ਤਾਮਿਲਨਾਡੂ ਦੀ ਸੰਘੀ ਸੁਧਾਰ ਪਹਿਲਕਦਮੀ ਦਾ ਕਰਨਾਟਕ ਦੇ ਮੁੱਖ ਮੰਤਰੀ ਸਿੱਧਰਮਈਆ ਵਲੋਂ ਸਮਰਥਨ

ਬੈਂਗਲੁਰੂ 4 ਮਾਰਚ - ਕਰਨਾਟਕ ਦੇ ਮੁੱਖ ਮੰਤਰੀ ਸਿੱਧਰਮਈਆ ਨੇ ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਐਮਕੇ ਸਟਾਲਿਨ ਨੂੰ ਇਕ ਪੱਤਰ ਲਿਖਿਆ ਹੈ, ਜਿਸ ਵਿਚ ਤਾਮਿਲਨਾਡੂ ਦੀ ਸੰਘੀ ਸੁਧਾਰ ਪਹਿਲਕਦਮੀ ਦਾ ਸਮਰਥਨ ਕੀਤਾ ਗਿਆ ਹੈ।ਉਨ੍ਹਾਂ ਨੇ "ਕੇਂਦਰ-ਰਾਜ ਸਬੰਧਾਂ ਵਿਚ ਸੰਵਿਧਾਨਕ ਸੋਧਾਂ" ਸੰਬੰਧੀ ਲੀਡਰਸ਼ਿਪ ਪਹਿਲਕਦਮੀ ਨੂੰ ਅਧਿਕਾਰਤ ਤੌਰ 'ਤੇ ਸਮਰਥਨ ਦਿੱਤਾ ਹੈ। ਮੁੱਖ ਮੰਤਰੀ ਨੇ ਕੇਂਦਰ-ਰਾਜ ਸੰਬੰਧਾਂ ਬਾਰੇ ਉੱਚ-ਪੱਧਰੀ ਕਮੇਟੀ ਦੀ ਰਿਪੋਰਟ ਦਾ ਸਵਾਗਤ ਕੀਤਾ ਹੈ, ਇਸ ਨੂੰ ਇਕ ਮਹੱਤਵਪੂਰਨ ਅਭਿਆਸ ਕਿਹਾ ਹੈ ਜੋ ਭਾਰਤ ਦੀ ਸੰਵਿਧਾਨਕ ਨੈਤਿਕਤਾ ਦੇ ਦਿਲ ਨੂੰ ਛੂਹਦਾ ਹੈ।