18-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 16-07-2025

ਟੋਰੋਵਾਲ ਪੰਚਾਇਤੀ ਜ਼ਮੀਨ ਮਾਮਲੇ 'ਚ ਪਿੰਡ ਵਾਸੀਆਂ ਦਾ ਵਫ਼ਦ ਡਿਪਟੀ ਕਮਿਸ਼ਨਰ ਨੂੰ ਮਿਲਿਆ <br/>

ਨਵਾਂਸ਼ਹਿਰ ਵਿਖੇ ਹਰਗੋਪਾਲ ਸਿੰਘ ਸਾਬਕਾ ਵਿਧਾਇਕ ਅਤੇ ਪਿੰਡ ਟੋਰੋਵਾਲ ਵਾਸੀ ਡਿਪਟੀ ਕਮਿਸ਼ਨਰ ਨੂੰ ਮਿਲਣ ਜਾਣ ਸਮੇਂ | ਤਸਵੀਰ : ਜਸਬੀਰ ਸਿੰਘ ਨੂਰਪੁਰ <br/> 16-07-2025
ਨਵਾਂਸ਼ਹਿਰ, 15 ਜੁਲਾਈ (ਜਸਬੀਰ ਸਿੰਘ ਨੂਰਪੁਰ) - ਨਵਾਂਸ਼ਹਿਰ ਵਿਖੇ ਉਸ ਸਮੇਂ ਹੰਗਾਮਾ ਹੋਇਆ ਜਦੋਂ ਟੋਰੋਵਾਲ-ਰੌੜੀ ਜਮੀਨੀ ਮਾਮਲੇ 'ਚ ਵੱਡੀ ਗਿਣਤੀ 'ਚ ਇਨਸਾਫ ਦੀ ਮੰਗ ਨੂੰ ਲੈ ਕੇ ਸਾਬਕਾ ਵਿਧਾਇਕ ਹਰਗੋਮਾਲ ਸਿੰਘ ਦੀ ਅਗਵਾਈ 'ਚ ਵਫਦ ਡਿਪਟੀ ਕਮਿਸ਼ਨਰ ਅਤੇ ਜ਼ਿਲ੍ਹਾ ਪੁਲਿਸ ਮੁਖੀ ਨੂੰ ਮਿਲਿਆ | ਉਨ੍ਹਾਂ ਪੰਚਾਇਤੀ ਜ਼ਮੀਨ ਮਾਮਲੇ ਨੂੰ ਹਲ ਕਰਨ ਲਈ ਪ੍ਰਸ਼ਾਸਨ ਤੋਂ ਸਹਿਯੋਗ ਮੰਗਿਆ ਅਤੇ ਮੌਜੂਦਾ ਸਰਕਾਰ ਅਤੇ ਪ੍ਰਸ਼ਾਸ਼ਨ ਦੀ ਦਖਲਅੰਦਾਜੀ ਬੰਦ ਕਰਨ ਦੀ ਮੰਗ ਕੀਤੀ | ਪਿੰਡ ਵਾਸੀਆਂ ਨੇ ਆਖਿਆ ਕਿ ਪਿੰਡ ਟੋਰੋਵਾਲ ਦੀ ਮਸਤਰਕਾ ਜ਼ਮੀਨ ਪੰਜ ਕਲਾਨ 8 ਮਰਲੇ ਹੈ ਜਿਸ 'ਚ ਪੱਤੀ ਰੌੜੀ ਨੂੰ ਉਨ੍ਹਾਂ ਦਾ ਬਣਦਾ ਹਿੱਸਾ ਪਹਿਲਾਂ ਦੀ ਦਿੱਤਾ ਜਾ ਚੁੱਕਾ ਹੈ | ਉਸ ਵਿੱਚ ਉਨ੍ਹਾਂ ਨੇ ਸ਼ਮਸ਼ਾਨਘਾਟ ਬਣਾ ਕੇ ਤਾਰਬੰਦੀ ਕੀਤੀ ਹੋਈ ਹੈ | ਉਨ੍ਹਾਂ ਕਿਹਾ ਕਿ 1969 ਤੋਂ ਲੈ ਕੇ 2025 ਤੱਕ ਮਾਲ ਮਹਿਕਮੇ ਵਲੋਂ ਆਪਣੇ ਰਿਕਾਰਡ ਦੀ ਪੜਤਾਲ ਕਰਵਾ ਕੇ ਇਹ ਸਿੱਧ ਕੀਤਾ ਜਾਵੇ ਕਿ ਇਹ ਜ਼ਮੀਨ ਪਿੰਡ ਟੋਰੋਵਾਲ ਦੀ ਹੈ | ਉਨ੍ਹਾਂ ਆਖਿਆ ਕਿ ਇਹ ਜੱਦੀ ਜ਼ਮੀਨ ਪਿੰਡ ਟੋਰੋਵਾਲ ਦੀ ਨਾਲ 40 ਫੀਸਦੀ ਐਸ. ਸੀ ਅਬਾਦੀ ਦੇ ਘਰ ਹਨ ਜਿਥੇ ਉਹ ਆਪਣੇ ਕਾਰ ਵਿਹਾਰ ਇਸ ਜ਼ਮੀਨ ਦਾ ਉਪਯੋਗ ਕਰਕੇ ਕਰਦੇ ਹਨ | ਉਨ੍ਹਾਂ ਆਖਿਆ ਕਿ ਇਸ ਜ਼ਮੀਨ ਉਪਰ ਹੋਣ ਵਾਲੀ ਤਾਰਬੰਦੀ ਅਤੇ ਨਾਜਾਇਜ਼ ਕਬਜ਼ਾ ਰੋਕਿਆ ਜਾਵੇ | ਸਾਬਕਾ ਵਿਧਾਇਕ ਹਰਗੋਪਾਲ ਸਿੰਘ ਨੇ ਆਖਿਆ ਕਿ ਇਸ ਮਾਮਲੇ 'ਚ ਪ੍ਰਸ਼ਾਸਨ ਨੂੰ ਦਖਲ ਦੇ ਕੇ ਹਲ ਕਰਨਾ ਚਾਹੀਦਾ ਹੈ | ਚੌਧਰੀ ਪ੍ਰੇਮ ਚੰਦ ਸਾਬਕਾ ਸਰਪੰਚ ਪਿੰਡ ਟੋਰੋਵਾਲ, ਕੁਲਵਿੰਦਰ ਸਿੰਘ ਬੰਗਾ ਸਰਪੰਚ ਅਤੇ ਕਾਮਰੇਡ ਅੱਛਰ ਸਿੰਘ ਸਾਬਕਾ ਪੰਚ ਨੇ ਦੱਸਿਆ ਕਿ ਜਿਸ ਜਮੀਨ 'ਤੇ ਪਿੰਡ ਰੌੜੀ ਦੀ ਪੰਚਾਇਤ ਵਲੋਂ ਤਾਰ ਲਗਾ ਕੇ ਪਿੰਡ ਟੋਰੋਵਾਲ ਦੇ ਦਲਿਤਾਂ ਦੇ ਸ਼ਮਸ਼ਾਨਘਾਟ ਨੂੰ ਬੰਦ ਕੀਤਾ ਜਾ ਰਿਹਾ ਹੈ, ਇਹ ਜਮੀਨ ਪਿੰਡ ਟੋਰੋਵਾਲ ਦੇ ਵਸਨੀਕ ਸਿੱਬੂ ਪੁੱਤਰ ਹਮੀਰਾ ਦੀ ਸੀ, ਜੋ ਕਿ ਮੁਰੱਬੇਬੰਦੀ ਤੋਂ ਬਾਅਦ ਇਹ ਜਮੀਨ ਪਿੰਡ ਟੋਰੋਵਾਲ ਦੀ ਪੰਚਾਇਤ ਦੇ ਹਿੱਸੇ ਆ ਚੁੱਕੀ ਹੈ | ਉਨ੍ਹਾਂ ਦੱਸਿਆ ਕਿ ਅੱਜ ਤੋਂ ਕੋਈ 25 ਸਾਲ ਪਹਿਲਾਂ ਪਿੰਡ ਰੌੜੀ ਟੋਰੋਵਾਲ ਦੀ ਪੱਤੀ ਸੀ | ਗੁਰਬਿੰਦਰ ਸਿੰਘ ਬਸਪਾ ਆਗੂ ਅਤੇ ਚੌਧਰੀ ਪ੍ਰੇਮ ਚੰਦ ਸਾਬਕਾ ਸਰਪੰਚ ਨੇ ਕਿਹਾ ਕਿ ਸੂਬਾ ਸਰਕਾਰ ਦੀ ਸ਼ਹਿ 'ਤੇ ਦਲਿਤਾਂ ਦੇ ਸ਼ਮਸ਼ਾਨਘਾਟ ਨੂੰ ਕੰਡਿਆਲੀ ਤਾਰ ਲਗਾ ਕੇ ਬੰਦ ਕਰਵਾਇਆ ਜਾ ਰਿਹਾ ਹੈ |

ਪਿਛਲੀ ਖ਼ਬਰ ਝੋਨੇ ਦੀ ਫ਼ਸਲ 'ਤੇ ਬੌਣੇ ਰੋਗ ਦਾ ਹੋਇਆ ਹਮਲਾ <br/> ਅਗਲੀ ਖ਼ਬਰ ਜੰਗਲਾਤ ਵਰਕਰ ਯੂਨੀਅਨ ਨੇ ਵਣ ਰੇਂਜ ਦਫ਼ਤਰ ਅੱਗੇ ਦਿੱਤਾ ਰੋਸ ਧਰਨਾ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।