ਨਿਸ਼ਾਨੇਬਾਜ਼ੀ ’ ਚ ਨਾਰੂਕਾ - ਪਰੀਨਾਜ਼ ਨੇ ਕੀਤਾ ਕਾਂਸੀ ਦਾ ਤਗਮਾ ਆਪਣੇ ਨਾਂਅ

ਤ

ਤਗਮੇ ਦੀ ਖੁਸ਼ੀ ਮਨਾਉਂਦੇ ਹੋਏ ਪਰੀਨਾਜ਼ ਧਾਲੀਵਾਲ ਅਤੇ ਅਨੰਤਜੀਤ ਸਿੰਘ ਨਾਰੂਕਾ। 25-09-2026

ਨਾਗੋਆ, 24 ਸਤੰਬਰ (ਏਜੰਸੀ)-ਪਰੀਨਾਜ਼ ਧਾਲੀਵਾਲ ਨੇ 24 ਘੰਟਿਆਂ ਵਿਚ ਆਪਣਾ ਲਗਾਤਾਰ ਦੂਜਾ ਇਤਿਹਾਸਕ ਤਗਮਾ ਜਿੱਤਿਆ। ਪਟਿਆਲਾ ਦੀ ਇਸ ਨਿਸ਼ਾਨੇਬਾਜ਼ ਨੇ ਅਨੰਤਜੀਤ ਸਿੰਘ ਨਾਰੂਕਾ ਨਾਲ ਮਿਲ ਕੇ ਵੀਰਵਾਰ ਨੂੰ ਮਿਕਸਡ ਟੀਮ ਸਕੀਟ ਈਵੈਂਟ ’ਚ ਕਾਂਸੀ ਦੇ ਤਗਮੇ ਆਪਣੇ ਨਾਅ ਕੀਤਾ। ਇਹ ਏਸ਼ੀਆਈ ਖੇਡਾਂ ਦੇ ਇਤਿਹਾਸ ’ਚ ਮਿਕਸਡ ਟੀਮ ਈਵੈਂਟ ’ਚ ਦੇਸ਼ ਦਾ ਪਹਿਲਾ ਤਗਮਾ ਹੈ। ਸਕੀਟ ਟੀਮ ਪਹਿਲਾਂ ਹੀ 2 ਦਿਨਾਂ ’ਚ ਤਿੰਨ ਕਾਂਸੀ ਦੇ ਤਗਮੇ ਜਿੱਤ ਕੇ ਆਪਣਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕਰ ਚੁੱਕੀ ਹੈ। ਹਾਲਾਂਕਿ, ਪਿਸਟਲ ਨਿਸ਼ਾਨੇਬਾਜ਼ਾਂ ਨੇ ਲਗਾਤਾਰ ਦੂਜੇ ਦਿਨ ਆਪਣੇ ਮਾੜੇ ਪ੍ਰਦਰਸ਼ਨ ਤੋਂ ਨਿਰਾਸ਼ ਕੀਤਾ। ਇਸ ਨਾਲ ਮੌਜੂਦਾ ਖੇਡਾਂ ਵਿਚ ਨਿਸ਼ਾਨੇਬਾਜ਼ੀ ’ਚ ਪਹਿਲੇ ਸੋਨ ਤਗਮੇ ਦੀ ਉਡੀਕ ਵਧ ਗਈ ਹੈ। ਔਰਤਾਂ ਤੋਂ ਬਾਅਦ ਪੁਰਸ਼ ਵੀ ਰਵਾਇਤੀ ਤੌਰ ’ਤੇ ਮਜ਼ਬੂਤ ਪੁਰਸ਼ਾਂ ਦੇ 10 ਮੀਟਰ ਏਅਰ ਪਿਸਟਲ ਈਵੈਂਟ ’ਚ ਤਗਮਾ ਨਹੀਂ ਜਿੱਤ ਸਕੇ।

ਪਿਛਲੀ ਖ਼ਬਰ ਰੋਸ਼ੀਬੀਨਾ ਨੇ ਵੁਸ਼ੂ ’ਚ ਜਿੱਤਿਆ ਚਾਂਦੀ ਅਗਲੀ ਖ਼ਬਰ ਸਤਨਾਮ ਤੇ ਸਲਮਾਨ ਨੇ ਰੋਇੰਗ ’ ਚ ਭਾਰਤ ਦਾ ਪਹਿਲਾ ਕਾਂਸੀ ਦਾ ਤਗਮਾ ਜਿੱਤਿਆ