30 ਸਾਲਾਂ ਬਾਅਦ ਗਲਾਸਗੋ - ਲੰਡਨ ਰੇਲ ਸੇਵਾ ਮੁੜ ਸਰਕਾਰੀ ਹੱਥਾਂ ਵਿਚ ਜਾਵੇਗੀ

ਗਲਾਸਗੋ, 28 ਸਤੰਬਰ (ਹਰਜੀਤ ਸਿੰਘ ਦੁਸਾਂਝ) - ਗਲਾਸਗੋ ਨੂੰ ਲੰਡਨ ਸਮੇਤ ਬਰਮਿੰਘਮ, ਮੈਨਚੈਸਟਰ ਅਤੇ ਹੋਰ ਵੱਡੇ ਸ਼ਹਿਰਾਂ ਨਾਲ ਜੋੜਨ ਵਾਲੀ ਵੈਸਟ ਕੋਸਟ ਮੁੱਖ ਰੇਲ ਸੇਵਾ ਕਰੀਬ 30 ਸਾਲਾਂ ਬਾਅਦ ਮੁੜ ਸਰਕਾਰੀ ਹੱਥਾਂ ਵਿੱਚ ਜਾਣ ਜਾ ਰਹੀ ਹੈ। ਬਰਤਾਨਵੀ ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ ਮੌਜੂਦਾ ਨਿੱਜੀ ਰੇਲ ਕੰਪਨੀ ਐਵਾਂਟੀ ਵੈਸਟ ਕੋਸਟ ਦਾ ਸਮਝੌਤਾ ਖ਼ਤਮ ਹੋਣ ਮਗਰੋਂ 7 ਮਾਰਚ 2027 ਤੋਂ ਇਸ ਦੀਆਂ ਯਾਤਰੀ ਰੇਲ ਸੇਵਾਵਾਂ ਸਰਕਾਰੀ ਮਾਲਕੀ ਹੇਠ ਚਲਾਈਆਂ ਜਾਣਗੀਆਂ।