ਅਰਵਿੰਦ ਖੰਨਾ ਦੀ ਉਮੀਦ ਸੰਸਥਾ ਵਲੋਂ 8 ਹੋਰ ਫੂਡ ਕਾਰਟਾਂ ਦਾ ਚੌਥਾ ਕਾਫ਼ਲਾ ਰਵਾਨਾ
* ਪਹਿਲਾਂ ਵੀ 21 ਫੂਡ ਕਾਰਟ ਦੇ ਕੇ ਮਹਿਲਾਵਾਂ ਨੂੰ ਬਣਾਇਆ ਜਾ ਚੁੱਕਾ ਆਤਮਨਿਰਭਰ - ਖੰਨਾ
ਸੰਗਰੂਰ, 26 ਅਕਤੂਬਰ (ਦਮਨਜੀਤ ਸਿੰਘ)-ਉਮੀਦ ਦਫ਼ਤਰ ਸੰਗਰੂਰ ਵਿਖੇ ‘ਭੈਣਾਂ ਦੀ ਉਮੀਦ’ ਪ੍ਰੋਜੈਕਟ ਤਹਿਤ ਪਹਿਲਾਂ 21 ਫੂਡ ਕਾਰਟ ਵੰਡੇ ਗਏ ਹਨ ਅਤੇ ਅੱਜ ਇਸੇ ਕੜੀ ਤਹਿਤ 8 ਹੋਰ ਫੂਡ ਕਾਰਟ ਸੌਪ ਕੇ ਮਹਿਲਾ ਸ਼ਕਤੀਕਰਨ ਵੱਲ ਇੱਕ ਹੋਰ ਮਜ਼ਬੂਤ ਕਦਮ ਚੁੱਕਿਆ ਗਿਆ। ਇਸ ਮੌਕੇ ਸੰਸਥਾ ਦੇ ਚੇਅਰਮੈਨ ਸ੍ਰੀ ਅਰਵਿੰਦ ਖੰਨਾ ਵੱਲੋਂ ਜ਼ਰੂਰਤਮੰਦ ਮਹਿਲਾਵਾਂ ਨੂੰ ਫੂਡ ਕਾਰਟਾਂ ਦੀ ਵੰਡ ਕੀਤੀ ਗਈ।
ਸੰਗਰੂਰ, 26 ਅਕਤੂਬਰ (ਦਮਨਜੀਤ ਸਿੰਘ)-ਉਮੀਦ ਦਫ਼ਤਰ ਸੰਗਰੂਰ ਵਿਖੇ ‘ਭੈਣਾਂ ਦੀ ਉਮੀਦ’ ਪ੍ਰੋਜੈਕਟ ਤਹਿਤ ਪਹਿਲਾਂ 21 ਫੂਡ ਕਾਰਟ ਵੰਡੇ ਗਏ ਹਨ ਅਤੇ ਅੱਜ ਇਸੇ ਕੜੀ ਤਹਿਤ 8 ਹੋਰ ਫੂਡ ਕਾਰਟ ਸੌਪ ਕੇ ਮਹਿਲਾ ਸ਼ਕਤੀਕਰਨ ਵੱਲ ਇੱਕ ਹੋਰ ਮਜ਼ਬੂਤ ਕਦਮ ਚੁੱਕਿਆ ਗਿਆ। ਇਸ ਮੌਕੇ ਸੰਸਥਾ ਦੇ ਚੇਅਰਮੈਨ ਸ੍ਰੀ ਅਰਵਿੰਦ ਖੰਨਾ ਵੱਲੋਂ ਜ਼ਰੂਰਤਮੰਦ ਮਹਿਲਾਵਾਂ ਨੂੰ ਫੂਡ ਕਾਰਟਾਂ ਦੀ ਵੰਡ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਉਮੀਦ ਸੰਸਥਾ ਵਲੋਂ ਪਹਿਲਾਂ ਵੀ ਫੂਡ ਕਾਰਟ ਦੇ ਕੇ ਕਈ ਭੈਣਾਂ ਨੂੰ ਆਤਮ ਨਿਰਭਰ ਬਣਾਇਆ ਗਿਆ ਹੈ ਅਤੇ ਉਨ੍ਹਾਂ ਨੇ ਆਪਣੀ ਮਿਹਨਤ ਨਾਲ ਕਾਮਯਾਬ ਹੋ ਕੇ ਮਿਸਾਲ ਕਾਇਮ ਕੀਤੀ ਹੈ, ਜਿਸ ਕਰ ਕੇ ਉਨ੍ਹਾਂ ਮਹਿਲਾਵਾਂ ਦੀ ਤਰੱਕੀ ਤੋਂ ਪ੍ਰੇਰਿਤ ਹੋ ਕੇ ਅੱਜ 8 ਹੋਰ ਫੂਡ ਕਾਰਟਾਂ ਦਾ ਚੌਥਾ ਕਾਫ਼ਲਾ ਰਵਾਨਾ ਕੀਤਾ ਗਿਆ। ਖੰਨਾ ਨੇ ਕਿਹਾ ਕਿ ਸਮਾਜ ਦੇ ਹਰ ਇੱਕ ਇਨਸਾਨ ਨੂੰ ਮਹਿਲਾਵਾਂ ਦੀ ਤਰੱਕੀ ਲਈ ਯਤਨ ਕਰਨੇ ਚਾਹੀਦੇ ਹਨ ਅਤੇ ਇਨ੍ਹਾਂ ਨੂੰ ਆਤਮ ਨਿਰਭਰ ਬਣਾਉਣ ਵਿੱਚ ਆਪਣਾ ਵਿਸ਼ੇਸ਼ ਯੋਗਦਾਨ ਪਾਉਣਾ ਚਾਹੀਦਾ ਹੈ। ਭੈਣਾਂ ਦੀ ਉਮੀਦ ਸੰਸਥਾ ਵੱਲੋਂ ਹੁਣ ਤੱਕ ਕੁੱਲ 29 ਫੂਡ ਕਾਰਟਾਂ ਦੀ ਵੰਡ ਕੀਤੀ ਜਾ ਚੁੱਕੀ ਹੈ ਤਾਂ ਜੋ ਭੈਣਾਂ ਆਪਣਾ ਸਵੈ ਰੁਜ਼ਗਾਰ ਚਲਾ ਕੇ ਆਤਮ ਨਿਰਭਰ ਬਣ ਸਕਣ। ਇਸ ਮੌਕੇ ਵਿਸ਼ੇਸ਼ ਤੌਰ ‘ਤੇ ਤੇਜਿੰਦਰ ਸਿੰਘ ਸੰਘਰੇੜੀ ਜਿ਼ਲ੍ਹਾ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ, ਇਕਬਾਲਜੀਤ ਸਿੰਘ ਪੂਨੀਆ ਮੀਤ ਪ੍ਰਧਾਨ, ਰੁਪਿੰਦਰ ਸਿੰਘ ਰੰਧਾਵਾ ਮੈਂਬਰ ਪੀ.ਏ.ਸੀ., ਧਰਮਿੰਦਰ ਸਿੰਘ ਦੁੱਲਟ ਮੈਂਬਰ ਪੀ.ਏ.ਸੀ., ਹਰਵਿੰਦਰ ਸਿੰਘ ਕਾਕੜਾ ਮੈਂਬਰ ਪੀ.ਏ.ਸੀ. ਅਤੇ ਪ੍ਰੋ. ਅਰੁਣਜੀਤ ਸਿੰਘ ਸਰਾਓ ਵੀ ਮੌਜੂਦ ਸਨ। 25 ਐਸਐਨਜੀ84 ਲੋੜਵੰਦ ਮਹਿਲਾਵਾਂ ਨੂੰ ਫੂਡ ਕਾਰਟ ਸੌਪਦੇ ਹੋਏ ਅਰਵਿੰਦ ਖੰਨਾ, ਨਾਲ ਹਨ ਹੋਰ ਅਕਾਲੀ ਆਗੂ l ਤਸਵੀਰ-ਮੁਕੇਸ਼ ਕੁਮਾਰ
