ਬੁਢਲਾਡਾ ’ਚ ਚਿੱਟਾ ਲਾਉਂਦਾ ਥਾਣੇਦਾਰ ਲੋਕਾਂ ਵਲੋਂ ਕਾਬੂ

ਬੁਢਲਾਡਾ, 30 ਅਕਤੂਬਰ (ਸੁਨੀਲ ਮਨਚੰਦਾ)- ਆਈ. ਟੀ. ਆਈ. ਚੌਂਕ ਬੁਢਲਾਡਾ ਵਿਖੇ ਪੰਜਾਬ ਪੁਲਿਸ ਦੇ ਏ. ਐਸ. ਆਈ. ਨੂੰ ਪਬਲਿਕ ਖਖਾਨੇ ’ਚ ਚਿੱਟਾ ਲਗਾਉਂਦਿਆਂ ਲੋਕਾਂ ਵਲੋਂ ਰੰਗੇ ਹੱਥੀ ਫੜਿਆ ਗਿਆ, ਜਿਸ ਦੇ ਰੋਹ ਵਜੋਂ ਆਏ ਲੋਕਾਂ ਨੇ ਟਰੈਫ਼ਿਕ ਜਾਮ ਕਰਦਿਆਂ ਚੌਂਕ ’ਚ ਧਰਨਾ ਲਗਾ ਦਿੱਤਾ। ਉੱਥੇ ਮਾਰਕਿਟ ਕਮੇਟੀ ਦੇ ਚੇਅਰਮੈਨ ਨੂੰ ਇਸ ਮੁਲਾਜ਼ਮ ਨੂੰ ਬਚਾਉਣ ਦੇ ਦੋਸ਼ ਲਗਾਉਂਦਿਆਂ ਚੇਅਰਮੈਨ ਖ਼ਿਲਾਫ਼ ਕਾਰਵਾਈ ਕਰਨ ਦੀ ਮੰਗ ਕੀਤੀ ਗਈ। ਚੇਅਰਮੈਨ ’ਤੇ ਨਸ਼ੇ ਦੇ ਸੌਦਾਗਰਾਂ ਦੀ ਮਦਦ ਕਰਨ ਦਾ ਦੋਸ਼ ਲਗਾਇਆ। ਇਸ ਮੌਕੇ ਵੱਖ-ਵੱਖ ਸਿਆਸੀ ਪਾਰਟੀਆਂ ਦੇ ਆਗੂ ਵੀ ਧਰਨੇ ਵਾਲੀ ਜਗ੍ਹਾ ’ਤੇ ਮੌਜੂਦ ਸਨ।