ਕਰਨਾਟਕ : ਈਡੀ ਵਲੋਂ ਰਾਜ ਮੰਤਰੀ ਸਤੀਸ਼ ਝਾਰਕੀਹੋਲੀ ਦੇ ਨਜ਼ਦੀਕੀ ਰਿਸ਼ਤੇਦਾਰ ਦੇ ਘਰ 'ਤੇ ਦੂਜੇ ਦਿਨ ਵੀ ਛਾਪੇਮਾਰੀ ਜਾਰੀ

ਬੇਲਾਗਾਵੀ (ਕਰਨਾਟਕ), 10 ਸਤੰਬਰ -  ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੇ ਕਥਿਤ ਮਨੀ ਲਾਂਡਰਿੰਗ ਮਾਮਲੇ ਦੇ ਸੰਬੰਧ ਵਿਚ ਬੇਲਾਗਾਵੀ ਵਿਚ ਰਾਜ ਮੰਤਰੀ ਸਤੀਸ਼ ਝਾਰਕੀਹੋਲੀ ਦੇ ਨਜ਼ਦੀਕੀ ਰਿਸ਼ਤੇਦਾਰ ਮੰਜੂਨਾਥ ਦੇ ਘਰ 'ਤੇ ਦੂਜੇ ਦਿਨ ਵੀ ਛਾਪੇਮਾਰੀ ਜਾਰੀ ਰੱਖੀ। ਦੱਸ ਦਈਏ ਕਿ ਈਡੀ ਨੇ ਕੱਲ੍ਹ ਵੀ ਮਨੀ ਲਾਂਡਰਿੰਗ ਦੇ ਇਕ ਮਾਮਲੇ ਦੇ ਸੰਬੰਧ ਵਿਚ ਕਰਨਾਟਕ ਵਿਚ 18 ਥਾਵਾਂ 'ਤੇ ਛਾਪੇਮਾਰੀ ਕੀਤੀ ਸੀ। ਇਨ੍ਹਾਂ ਵਿਚ ਰਾਜ ਮੰਤਰੀ ਸਤੀਸ਼ ਝਾਰਕੀਹੋਲੀ ਅਤੇ ਉਨ੍ਹਾਂ ਦੀ ਧੀ ਪ੍ਰਿਯੰਕਾ ਝਾਰਕੀਹੋਲੀ (ਜੋ ਕਿ ਚਿਕੋਡੀ ਤੋਂ ਸੰਸਦ ਮੈਂਬਰ ਹੈ) ਦੇ ਘਰ ਸ਼ਾਮਲ ਸਨ।ਅਧਿਕਾਰੀਆਂ ਦੇ ਅਨੁਸਾਰ, ਇਹ ਸਤੀਸ਼ ਜਰਕੀਹੋਲੀ ਵਿਰੁੱਧ ਇੱਕ ਵੱਖਰਾ ਮਨੀ ਲਾਂਡਰਿੰਗ ਕੇਸ ਹੈ। ਮੰਤਰੀ ਅਤੇ ਉਨ੍ਹਾਂ ਦੀ ਧੀ ਦੇ ਘਰਾਂ ਤੋਂ ਇਲਾਵਾ, ਈਡੀ ਮੰਤਰੀ ਦੇ ਜੀਜਾ ਵਾਈ. ਮੰਜੂਨਾਥ ਦੇ ਘਰ ਦੀ ਵੀ ਤਲਾਸ਼ੀ ਲੈ ਰਿਹਾ ਹੈ।