ਇੰਡੀਆ' ਗੱਠਜੋੜ ਦੀ ਰੈਲੀ ਦੌਰਾਨ ਸੁਰੱਖਿਆ ਨੂੰ ਲੈ ਕੇ ਬੋਲੇ, ਡੀ.ਸੀ.ਪੀ. ਸੈਂਟਰਲ ਰੋਹਿਤ ਰਾਜਬੀਰ

ਨਵੀਂ ਦਿੱਲੀ, 1 ਨਵੰਬਰ ਅੱਜ ਹੋਣ ਵਾਲੀ 'ਇੰਡੀਆ' ਗੱਠਜੋੜ ਦੀ ਰੈਲੀ ਬਾਰੇ ਗੱਲ ਕਰਦਿਆਂ, ਡੀ.ਸੀ.ਪੀ. ਸੈਂਟਰਲ ਰੋਹਿਤ ਰਾਜਬੀਰ ਨੇ ਕਿਹਾ, "ਅਸੀਂ ਇੱਥੇ ਲਗਭਗ 45,000 ਤੋਂ 50,000 ਲੋਕਾਂ ਦੇ ਇਕੱਠ ਨੂੰ ਸੰਭਾਲ ਸਕਦੇ ਹਾਂ। ਸਾਨੂੰ ਉਮੀਦ ਹੈ ਕਿ ਜੇਕਰ ਇੰਨੀ ਗਿਣਤੀ ਵਿਚ ਲੋਕ ਆਉਂਦੇ ਹਨ, ਤਾਂ ਇਹ ਜਗ੍ਹਾ ਭਰ ਜਾਵੇਗੀ; ਜੇਕਰ ਇਸ ਤੋਂ ਵੱਧ ਲੋਕ ਆਉਂਦੇ ਹਨ, ਤਾਂ ਅਸੀਂ ਉਨ੍ਹਾਂ ਲਈ ਆਲੇ-ਦੁਆਲੇ ਦੀਆਂ ਸੜਕਾਂ 'ਤੇ ਜਗ੍ਹਾ ਦਾ ਪ੍ਰਬੰਧ ਕਰਾਂਗੇ। ਮੈਦਾਨ ਦਾ ਇਕ ਵੱਡਾ ਹਿੱਸਾ ਅਜੇ ਵੀ ਖਾਲੀ ਹੈ, ਇਸ ਲਈ ਇੱਥੇ ਆਉਣ ਵਾਲੇ ਜ਼ਿਆਦਾਤਰ ਲੋਕਾਂ ਨੂੰ ਇੱਥੇ ਹੀ ਜਗ੍ਹਾ ਮਿਲ ਜਾਵੇਗੀ। ਅਸੀਂ ਸੁਰੱਖਿਆ ਜਾਂਚ ਲਈ 'ਡੋਰ ਫਰੇਮ ਮੈਟਲ ਡਿਟੈਕਟਰ' ਲਗਾਏ ਹਨ ਅਤੇ ਪੁਲਿਸ ਮੁਲਾਜ਼ਮ ਤਾਇਨਾਤ ਕੀਤੇ ਹਨ। ਹਾਲਾਂਕਿ, ਆਉਣ-ਜਾਣ 'ਤੇ ਕੋਈ ਪਾਬੰਦੀ ਨਹੀਂ ਹੈ। ਅਸੀਂ ਪ੍ਰਬੰਧਕਾਂ ਦੇ ਸੰਪਰਕ ਵਿਚ ਹਾਂ ਅਤੇ ਉਹ ਰੈਲੀ ਨਾਲ ਸੰਬੰਧਿਤ ਸੁਰੱਖਿਆ ਪਹਿਲੂਆਂ ਬਾਰੇ ਚੰਗੀ ਤਰ੍ਹਾਂ ਜਾਣੂ ਹਨ। ਮੈਨੂੰ ਪੂਰਾ ਭਰੋਸਾ ਹੈ ਕਿ ਸਭ ਕੁਝ ਤੈਅ ਕੀਤੀ ਗਈ ਯੋਜਨਾ ਅਨੁਸਾਰ ਹੀ ਹੋਵੇਗਾ।"