ਤਰਨ ਤਾਰਨ ਅਤੇ ਆਸ ਪਾਸ ਦੇ ਇਲਾਕਿਆਂ ਵਿੱਚ ਬੰਦ ਨੂੰ ਭਰਵਾਂ ਹੁੰਗਾਰਾ ਮਿਲਿਆ

ਤਰਨ ਤਾਰਨ 21 ਅਗਸਤ (ਹਰਿੰਦਰ ਸਿੰਘ )- ਤਰਨ ਤਾਰਨ ਵਿਖੇ ਕੌਮੀ ਇਨਸਾਫ ਮੋਰਚਾ ਵੱਲੋ ਬੰਦੀ ਸਿੰਘਾਂ ਦੀ ਰਿਹਾਈ ਨੂੰ ਲੈ ਕੇ 21 ਅਗਸਤ ਨੂੰ ਪੰਜਾਬ ਬੰਦ ਦਾ ਸੱਦਾ ਦਿੱਤਾ ਗਿਆ ਸੀ ਜਿਸ ਸੰਬੰਧੀ ਤਰਨ ਤਾਰਨ ਅਤੇ ਆਸ ਪਾਸ ਇਲਾਕਿਆਂ ਵਿਖੇ  ਬੰਦ ਨੂੰ ਪੂਰਨ ਹੁੰਗਾਰਾ ਮਿਲਿਆ ਹੈ । ਸ਼ਹਿਰ ਦੇ ਸਾਰੇ ਬਾਜ਼ਾਰ ਪੂਰੀ ਤਰ੍ਹਾਂ ਬੰਦ ਰਹੇ ।ਇਸ ਦੇ ਨਾਲ ਹੀ ਮੁੱਖ ਬਾਜ਼ਾਰ ਬਿਲਕੁਲ ਬੰਦ ਹਨ । ਜੰਡੀਆਲਾ ਰੋਡ ਤੇ ਗੁਰੂ ਬਜ਼ਾਰ,ਰੇਲਵੇ ਸਟੇਸ਼ਨ ਰੋਡ ਅਮ੍ਰਿਤਸਰ ਰੋਡ ਅਤੇ ਸਬਜੀ ਮੰਡੀ ਬਿਲਕੁਲ ਬੰਦ ਪਈ ਹੈ ।ਬੰਦ ਨੂੰ ਪੂਰਨ ਹੁੰਗਾਰਾ ਮਿਲਦਾ ਵਿਖਾਈ ਦੇ ਰਿਹਾ ਹੈ ਸੜਕਾਂ ਦੇ ਵਾਹਨ ਵੀ ਆਮ ਨਾਲੋਂ ਘੱਟ ਚਲਦੇ ਵਿਖਾਈ ਦੇ ਰਹੇ ਹਨ। ਸਕੂਲ ਅਤੇ ਹੋਰ ਵਿੱਦਿਅਕ ਸੰਸਥਾਵਾਂ ਵੱਲੋਂ ਵੀ ਬੰਦ ਨੂੰ ਦੇਖਦਿਆਂ ਸਕੂਲਾਂ ਨੂੰ ਬੰਦ ਰੱਖਿਆ ਗਿਆ ਹੈ ।