ਸੜੋਆ, 17 ਜੁਲਾਈ (ਹਰਮੇਲ ਸਹੂੰਗੜਾ)-ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸੜੋਆ 'ਚ ਅੱਜ ਸਵ. ਸੁਦੇਸ਼ ਕੁਮਾਰ ਦੀ ਯਾਦ 'ਚ ਉਨ੍ਹਾਂ ਦੇ ਪਿਤਾ ਜੋਗਿੰਦਰ ਪਾਲ ਨੇ ਬੂਟੇ ਲਗਵਾਏ ਅਤੇ ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਚੰਗਾ ਵਾਤਾਵਰਨ ਉਸਾਰਨ ਲਈ ਕਿਹਾ | ਪਿਤਾ ਜੋਗਿੰਦਰ ਪਾਲ ਕੁਲਪੁਰ ਵਿਖੇ ਚੰਦੜ ਨਰਸਰੀ ਚਲਾਉਂਦੇ ਹਨ, ਸਵ. ਸੁਦੇਸ਼ ਕੁਮਾਰ ਪੁੱਤਰ ਹਮੇਸ਼ਾ ਪਿਤਾ ਨਾਲ ਨਰਸਰੀ 'ਚ ਕੰਮ ਕਰਵਾਉਂਦਾ ਸੀ | ਉਸ ਨੂੰ ਵਾਤਾਵਰਨ ਨਾਲ ਬਹੁਤ ਪਿਆਰ ਸੀ, ਸਨ 2023 'ਚ ਅਚਾਨਕ ਦਿਲ ਦਾ ਦੌਰਾ ਪੈਣ ਨਾਲ ਸੁਦੇਸ਼ ਕੁਮਾਰ ਦੀ ਮੌਤ ਹੋ ਗਈ, ਪੁੱਤਰ ਦੀ ਯਾਦ 'ਚ ਜੋਗਿੰਦਰ ਪਾਲ ਵਲੋਂ ਸਕੂਲ 'ਚ ਬੂਟੇ ਲਗਾਏ ਗਏ | ਇਹ ਬੂਟੇ ਮਾਸਟਰ ਰਣਜੀਤ ਸਿੰਘ ਅਤੇ ਸਕੂਲ ਮੁਖੀ ਰਿਤੂ ਮਿਨਹਾਸ ਦੀ ਰਹਿਨੁਮਾਈ ਹੇਠ ਲਗਵਾਏ ਗਏ | ਮਾਸਟਰ ਰਣਜੀਤ ਸਿੰਘ ਨੇ ਵਿਦਿਆਰਥੀ ਅਤੇ ਸਟਾਫ਼ ਮੈਂਬਰ ਨੂੰ ਵੱਧ ਤੋਂ ਵੱਧ ਬੂਟੇ ਲਗਾਉਣ ਲਈ ਕਿਹਾ | ਇਸ ਮੌਕੇ ਇੰਚਾਰਜ ਰਿਤੂ ਮਿਨਹਾਸ, ਸਕੂਲ ਸਟਾਫ਼ ਮੈਂਬਰ ਵਿਜੈ ਕੁਮਾਰ, ਤਜਿੰਦਰ ਸਿੰਘ, ਸੁਰਿੰਦਰਪਾਲ ਸਿੰਘ, ਜੁਝਾਰ ਸਿੰਘ, ਬਲਜਿੰਦਰ ਸਿੰਘ, ਨਾਰੰਜਨਜੋਤ ਸਿੰਘ, ਰਣਜੀਤ ਸਿੰਘ, ਬਲਜਿੰਦਰ ਸਿੰਘ, ਕੁਲਵੀਰ ਸਿੰਘ, ਨਿਰਮਲ ਕੁਮਾਰ, ਸੋਨੀਆ, ਸੁਮਿਤਾ, ਕੁਲਵਿੰਦਰ ਕੌਰ, ਭਾਵਨਾ, ਰਜਨੀ ਬਾਲਾ, ਕਿਰਨ ਬਾਲਾ, ਨਵਨੀਤ ਕੌਰ, ਕੁਲਵਿੰਦਰ ਕੌਰ ਵੀ ਹਾਜ਼ਰ ਸਨ |
