ਕਟਾਰੀਆਂ, 17 ਜੁਲਾਈ (ਪ੍ਰੇਮੀ ਸੰਧਵਾਂ)- ਮਹਿੰਦਰਾ ਹਸਪਤਾਲ ਮੁਕੰਦਪੁਰ ਰੋਡ ਬੰਗਾ ਦੇ ਮੈਨੇਜਿੰਗ ਡਾਇਰੈਕਟਰ ਤੇ ਜਨਰਲ ਰੋਗਾਂ ਦੇ ਮਾਹਿਰ ਡਾ. ਉਂਕਾਰ ਸਿੰਘ ਨੇ ਪਿੰਡ ਸੰੂਢ-ਮਕਸੂਦਪੁਰ ਵਿਖੇ 'ਅਜੀਤ' ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਬਰਸਾਤੀ ਮੌਸਮ 'ਚ ਹੁੰਮਸ ਭਰੀ ਗਰਮੀ ਨਾਲ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਬਚਣ ਲਈ ਹਰ ਵਿਅਕਤੀ ਨੂੰ ਪੂਰੀ ਸਾਵਧਾਨੀ ਵਰਤਣੀ ਚਾਹੀਦੀ ਹੈ | ਕਿਉਂਕਿ ਬਰਸਾਤੀ ਮੌਸਮ 'ਚ ਖੜ੍ਹੇ ਸਾਫ਼ ਪਾਣੀ 'ਚ ਏਡੀਜ਼ ਐਜਿਪਟੀ ਨਾਂਅ ਦੇ ਪੈਦਾ ਹੁੰਦੇ ਮੱਛਰ ਨਾਲ ਡੇਂਗੂ, ਚਿਕਨਗੁਣੀਆ ਆਦਿ ਬਿਮਾਰੀਆਂ ਫੈਲਣ ਦਾ ਖ਼ਤਰਾ ਹੁੰਦਾ ਹੈ | ਇਸ ਲਈ ਸਾਰਿਆਂ ਦਾ ਫਰਜ਼ ਬਣਦਾ ਹੈ ਕਿ ਉਹ ਆਪਣੇ ਘਰਾਂ ਦੇ ਨੇੜੇ ਸਾਫ਼ ਪਾਣੀ ਨਾ ਖੜ੍ਹਾ ਹੋਣ ਦੇਣ | ਇਸ ਮੌਕੇ ਮੈਡਮ ਦਲਜੀਤ ਕੌਰ, ਡਾ. ਰਵਨੀਤ, ਡਾ. ਤੇਜਿੰਦਰ ਸਿੰਘ ਹੈਰੀ, ਰਾਕੇਸ਼ ਕੁਮਾਰ ਬੈਸਾਂ, ਜਸਵਿੰਦਰ ਭੱਟੀ, ਮੈਡਮ ਜੋਤੀ, ਡਾ. ਰਵਿੰਦਰ ਸੂੰਢ, ਮੈਡਮ ਗੁਰਪ੍ਰੀਤ ਕੌਰ ਆਦਿ ਹਾਜ਼ਰ ਸਨ |
