ਸ਼ਹੀਦ ਭਗਤ ਸਿੰਘ ਨਗਰ / ਬੰਗਾ

ਭਿਖਾਰੀਆਂ ਦੀ ਗਿਣਤੀ 'ਚ ਦਿਨੋ-ਦਿਨ ਹੋ ਰਹੇ ਵਾਧੇ 'ਤੇ ਕਾਬੂ ਪਾਉਣ ਹਿੱਤ ਐੱਸ.ਡੀ.ਐੱਮ. ਬਲਾਚੌਰ ਨੂੰ ਦਿੱਤਾ ਮੰਗ ਪੱਤਰ <br/>

ਬਲਾਚੌਰ ਵਿਖੇ ਭਿਖਾਰੀਆਂ ਦੀ ਵੱਧ ਰਹੀ ਗਿਣਤੀ ਨੂੰ ਕਾਬੂ ਪਾਉਣ ਹਿੱਤ ਐਸ.ਡੀ.ਐਮ ਨੂੰ ਮੰਗ ਪੱਤਰ ਸੌਂਪਣ ਮੌਕੇ ਇਲਾਕੇ ਦੀਆਂ ਹਾਜ਼ਰ ਵੱਖ-ਵੱਖ ਸ਼ਖਸੀਅਤਾਂ | ਤਸਵੀਰ : ਨਰੇਸ਼ ਧੌਲ <br/> 20-07-2025

ਬਲਾਚੌਰ, 19 ਜੁਲਾਈ (ਨਰੇਸ਼ ਧੌਲ) - ਬਲਾਚੌਰ ਸ਼ਹਿਰ ਅੰਦਰ ਭਿਖਾਰੀਆਂ ਦੀ ਗਿਣਤੀ 'ਚ ਦਿਨੋ ਦਿਨ ਹੋ ਰਹੇ ਵਾਧੇ ਨੂੰ ਰੋਕਣ ਲਈ ਸ਼ਹਿਰ ਦੀਆਂ ਵੱਖ-ਵੱਖ ਸ਼ਖਸੀਅਤਾਂ ਵੱਲੋਂ ਐਸ.ਡੀ.ਐਮ ਬਲਾਚੌਰ ਨੂੰ ਮੰਗ ਪੱਤਰ ਦਿੱਤਾ ਗਿਆ | ਉਨ੍ਹਾਂ ਮੰਗ ਪੱਤਰ ਰਾਹੀਂ ਦੱਸਿਆ ਕਿ ਅਕਸਰ ਦੇਖਣ 'ਚ ਆ ਰਿਹਾ ਹੈ ਕਿ ਬਲਾਚੌਰ ਸ਼ਹਿਰ ਦੇ ਬਜ਼ਾਰਾਂ 'ਚ ਛੋਟੇ- ਛੋਟੇ ਬੱਚੇ, ਜਿਹਨਾਂ ਦੀ ਉਮਰ 14 ਸਾਲ ਤੋਂ ਘੱਟ ਹੁੰਦੀ ਹੈ, ਉਹ ਅਕਸਰ ਸੜਕਾਂ, ਬਜਾਰਾਂ ਵਿੱਚ ਭੀਖ ਮੰਗਦੇ ਹੋਏ ਦੇਖੇ ਜਾ ਰਹੇ ਹਨ ਤੇ ਇਨ੍ਹਾਂ ਮੰਗਤਿਆਂ ਦੀ ਸੰਖਿਆ ਦੇ ਵਿੱਚ ਦਿਨ ਪ੍ਰਤੀ ਦਿਨ ਵਾਧਾ ਹੋ ਰਿਹਾ ਹੈ | ਸ਼ਹਿਰ ਦੇ ਦੁਕਾਨਕਾਰਾਂ ਦਾ ਆਪਣੀਆਂ ਦੁਕਾਨਾਂ 'ਤੇ ਅਤੇ ਵਹੀਕਲ ਸਵਾਰਾਂ ਦਾ ਆਪਣੇ ਵਹੀਕਲਾਂ 'ਤੇ ਬੈਠਣਾ ਮੁਸ਼ਕਿਲ ਹੋ ਜਾਂਦਾ ਹੈ | ਇਹ ਛੋਟੇ -ਛੋਟੇ ਭੀਖ ਮੰਗਣ ਵਾਲੇ ਬੱਚੇ ਆਉਂਦੇ ਜਾਂਦੇ ਲੋਕਾਂ ਨੂੰ ਸਕੂਲ ਕਾਲਜ ਪੜ੍ਹਨ ਲਈ ਜਾਂਦੀਆਂ ਬੱਚੀਆਂ ਨੂੰ ਅੱਗੇ ਹੋ ਕੇ ਘੇਰਦੇ ਹਨ ਤੇ ਭੀਖ ਦੇਣ ਲਈ ਮਜਬੂਰ ਕਰਦੇ ਹਨ | ਜਿਹੜੇ ਬੱਚੇ ਅਤੇ ਵੱਡੇ ਭੀਖਾਰੀ ਸ਼ਹਿਰ ਅੰਦਰ ਭੀਖ ਮੰਗਦੇ ਦੇਖੇ ਜਾਂਦੇ ਹਨ, ਉਨ੍ਹਾਂ ਭਿਖਾਰੀਆਂ ਦੇ ਆਧਾਰ ਕਾਰਡ/ਆਈ.ਡੀ. ਲੈ ਕੇ ਵੈਰੀਫਿਕੇਸ਼ਨ ਕੀਤੀ ਜਾਵੇ, ਜਿਹੜੇ ਲੋਕ ਆਪਣੇ 14 ਸਾਲ ਤੋਂ ਘੱਟ ਉਮਰ ਦੇ ਆਪਣੇ ਬੱਚਿਆਂ ਤੋਂ ਭੀਖ ਮੰਗਣ ਦਾ ਇਹ ਕੰਮ ਕਰਵਾ ਰਹੇ ਹਨ ਤੇ ਵੱਡੇ ਲੋਕ ਜੋ ਆਪ ਭੀਖ ਮੰਗ ਰਹੇ ਹਨ ਉਨ੍ਹਾਂ ਖਿਲਾਫ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ | ਸ਼ਹਿਰ ਅੰਦਰ 14 ਸਾਲ ਤੋਂ ਘੱਟ ਉਮਰ ਦੇ ਭੀਖ ਮੰਗਣ ਦਾ ਕੰਮ ਬੰਦ ਕਰਵਾਇਆ ਜਾਵੇ, ਤਾਂ ਜੋ ਇਸ ਸਮੱਸਿਆ ਦਾ ਪੱਕਾ ਹੱਲ ਹੋ ਸਕੇ | ਇਸ ਮੌਕੇ ਰਾਣਾ ਰਣਦੀਪ ਕੌਸ਼ਲ, ਵਿਜੇ ਰਾਣਾ, ਸੁਭਾਸ਼ ਰਾਣਾ, ਸੂਬੇਦਾਰ ਪਰਮਜੀਤ ਸਿੰਘ ਸਰਪੰਚ, ਕੈਪਟਨ ਭਗਤ ਰਾਮ, ਰਾਣਾ ਭੂਪਿੰਦਰ, ਜਿੰਮੀ ਰਾਣਾ, ਵਿਸ਼ਾਲ ਰਾਣਾ, ਸੁਭਾਸ਼ ਚੰਦ, ਦਿਨੇਸ਼ ਕੁਮਾਰ, ਰਜਤ ਆਨੰਦ, ਅਰਜੁਨ ਸ਼ਰਮਾ, ਨੀਪਿੰਡਟਾ ਚਹਲ ਅਤੇ ਹੋਰ ਵੱਖ ਵੱਖ ਸ਼ਖਸ਼ੀਅਤਾਂ ਹਾਜ਼ਰ ਸਨ |

ਪਿਛਲੀ ਖ਼ਬਰ ਡਾ. ਸੁਖਵਿੰਦਰ ਹੀਰਾ ਦੀ ਅਗਵਾਈ ਹੇਠ ਡਾ. ਅੰਬੇਡਕਰ ਦੇ ਪੈਰੋਕਾਰਾਂ ਦੀ ਮੀਟਿੰਗ <br/> ਅਗਲੀ ਖ਼ਬਰ ਲਾਇਨਜ਼ ਕਲੱਬ ਬੰਗਾ ਮਹਿਕ ਦੇ ਲਾਇਨ ਆਗੂਆਂ ਨੂੰ ਜ਼ਿਲ੍ਹਾ ਗਵਰਨਰ ਨੇ ਜ਼ਿਲ੍ਹੇ 'ਚ ਅਹੁਦੇ ਦੇ ਕੇ ਨਿਵਾਜਿਆ <br/>