ਸਕਾਟਲੈਂਡ ਨੂੰ ਆਪਣਾ ਭਵਿੱਖ ਤੈਅ ਕਰਨ ਦਾ ਹੱਕ - ਮਾਈਕਲ ਮਾਰਾ
ਗਲਾਸਗੋ, 22 ਸਤੰਬਰ (ਹਰਜੀਤ ਸਿੰਘ ਦੁਸਾਂਝ)-ਕੁਝ ਦਿਨ ਪਹਿਲਾਂ ਹੀ ਸਕਾਟਿਸ਼ ਲੇਬਰ ਪਾਰਟੀ ਦੇ ਪ੍ਰਧਾਨ ਬਣੇ ਮਾਈਕਲ ਮਾਰਾ ਨੇ ਕਿਹਾ ਹੈ ਕਿ ਸਕਾਟਲੈਂਡ ਦੇ ਲੋਕਾਂ ਨੂੰ ਆਪਣਾ ਸੰਵਿਧਾਨਕ ਭਵਿੱਖ ਤੈਅ ਕਰਨ ਦਾ ਹੱਕ ਹੈ। ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਸਕਾਟਿਸ਼ ਲੋਕ ਸਾਲ 2014 ਦੇ ਆਜ਼ਾਦੀ ਜਨਮਤ-ਸੰਗ੍ਰਹਿ ਵਿੱਚ ਇਹ ਹੱਕ ਵਰਤ ਚੁੱਕੇ ਹਨ ਅਤੇ ਹੁਣ ਦੂਜੀ ਵਾਰ ਮਤਦਾਨ ਕਰਵਾਉਣ ਲਈ ਵਿਆਪਕ ਲੋਕ ਸਹਿਮਤੀ ਹੋਣੀ ਜ਼ਰੂਰੀ ਹੈ।
ਗਲਾਸਗੋ, 22 ਸਤੰਬਰ (ਹਰਜੀਤ ਸਿੰਘ ਦੁਸਾਂਝ)-ਕੁਝ ਦਿਨ ਪਹਿਲਾਂ ਹੀ ਸਕਾਟਿਸ਼ ਲੇਬਰ ਪਾਰਟੀ ਦੇ ਪ੍ਰਧਾਨ ਬਣੇ ਮਾਈਕਲ ਮਾਰਾ ਨੇ ਕਿਹਾ ਹੈ ਕਿ ਸਕਾਟਲੈਂਡ ਦੇ ਲੋਕਾਂ ਨੂੰ ਆਪਣਾ ਸੰਵਿਧਾਨਕ ਭਵਿੱਖ ਤੈਅ ਕਰਨ ਦਾ ਹੱਕ ਹੈ। ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਸਕਾਟਿਸ਼ ਲੋਕ ਸਾਲ 2014 ਦੇ ਆਜ਼ਾਦੀ ਜਨਮਤ-ਸੰਗ੍ਰਹਿ ਵਿੱਚ ਇਹ ਹੱਕ ਵਰਤ ਚੁੱਕੇ ਹਨ ਅਤੇ ਹੁਣ ਦੂਜੀ ਵਾਰ ਮਤਦਾਨ ਕਰਵਾਉਣ ਲਈ ਵਿਆਪਕ ਲੋਕ ਸਹਿਮਤੀ ਹੋਣੀ ਜ਼ਰੂਰੀ ਹੈ। ਮਾਰਾ ਦੀ ਇਹ ਟਿੱਪਣੀ ਸਕਾਟਿਸ਼ ਸੰਸਦ ਵਿੱਚ ਪਹਿਲੇ ਮੰਤਰੀ ਜੌਨ ਸਵਿਨੀ ਦੀ ਸਰਕਾਰ ਵੱਲੋਂ ਪੇਸ਼ ਕੀਤੇ ਜਾ ਰਹੇ ਮਤੇ ਤੋਂ ਪਹਿਲਾਂ ਆਈ ਹੈ। ਇਸ ਮਤੇ ਵਿੱਚ ਕਿਹਾ ਗਿਆ ਹੈ ਕਿ ਸਕਾਟਲੈਂਡ ਇਕ ਕੌਮ ਹੈ ਅਤੇ ਉਸ ਨੂੰ ਆਪਣਾ ਭਵਿੱਖ ਖ਼ੁਦ ਤੈਅ ਕਰਨ ਦਾ ਅਧਿਕਾਰ ਹੈ। ਸਕਾਟਿਸ਼ ਗਰੀਨ ਪਾਰਟੀ ਦੀ ਹਮਾਇਤ ਨਾਲ ਮਤਾ ਪਾਸ ਹੋਣ ਦੀ ਸੰਭਾਵਨਾ ਹੈ।ਜ਼ਿਕਰਯੋਗ ਹੈ ਕਿ ਬਰਤਾਨੀਆ ਦੀ ਕੇਂਦਰੀ ਸਰਕਾਰ ਵਿੱਚ ਵੀ ਲੇਬਰ ਪਾਰਟੀ ਸੱਤਾ ਵਿੱਚ ਹੈ। ਸਕਾਟਿਸ਼ ਲੇਬਰ ਭਾਵੇਂ ਸਕਾਟਲੈਂਡ ਵਾਸੀਆਂ ਦੇ ਫ਼ੈਸਲਾ ਕਰਨ ਦੇ ਸਿਧਾਂਤਕ ਹੱਕ ਨੂੰ ਮੰਨਦੀ ਹੈ, ਪਰ ਉਹ ਆਜ਼ਾਦੀ ਅਤੇ ਤੁਰੰਤ ਦੂਜਾ ਜਨਮਤ-ਸੰਗ੍ਰਹਿ ਕਰਵਾਉਣ ਦੇ ਵਿਰੁੱਧ ਹੈ। ਮਾਰਾ ਅਨੁਸਾਰ ਇਸ ਵੇਲੇ ਸਿਹਤ ਸੇਵਾਵਾਂ, ਸਿੱਖਿਆ, ਗਰੀਬੀ ਅਤੇ ਮਹਿੰਗਾਈ ਵਰਗੇ ਮੁੱਦਿਆਂ ਨੂੰ ਪਹਿਲ ਦੇਣੀ ਚਾਹੀਦੀ ਹੈ।
