ਯੁਵਕ ਮੇਲੇ ਵਿਚ ਜੀ. ਐੱਨ. ਜੀ. ਕਾਲਜ ਨੇ ਜਿੱਤੀ ਟਰਾਫ਼ੀ

ਯਮੁਨਾਨਗਰ, 25 ਅਕਤੂਬਰ (ਗੁਰਦਿਆਲ ਸਿੰਘ ਨਿਮਰ)- ਕੁਰੂਕਸ਼ੇਤਰ ਯੂਨੀਵਰਸਿਟੀ ਵਲੋਂ ਡੀ. ਏ.

ਅ

ਅਜੀਤ ਡੈਸਕ 26-10-2026

ਯਮੁਨਾਨਗਰ, 25 ਅਕਤੂਬਰ (ਗੁਰਦਿਆਲ ਸਿੰਘ ਨਿਮਰ)- ਕੁਰੂਕਸ਼ੇਤਰ ਯੂਨੀਵਰਸਿਟੀ ਵਲੋਂ ਡੀ. ਏ. ਵੀ. ਗਰਲਜ਼ ਕਾਲਜ ਵਿਖੇ ਕਰਵਾਏ 49ਵੇਂ ਯੁਵਕ ਮੇਲੇ ਵਿਚ ਜੀ. ਐੱਨ. ਜੀ ਕਾਲਜ ਨੇ ਓਵਰਆਲ ਟਰਾਫ਼ੀ ਜਿੱਤੀ ਜਦੋਂ ਕਿ ਡੀ. ਏ. ਵੀ. ਗਰਲਜ਼ ਰਨਰ-ਅੱਪ ਰਿਹਾ। ਇਸ ਮੌਕੇ ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਰਾਜੇਸ਼ ਸਪਰਾ ਇਸ ਸਮਾਗਮ ਵਿਚ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ। ਕੁਰੂਕਸ਼ੇਤਰ ਯੂਨੀਵਰਸਿਟੀ ਦੇ ਪ੍ਰੀਖਿਆ ਕੰਟਰੋਲਰ ਅੰਕੇਸ਼ਵਰ ਪ੍ਰਕਾਸ਼ ਵਿਸ਼ੇਸ਼ ਮਹਿਮਾਨ ਸਨ। ਉਨ੍ਹਾਂ ਨੇ ਜੇਤੂ ਭਾਗੀਦਾਰਾਂ ਨੂੰ ਟਰਾਫ਼ੀਆਂ ਅਤੇ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ। ਆਰੀਆ ਪ੍ਰਤਿਨਿਧੀ ਸਭਾ ਹਰਿਆਣਾ ਦੇ ਖਜ਼ਾਨਚੀ ਮੋਹਿਤ ਆਰੀਆ ਤੇ ਸੁਦਰਸ਼ਨ ਫਾਊਂਡੇਸ਼ਨ ਤੋਂ ਸੰਦੀਪ ਬਜਾਜ ਇਸ ਸਮਾਗਮ ਵਿਚ ਵਿਸ਼ੇਸ਼ ਮਹਿਮਾਨ ਸਨ। ਕਾਰਜਕਾਰੀ ਪ੍ਰਿੰਸੀਪਲ ਡਾ. ਸੁਰਿੰਦਰ ਕੌਰ ਨੇ ਸਾਰਿਆਂ ਦਾ ਸਵਾਗਤ ਕੀਤਾ। ਇਸ ਦੌਰਾਨ ਡਾ. ਨੀਤਾ ਦਿਵੇਦੀ ਨੇ ਕਨਵੀਨਰ, ਗੁਰਸ਼ਰਨ ਕੌਰ ਨੇ ਸਹਿ-ਕਨਵੀਨਰ ਵਜੋਂ ਸੇਵਾ ਨਿਭਾਈ, ਜਦੋਂ ਕਿ ਡਾ. ਰੀਤਾ ਸਿੰਘ, ਡਾ. ਮੀਨਾਕਸ਼ੀ ਅਤੇ ਨਿਸ਼ੀ ਗਰੋਵਰ ਨੇ ਕੋਆਰਡੀਨੇਟਰ ਵਜੋਂ ਸੇਵਾ ਨਿਭਾਈ। ਰਾਜੇਸ਼ ਸਪਰਾ ਨੇ ਕਿਹਾ ਕਿ ਯੁਵਕ ਮੇਲਾ ਵਿਦਿਆਰਥੀਆਂ ਨੂੰ ਆਪਣੀ ਪ੍ਰਤਿਭਾ ਦਿਖਾਉਣ ਅਤੇ ਭਾਰਤੀ ਸੱਭਿਆਚਾਰ, ਕਲਾ ਤੇ ਪਰੰਪਰਾਵਾਂ ਨਾਲ ਜੁੜਨ ਦਾ ਮੌਕਾ ਪ੍ਰਦਾਨ ਕਰਦਾ ਹੈ। ਅਜਿਹੇ ਸਮਾਗਮ ਵਿਦਿਆਰਥੀਆਂ ਵਿਚ ਆਤਮ-ਵਿਸ਼ਵਾਸ, ਰਚਨਾਤਮਕਤਾ ਅਤੇ ਮੁਕਾਬਲੇ ਦੀ ਭਾਵਨਾ ਪੈਦਾ ਕਰਨ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਇਸ ਮੌਕੇ ਯੁਵਕ ਮੇਲੇ ਦੇ ਅੰਤਿਮ ਦਿਨ, ਝੰਕਾਰ ਸਟੇਜ ‘ਤੇ ਪੱਛਮੀ ਆਈਟਮਾਂ ਹਿੱਟ ਰਹੀਆਂ। ਭਾਗੀਦਾਰਾਂ ਨੇ ਪੱਛਮੀ ਵੋਕਲ ਸੋਲੋ, ਪੱਛਮੀ ਇੰਸਟ੍ਰਮੈਂਟਲ ਸੋਲੋ ਤੇ ਪੱਛਮੀ ਸਮੂਹ ਗੀਤਾਂ ਰਾਹੀਂ ਪੱਛਮੀ ਸੱਭਿਆਚਾਰ ਦੀਆਂ ਝਲਕੀਆਂ ਪੇਸ਼ ਕੀਤੀਆਂ। ਆਡੀਟੋਰੀਅਮ ਵਿਚ ਹਰਿਆਣਵੀ ਸਕਿੱਟਾਂ ਨੇ ਵੱਖ-ਵੱਖ ਸਮਾਜਿਕ ਬੁਰਾਈਆਂ ਨੂੰ ਸੰਬੋਧਨ ਕੀਤਾ। ਇਸ ਦੌਰਾਨ ਸਰਕਾਰੀ ਕਾਲਜ ਛਛਰੌਲੀ ਦੇ ਭਾਗੀਦਾਰਾਂ ਨੇ ਬੇਟੀ ਬਚਾਓ ਬੇਟੀ ਪੜ੍ਹਾਓ ਮੁਹਿੰਮ ਰਾਹੀਂ ਸੁਕੰਨਿਆ ਸਮ੍ਰਿਧੀ ਯੋਜਨਾ ਬਾਰੇ ਦੱਸਿਆ। ਡੀ. ਏ. ਵੀ. ਕਾਲਜ ਸਢੌਰਾ ਦੀ ਟੀਮ ਨੇ ਯਮਰਾਜ ਕੀ ਅਦਾਲਤ ਦੇ ਆਪਣੇ ਪ੍ਰਦਰਸ਼ਨ ਨਾਲ ਸਾਰਿਆਂ ਦਾ ਮਨੋਰੰਜਨ ਕੀਤਾ। ਜੀ. ਐਨ. ਜੀ. ਕਾਲਜ ਹਰਿਆਣਵੀ ਗੀਤ ਸ਼ੈਲੀਆਂ ਦੀ ਸੰਭਾਲ ‘ਤੇ ਜ਼ੋਰ ਦਿੱਤਾ। ਰਸਮ ਵਿਚ ਸਰਕਾਰੀ ਕਾਲਜ ਰਾਦੌਰ ਦੀ ਟੀਮ ਨੇ ਸਾਂਝੀ ਦੀ ਮਹੱਤਤਾ ਨੂੰ ਉਜਾਗਰ ਕੀਤਾ।

ਪਿਛਲੀ ਖ਼ਬਰ ਨਾਬਾਲਗ ਲੜਕੀ ਦੇ ਅਗਵਾ ਤੇ ਜਬਰ ਜਨਾਹ ਮਾਮਲੇ ਵਿੱਚ ਮੁਲਜ਼ਮ ਗ੍ਰਿਫ਼ਤਾਰ ਅਗਲੀ ਖ਼ਬਰ ਰੇਲਵੇ ਫਾਟਕ ਦੀ ਟੁੱਟੀ ਸੜਕ ਕਾਰਨ ਮੰਡੀ ਵਾਸੀ ਪ੍ਰੇਸ਼ਾਨ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਯੁਵਕ ਮੇਲੇ ਵਿਚ ਜੀ. ਐੱਨ. ਜੀ. ਕਾਲਜ ਨੇ ਜਿੱਤੀ ਟਰਾਫ਼ੀ

Subscribers Only Story

ਸੰਬੰਧਿਤ ਖ਼ਬਰਾਂ