, ਪੀ.ਜੀ.ਆਈ ਨੇ ਪੰਚਕੂਲਾ ਸਕੂਲ ਘਟਨਾ ’ਚ ਜ਼ਖਮੀ ਛੇ ਸਾਲਾ ਬੱਚੀ ਨੂੰ ਦਿੱਤੀ ਛੁੱਟੀ, ਪੂਰਾ ਇਲਾਜ ਹੋਇਆ ਮੁਫ਼ਤ

ਚੰਡੀਗੜ੍ਹ, 5 ਨਵੰਬਰ (ਮਾਰਕੰਡਾ)- ਪੀ. ਜੀ.

ਅ

ਅਜੀਤ ਡੈਸਕ 06-11-2026

ਚੰਡੀਗੜ੍ਹ, 5 ਨਵੰਬਰ (ਮਾਰਕੰਡਾ)- ਪੀ.ਜੀ.ਆਈ ਚੰਡੀਗੜ੍ਹ ਵਿਚ ਦਾਖਲ ਕਰਵਾਈ ਛੇ ਸਾਲਾ ਪੰਚਕੂਲਾ ਦੀ ਬੱਚੀ ਨੂੰ ਸੰਸਥਾ ਵਿਚ ਵਿਆਪਕ ਡਾਕਟਰੀ ਦੇਖਭਾਲ ਤੋਂ ਬਾਅਦ ਅੱਜ ਛੁੱਟੀ ਦੇ ਦਿੱਤੀ ਗਈ। ਬੱਚੇ ਦਾ ਇਲਾਜ ਬਹੁਤ ਹੀ ਧਿਆਨ ਅਤੇ ਸੰਵੇਦਨਸ਼ੀਲਤਾ ਤਰੀਕੇ ਨਾਲ ਕੀਤਾ ਗਿਆ। ਸੰਸਥਾ ਨੇ ਸਾਰਾ ਇਲਾਜ ਫਰੀ ਵਿਚ ਦਿੱਤਾ । ਜਿਸ ਵਿਚ ਇਲਾਜ ਦੀ ਲਾਗਤ ਅਤੇ ਨਿੱਜੀ ਕਮਰੇ ਦੀਆਂ ਸਹੂਲਤਾਂ ਸ਼ਾਮਲ ਸਨ। ਇਹ ਯਕੀਨੀ ਬਣਾਉਂਦੇ ਹੋਏ ਕਿ ਇਸ ਮੁਸ਼ਕਲ ਸਮੇਂ ਦੌਰਾਨ ਪਰਿਵਾਰ ਨੂੰ ਕੋਈ ਵਿੱਤੀ ਬੋਝ ਨਾ ਪਾਇਆ ਜਾਵੇ। ਪੀ.ਜੀ.ਆਈ ਦੇ ਡਾਇਰੈਕਟਰ ਪ੍ਰੋ. ਵਿਵੇਕ ਲਾਲ ਨੇ ਬੱਚੀ ਨੂੰ ਹਸਪਤਾਲ ਵਿਚ ਭਰਤੀ ਹੋਣ ਦੌਰਾਨ ਉਸ ਦੀ ਸਿਹਤ ਅਤੇ ਤੰਦਰੁਸਤੀ ਬਾਰੇ ਪੁੱਛਗਿੱਛ ਕਰਨ ਲਈ ਨਿੱਜੀ ਤੌਰ ’ਤੇ ਮਿਲਣ ਪੁੱਜੇ ਸਨ। ਉਨ੍ਹਾਂ ਨੇ ਛੁੱਟੀ ’ਤੇ ਸੰਤੁਸ਼ਟੀ ਪ੍ਰਗਟ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਛੋਟੀ ਬੱਚੀ ਦਾ ਸੁਰੱਖਿਅਤ ਛੁੱਟੀ ਪੀ.ਜੀ.ਆਈ ਵਿਚ ਡਾਕਟਰੀ ਟੀਮ ਲਈ ਬਹੁਤ ਰਾਹਤ ਭਰੀ ਖ਼ਬਰ ਹੈ। ਦੱਸਣਯੋਗ ਹੈ ਕਿ ਬੱਚੀ ਦੀ ਦੇਖਭਾਲ ਵਿਚ ਪੀ.ਜੀ.ਆਈ ਦੇ ਬਾਲ ਸਰਜਰੀ ਵਿਭਾਗ ਦੇ ਮੁਖੀ ਪ੍ਰੋ. ਜੇ.ਕੇ. ਮਹਾਜਨ ਦੀ ਅਗਵਾਈ ਹੇਠ ਤਾਲਮੇਲ ਵਾਲੇ ਯਤਨ ਵਾਲੀ ਟੀਮ ਸ਼ਾਮਲ ਸੀ। ਡਾ. ਰਮਨ ਸ਼ਰਮਾ ਇੰਚਾਰਜ ਟਰਾਮਾ ਸੈਂਟਰ ਨੇ ਉਸ ਦੇ ਪ੍ਰਬੰਧਨ ਦੇ ਟਰਾਮਾ-ਸਬੰਧਤ ਪਹਿਲੂਆਂ ਦਾ ਤਾਲਮੇਲ ਕੀਤਾ, ਜਦੋਂ ਕਿ ਪ੍ਰੋ. ਅਸ਼ੋਕ ਕੁਮਾਰ ਮੈਡੀਕਲ ਸੁਪਰਡੈਂਟ ਨੇ ਉਸ ਦੇ ਇਲਾਜ ਅਤੇ ਹਸਪਤਾਲ ਵਿਚ ਭਰਤੀ ਲਈ ਜ਼ਰੂਰੀ ਸੰਸਥਾਗਤ ਸਹਾਇਤਾ ਅਤੇ ਤਾਲਮੇਲ ਨੂੰ ਯਕੀਨੀ ਬਣਾਇਆ।

ਪਿਛਲੀ ਖ਼ਬਰ ਪਿੰਡ ਪਲਹੇੜੀ ਤੋਂ ਤਿਊੜ ਤੱਕ ਨਵੀਂ ਸੜਕ ਦਾ ਨਿਰਮਾਣ ਕਾਰਜ ਪਰਮਿੰਦਰ ਸਿੰਘ ਗੋਲਡੀ ਵਲੋਂ ਸ਼ੁਰੂ ਅਗਲੀ ਖ਼ਬਰ ਆਯੁਰਵੇਦ ਨੂੰ ਸਿਹਤ ਬੀਮਾ ਯੋਜਨਾਵਾਂ ਦੇ ਘੇਰੇ ‘ ਚ ਲਿਆਉਣਾ ਸਮੇਂ ਦੀ ਵੱਡੀ ਲੋੜ - ਆਚਾਰੀਆ ਮਨੀਸ਼

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

, ਪੀ.ਜੀ.ਆਈ ਨੇ ਪੰਚਕੂਲਾ ਸਕੂਲ ਘਟਨਾ ’ਚ ਜ਼ਖਮੀ ਛੇ ਸਾਲਾ ਬੱਚੀ ਨੂੰ ਦਿੱਤੀ ਛੁੱਟੀ, ਪੂਰਾ ਇਲਾਜ ਹੋਇਆ ਮੁਫ਼ਤ

Subscribers Only Story

ਸੰਬੰਧਿਤ ਖ਼ਬਰਾਂ