ਏਅਰ ਇੰਡੀਆ 1 ਅਕਤੂਬਰ ਤੋਂ ਦਿੱਲੀ-ਮਨੀਲਾ ਵਿਚਕਾਰ ਚਲਾਏਗੀ ਸਿੱਧੀਆਂ ਉਡਾਣਾਂ

ਨਵੀਂ ਦਿੱਲੀ ,4 ਜੂਨ (ਏਐਨਆਈ): ਏਅਰ ਇੰਡੀਆ 1 ਅਕਤੂਬਰ, 2025 ਤੋਂ ਦਿੱਲੀ ਅਤੇ ਫਿਲੀਪੀਨਜ਼ ਦੀ ਰਾਜਧਾਨੀ ਮਨੀਲਾ ਵਿਚਕਾਰ ਨਾਨ-ਸਟਾਪ ਉਡਾਣ ਸੇਵਾਵਾਂ ਸ਼ੁਰੂ ਕਰੇਗੀ । ਇਸ ਨਵੇਂ ਰੂਟ ਦੀ ਸ਼ੁਰੂਆਤ ਦੇ ਨਾਲ ਏਅਰ ਇੰਡੀਆ ਭਾਰਤ ਅਤੇ ਫਿਲੀਪੀਨਜ਼ ਵਿਚਕਾਰ ਨਾਨ-ਸਟਾਪ ਉਡਾਣਾਂ ਚਲਾਉਣ ਵਾਲਾ ਇਕਲੌਤਾ ਭਾਰਤੀ ਕੈਰੀਅਰ ਬਣ ਗਿਆ ਹੈ। ਆਪਣੇ ਦਿੱਲੀ ਹੱਬ ਰਾਹੀਂ ਏਅਰ ਇੰਡੀਆ ਨਿਰਵਿਘਨ ਸੰਪਰਕ ਦੀ ਪੇਸ਼ਕਸ਼ ਕਰਦਾ ਹੈ ਅਤੇ ਦੋਵਾਂ ਦੇਸ਼ਾਂ ਵਿਚਕਾਰ ਸੈਰ-ਸਪਾਟਾ, ਵਪਾਰ ਅਤੇ ਸੱਭਿਆਚਾਰਕ ਆਦਾਨ-ਪ੍ਰਦਾਨ ਨੂੰ ਵਧਾਉਂਦਾ ਹੈ। ਏਅਰ ਇੰਡੀਆ ਦੀ ਮਨੀਲਾ ਲਈ ਸੇਵਾ ਹਫ਼ਤੇ ਵਿਚ ਪੰਜ ਦਿਨ - ਸੋਮਵਾਰ, ਬੁੱਧਵਾਰ, ਵੀਰਵਾਰ, ਸ਼ਨੀਵਾਰ ਅਤੇ ਐਤਵਾਰ - ਏਅਰਲਾਈਨ ਦੇ ਏਅਰਬੱਸ ਏ. 321ਐੱਨਈਓ ਜਹਾਜ਼ ਦੀ ਵਰਤੋਂ ਕਰਕੇ ਚੱਲੇਗੀ। ਏਅਰਲਾਈਨ ਨੇ ਇਕ ਬਿਆਨ ਵਿਚ ਕਿਹਾ ਕਿ ਤਿੰਨ-ਸ਼੍ਰੇਣੀ ਕੈਬਿਨ ਸੰਰਚਨਾ ਯਾਤਰੀਆਂ ਨੂੰ ਬਿਜ਼ਨਸ ਕਲਾਸ, ਪ੍ਰੀਮੀਅਮ ਇਕਾਨਮੀ ਕਲਾਸ ਅਤੇ ਇਕਾਨਮੀ ਕਲਾਸ ਦਾ ਵਿਕਲਪ ਪ੍ਰਦਾਨ ਕਰਦੀ ਹੈ । ਫਿਲੀਪੀਨਜ਼ ਨੇ ਹਾਲ ਹੀ ਵਿਚ ਭਾਰਤੀ ਸੈਲਾਨੀਆਂ ਲਈ 14 ਦਿਨਾਂ ਤੱਕ ਵੀਜ਼ਾ-ਮੁਕਤ ਪ੍ਰਵੇਸ਼ ਦੀ ਸ਼ੁਰੂਆਤ ਦਿੱਤੀ ਹੈ, ਜਿਸ ਨਾਲ ਬੋਰਾਕੇ ਦੇ ਚਿੱਟੇ-ਰੇਤ ਵਾਲੇ ਬੀਚਾਂ, ਪਲਾਵਾਨ ਦੇ ਸ਼ਾਨਦਾਰ ਦ੍ਰਿਸ਼ਾਂ, ਸੇਬੂ ਵਿਚ ਇਤਿਹਾਸਕ ਸਥਾਨਾਂ ਅਤੇ ਹੋਰ ਬਹੁਤ ਕੁਝ ਦੇਖਣ ਲਈ ਉਤਸੁਕ ਭਾਰਤੀਆਂ ਲਈ ਪਹੁੰਚ ਯੋਗਤਾ ਵਿਚ ਕਾਫ਼ੀ ਵਾਧਾ ਹੋਇਆ ਹੈ।