ਼ਬਰ ਪ੍ਰਦੀਪ ਗਰਗ ਨੂੰ ਮਲੇਰਕੋਟਲਾ ਜ਼ਿਲ੍ਹੇ ਦਾ ਚੋਣ ਆਬਜ਼ਰਵਰ ਲਗਾਇਆ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।