ਦਸੂਹਾ, 20 ਜੁਲਾਈ (ਕੌਸ਼ਲ)- ਪੰਜਾਬ ਦੀ ਧਰਤੀ ਵਿਰਸੇ, ਵਿੱਦਿਆ ਤੇ ਸੂਰਬੀਰਾਂ ਦੀ ਪਛਾਣ ਸੀ, ਅੱਜ ਉੱਥੇ ਗੋਲੀਆਂ ਦੀਆਂ ਆਵਾਜ਼ਾਂ ਸੁਣਾਈ ਦੇ ਰਹੀਆਂ ਹਨ | ਗੈਂਗਸਟਰਾਂ ਦੀ ਵਧਦੀ ਗਤੀਵਿਧੀ ਨੇ ਨਾ ਸਿਰਫ਼ ਕਾਨੂੰਨ ਵਿਵਸਥਾ ਨੂੰ ਚੁਣੌਤੀ ਦਿੱਤੀ ਹੈ, ਸਗੋਂ ਪੰਜਾਬੀ ਨੌਜਵਾਨੀ ਨੂੰ ਭਟਕਾਉਣ ਦਾ ਰਾਹ ਵੀ ਦਿਖਾ ਦਿੱਤਾ ਹੈ | ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਾਂਗਰਸੀ ਆਗੂ ਮਾਸਟਰ ਗੁਰਮੀਤ ਲਾਲ ਨੇ ਕੀਤਾ | ਉਨ੍ਹਾਂ ਕਿਹਾ ਕਿ ਪਿਛਲੇ ਕੁੱਝ ਹਫ਼ਤਿਆਂ ਵਿਚ ਅੰਮਿ੍ਤਸਰ, ਲੁਧਿਆਣਾ, ਮੋਗਾ ਅਤੇ ਜਲੰਧਰ, ਹੁਸ਼ਿਆਰਪੁਰ ਵਰਗੇ ਸ਼ਹਿਰਾਂ ਵਿਚ ਗੈਂਗਵਾਰ ਦੀਆਂ ਘਟਨਾਵਾਂ ਵਧੀਆਂ ਹਨ, ਦਿਨ ਦੇ ਉਜਾਲੇ 'ਚ ਗੋਲੀਬਾਰੀ ਅਤੇ ਧਮਕੀਆਂ ਆਮ ਹੋ ਚੁੱਕਾ ਹੈ | ਨੌਜਵਾਨ ਹਥਿਆਰ ਫੜ ਕੇ ਨਾਮ ਕਮਾਉਣ ਦੀ ਭੁੱਲ-ਭੁਲਈਆਂ ਦੇ ਰਾਹ ਪੈ ਰਹੇ ਹਨ | ਉਨ੍ਹਾਂ ਕਿਹਾ ਕਿ ਸੋਸ਼ਲ ਮੀਡੀਆ ਵੀ ਇਸੇ ਜ਼ਹਿਰ ਦਾ ਹਿੱਸਾ ਬਣ ਗਿਆ ਹੈ | ਮਾਸਟਰ ਗੁਰਮੀਤ ਲਾਲ ਨੇ ਕਿਹਾ ਕਿ ਸੂਬਾ ਸਰਕਾਰ ਨੂੰ ਸਖਤ ਕਦਮ ਚੁੱਕਣੇ ਪੈਣਗੇ |
