ਜੁਨ ਤਾਕਾਹਾਸ਼ੀ ਆਪਣੀ ਬੰਸਰੀ ਵਜਾਉਂਦੇ ਹੋਏ 5 ਸਾਲ ਪਹਿਲਾਂ ਨਦੀ ’ ਚ ਰੁੜ੍ਹੀ ਬੰਸਰੀ ਮੁੜ ਲੱਭਣ ਮਗਰੋਂ ਸੰਗੀਤਕਾਰ ਨੂੰ ਚੜਿਆ ਚਾਅ

ਅ

ਅਜੀਤ ਡੈਸਕ 15-10-2026

ਵੈਨਕੂਵਰ, 14 ਅਕਤੂਬਰ (ਮਲਕੀਤ ਸਿੰਘ)– ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੇ ਇਕ ਸੰਗੀਤ ਪ੍ਰੇਮੀ ਨੂੰ 5 ਸਾਲ ਪਹਿਲਾਂ ਯੂਕੋਨ ਦੀ ਇਕ ਨਦੀ ਵਿਚ ਰੁੜ੍ਹ ਗਈ ਆਪਣੀ ਪਿਆਰੀ ਬੰਸਰੀ ਮੁੜ ਲੱਭਣ ਮਗਰੋਂ ਚਾਅ ਚੜੇ ਜਾਣ ਦੀ ਅਨੋਖੀ ਘਟਨਾ ਸਾਹਮਣੇ ਆਈ ਹੈ। ਵੇਰਵਿਆਂ ਅਨੁਸਾਰ ਬ੍ਰਿਟਿਸ਼ ਕੋਲੰਬੀਆ ਦੇ ਜੁਨ ਤਾਕਾਹਾਸ਼ੀ ਨਾਂਅ ਦੇ ਸੰਗੀਤਕਾਰ ਦੀ ਬੰਸਰੀ ਯੂਕੋਨ ਵਿਚ ਨਦੀ ਦੇ ਸਫ਼ਰ ਦੌਰਾਨ ਪਾਣੀ ਦੇ ਵਹਾਅ ਵਿਚ ਰੁੜ੍ਹ ਗਈ ਸੀ। ਉਸ ਸਮੇਂ ਬੰਸਰੀ ਦੇ ਮੁੜ ਮਿਲਣ ਦੀ ਉਮੀਦ ਬਹੁਤ ਘੱਟ ਸੀ, ਪਰ 5 ਸਾਲ ਬਾਅਦ ਇਹ ਸੰਗੀਤਕ ਸਾਜ਼ ਮੁੜ ਉਸ ਕੋਲ ਪਹੁੰਚ ਗਿਆ। ਅਸਲ ਵਿਚ ਯੂਕੋਨ ਦੇ ਜੰਗਲੀ ਇਲਾਕੇ ਵਿਚ ਕਿਸੇ ਵਿਅਕਤੀ ਨੂੰ ਇੱਕ ਡੱਬਾ ਮਿਲਿਆ ਸੀ, ਜਿਸ ਵਿਚ ਪੁਰਾਣਾ, ਉੱਲੀ ਲੱਗਿਆ ਸਫ਼ਰੀ ਸਾਮਾਨ ਅਤੇ ਗੁਆਚੀ ਹੋਈ ਬੰਸਰੀ ਵੀ ਮੌਜੂਦ ਸੀ। ਉਕਤ ਵਿਅਕਤੀ ਵਲੋਂ ਇਸ ਸਬੰਧੀ ਜਾਣਕਾਰੀ ਸੋਸ਼ਲ ਮੀਡੀਆ ’ਤੇ ਸਾਂਝੀ ਕਰਨ ਉਪਰੰਤ ਹੀ ਗੁਆਚੀ ਹੋਈ ਬਾਂਸਰੀ ਸੰਗੀਤਕਾਰ ਤਾਕਾਸਾਹੀ ਤੱਕ ਪਹੁੰਚ ਸਕੀ।

ਪਿਛਲੀ ਖ਼ਬਰ ਫੈਡਰੇਸ਼ਨ ਆਫ਼ ਸਿੱਖ ਆਰਗੇਨਾਈਜ਼ੇਸ਼ਨਜ਼ ਯੂ.ਕੇ. ਵਲੋਂ ਪਰਮਿੰਦਰ ਸਿੰਘ ਝੋਟੇ ਦੀ ਹੱਤਿਆ ਦੀ ਨਿਖੇਧੀ ਅਗਲੀ ਖ਼ਬਰ ‘ ਸਰੀ ਰਨਰਜ਼ ’ ਵਲੋਂ ਕਰਵਾਈ ਮੈਰਾਥਾਨ ਦੌਰਾਨ ਵੱਡੀ ਗਿਣਤੀ ’ ਚ ਦੌੜਾਕਾਂ ਨੇ ਹਿੱਸਾ ਲਿਆ