ਬਿਜਲੀ ਵਿਭਾਗ ਦੇ ਦਫ਼ਤਰ ’ਚੋਂ 55 ਹਜ਼ਾਰ ਰੁਪਏ ਦਾ ਸਾਮਾਨ ਚੋਰੀ
ਫਗਵਾਡ਼ਾ, 21 ਨਵੰਬਰ (ਹਰਜੋਤ ਸਿੰਘ ਚਾਨਾ)-ਥਾਣਾ ਰਾਵਲਪਿੰਡੀ ਦੀ ਪੁਲਿਸ ਨੇ ਸਰਕਾਰੀ ਬਿਜਲੀ ਵਿਭਾਗ ਦੇ ਦਫ਼ਤਰ ’ਚ ਚੋਰੀ ਕਰਨ ਦੇ ਮਾਮਲੇ ਸੰਬੰਧੀ ਅਣਪਛਾਤੇ ਚੋਰਾਂ ਖ਼ਿਲਾਫ਼ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ। ਜਾਣਕਾਰੀ ਦਿੰਦਿਆਂ ਬਿਜਲੀ ਵਿਭਾਗ ਦੇ ਸਬ-ਡਵੀਜ਼ਨ ਰਿਹਾਣਾ ਜੱਟਾਂ ਵਿਖੇ ਬਤੌਰ ਸਹਾਇਕ ਇੰਜੀਨੀਅਰ ਤਾਇਨਾਤ ਵਿਕਰਾਂਤ ਜੋਸ਼ੀ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਦੱਸਿਆ ਕਿ ਬੀਤੀ 17 ਅਤੇ 18 ਨਵੰਬਰ ਦੀ ਦਰਮਿਆਨੀ ਰਾਤ ਨੂੰ ਅਣਪਛਾਤੇ ਚੋਰਾਂ ਨੇ ਦਫ਼ਤਰ ਦੇ ਕਮਰਾ ਨੰਬਰ-2 ਦੀ ਖਿਡ਼ਕੀ ਤੋਡ਼ ਕੇ ਅੰਦਰੋਂ ਪੀਸੀ ਅਤੇ ਸਕਰੀਨਾਂ ਚੋਰੀ ਕਰ ਲਈਆਂ।
ਅਜੀਤ ਡੈਸਕ
22-11-2026