ਭਾਰਤੀ ਕ੍ਰਿਕਟ ਟੀਮ ਦੀ ਕਪਤਾਨ ਹਰਮਨਪ੍ਰੀਤ ਕੌਰ ਅੱਜ ਦੀ ਇਸ ਖ਼ਿਤਾਬੀ ਜਿੱਤ ਨਾਲ ਕਪਿਲ ਦੇਵ ਤੇ ਮਹਿੰਦਰ ਸਿੰਘ ਧੋਨੀ ਦੇ ਵਿਸ਼ੇਸ਼ ਕਲੱਬ ਵਿਚ ਸ਼ਾਮਿਲ ਹੋ ਗਈ ਹੈ | ਦੱਸਣਯੋਗ ਹੈ ਕਿ ਕਪਿਲ ਦੇਵ ਨੇ ਭਾਰਤ ਨੂੰ 1983 'ਚ ਪਹਿਲਾ ਵਿਸ਼ਵ ਜਿੱਤ ਕੇ ਦਿੱਤਾ ਸੀ, ਜਦੋਂਕਿ ਮਹਿੰਦਰ ਸਿੰਘ ਧੋਨੀ ਨੇ 2011 ਵਿਚ ਇਕ ਵਾਰ ਫਿਰ ਵਿਸ਼ਵ ਖਿਤਾਬ ਭਾਰਤ ਦੀ ਝੋਲੀ ਪਾਇਆ ਸੀ | ਅੱਜ ਹਰਮਨਪ੍ਰੀਤ ਦੀ ਅਗਵਾਈ 'ਚ ਭਾਰਤੀ ਕੁੜੀਆਂ ਨੇ ਵਿਸ਼ਵ ਖ਼ਿਤਾਬ ਜਿੱਤ ਕੇ ਮਹਿਲਾ ਕ੍ਰਿਕਟ ਜਗਤ ਵਿਚ ਵੀ ਆਪਣੀ ਧਾਕ ਜਮਾ ਦਿੱਤੀ ਹੈ |
