ਕਰਾਟੇ ਪਲੈਨੇਟ ਢਾਂਗੂ ਦੇ ਖਿਡਾਰੀਆਂ ਨੇ ਪੰਜਾਬ ਓਪਨ ਕੱਪ ’ਚ ਜਿੱਤੇ ਤਗਮੇ

ਪਠਾਨਕੋਟ, 28 ਅਕਤੂਬਰ (ਸੰਧੂ)-ਲੁਧਿਆਣਾ ਵਿਖੇ 24 ਤੇ 25 ਅਕਤੂਬਰ ਨੂੰ ਕਰਵਾਈ ਗਈ ਤੀਜੀ ਪੰਜਾਬ ਓਪਨ ਕੱਪ ਆਲ ਇੰਡੀਆ ਕਰਾਟੇ ਚੈਂਪੀਅਨਸ਼ਿਪ ’ਚ ਕਰਾਟੇ ਪਲੈਨੇਟ ਢਾਂਗੂ ਦੇ ਖਿਡਾਰੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਕਈ ਤਮਗੇ ਜਿੱਤ ਕੇ ਇਲਾਕੇ ਦਾ ਨਾਂਅ ਰੌਸ਼ਨ ਕੀਤਾ । ਅਗਰ ਤਿਵਾੜੀ ਨੇ ਕੈਡੇਟ ਵਰਗ ’ਚ ਸੋਨ ਤਮਗਾ ਜਿੱਤਣ ਦੇ ਨਾਲ ਟਰਾਫੀ ਤੇ 5 ਹਜ਼ਾਰ ਰੁਪਏ ਦਾ ਨਕਦ ਇਨਾਮ ਹਾਸਲ ਕੀਤਾ, ਜਦਕਿ ਰੋਹਿਤ ਨੇ ਸਬ-ਜੂਨੀਅਰ ਵਰਗ ਦੀ ਓਪਨ ਚੈਲੰਜ ਪ੍ਰਤੀਯੋਗਤਾ ’ਚ ਚਾਂਦੀ ਦਾ ਤਮਗਾ ਜਿੱਤਿਆ ।