ਰੂਪਨਗਰ, 1 ਸਤੰਬਰ (ਸ.ਰ.)-ਪਿੰਡ ਜੱਸੋ ਮਾਜਰਾ ਵਾਸੀ 45 ਸਾਲਾਂ ਸੁਖਦੇਵ ਸਿੰਘ, ਜੋ ਪਿਛਲੇ ਕਰੀਬ 10 ਸਾਲਾਂ ਤੋਂ ਸ਼ਰਾਬ ਦੀ ਲਤ ਦਾ ਸ਼ਿਕਾਰ ਸੀ, ਹੁਣ ਸ਼ਰਾਬ ਛੱਡ ਕੇ ਮੁੜ ਆਮ ਜੀਵਨ ਬਤੀਤ ਕਰ ਰਿਹਾ ਹੈ। ਇਸ ਸਬੰਧੀ ਜਾਣਕਾਰੀ ਅਰਜਨ ਆਯੁਰਵੇਦਿਕ ਹਸਪਤਾਲ ਰੂਪਨਗਰ ਦੇ ਡਾ. ਰਾਹੁਲ ਸ਼ਰਮਾ ਨੇ ਦਿੱਤੀ। ਡਾ: ਰਾਹੁਲ ਸ਼ਰਮਾ ਅਨੁਸਾਰ ਸੁਖਦੇਵ ਸਿੰਘ ਦੀ ਮਾਤਾ ਜਸਬੀਰ ਕੌਰ ਨੇ ਦੱਸਿਆ ਕਿ ਸ਼ੁਰੂਆਤ ਵਿਚ ਉਹ ਥੋੜ੍ਹੀ ਮਾਤਰਾ ਵਿਚ ਸ਼ਰਾਬ ਪੀਂਦਾ ਸੀ, ਪਰ ਸਮੇਂ ਦੇ ਨਾਲ ਇਹ ਆਦਤ ਵਧਦੀ ਗਈ ਅਤੇ ਉਹ ਭਾਰੀ ਮਾਤਰਾ ਵਿਚ ਸ਼ਰਾਬ ਪੀਣ ਲੱਗ ਪਿਆ। ਨਸ਼ੇ ਦੀ ਹਾਲਤ ਵਿਚ ਉਸ ਵਲੋਂ ਘਰ ਵਿਚ ਕਥਿਤ ਤੌਰ ’ਤੇ ਕੁੱਟਮਾਰ ਵੀ ਕੀਤੀ ਜਾਂਦੀ ਸੀ। ਇਸ ਕਾਰਨ ਉਸ ਨੂੰ ਨੌਕਰੀ ਤੋਂ ਵੀ ਹੱਥ ਧੋਣੇ ਪਏ। ਉਨ੍ਹਾਂ ਦੱਸਿਆ ਕਿ ਇੱਕ ਸਮੇਂ ਸੁਖਦੇਵ ਸਿੰਘ ਦੀ ਸਿਹਤ ਇੰਨੀ ਖ਼ਰਾਬ ਹੋ ਗਈ ਕਿ ਉਹ ਹੌਲੀ-ਹੌਲੀ ਬਹੁਤ ਕਮਜ਼ੋਰ ਹੋ ਗਿਆ ਅਤੇ ਉਸ ਦਾ ਸਰੀਰ ਵੀ ਸੁੱਕਦਾ ਜਾ ਰਿਹਾ ਸੀ। ਪਰਿਵਾਰਕ ਮੈਂਬਰਾਂ ਨੇ ਘਬਰਾ ਕੇ ਉਸ ਨੂੰ ਅਰਜਨ ਆਯੁਰਵੇਦਿਕ ਹਸਪਤਾਲ ਰੂਪਨਗਰ ਵਿਖੇ ਲਿਆਂਦਾ, ਜਿੱਥੇ ਡਾ. ਰਾਹੁਲ ਸ਼ਰਮਾ ਨੇ ਜਾਂਚ ਉਪਰੰਤ ਇਲਾਜ ਸ਼ੁਰੂ ਕੀਤਾ। ਪਰਿਵਾਰ ਅਨੁਸਾਰ ਇਲਾਜ ਤੋਂ ਬਾਅਦ ਸੁਖਦੇਵ ਸਿੰਘ ਦੀ ਸਿਹਤ ਵਿਚ ਸੁਧਾਰ ਆਇਆ ਅਤੇ ਉਸ ਨੇ ਸ਼ਰਾਬ ਪੂਰੀ ਤਰ੍ਹਾਂ ਛੱਡ ਦਿੱਤੀ। ਹੁਣ ਉਹ ਰੋਜ਼ਾਨਾ ਕੰਮ ’ਤੇ ਵੀ ਜਾ ਰਿਹਾ ਹੈ। ਜਸਬੀਰ ਕੌਰ ਨੇ ਡਾ. ਰਾਹੁਲ ਸ਼ਰਮਾ ਦਾ ਧੰਨਵਾਦ ਕੀਤਾ।
