ਅਮਰੀਕੀ ਵਿਦੇਸ਼ ਮੰਤਰੀ ਨੇ ਮ੍ਰਿਤਕ ਗਾਜ਼ਾ ਬੰਧਕਾਂ ਦੇ ਪਰਿਵਾਰਾਂ ਨਾਲ ਕੀਤੀ ਮੁਲਾਕਾਤ

ਵਾਸ਼ਿੰਗਟਨ ਡੀ.ਸੀ., 26 ਅਕਤੂਬਰ - ਸੰਯੁਕਤ ਰਾਜ ਦੇ ਵਿਦੇਸ਼ ਮੰਤਰੀ ਮਾਰਕੋ ਰੂਬੀਓ ਨੇ 7 ਅਕਤੂਬਰ, 2023 ਨੂੰ ਹਮਾਸ ਦੁਆਰਾ ਬੰਧਕ ਬਣਾਏ ਗਏ ਦੋ ਅਮਰੀਕੀ ਨਾਗਰਿਕਾਂ, ਇਟੇ ਚੇਨ ਅਤੇ ਓਮੇਰ ਨਿਊਟਰਾ ਦੇ ਪਰਿਵਾਰਾਂ ਨਾਲ ਮੁਲਾਕਾਤ ਕੀਤੀ।ਸੈਕਟਰੀ ਰੂਬੀਓ ਨੇ ਮ੍ਰਿਤਕ ਬੰਧਕਾਂ ਦੀਆਂ ਲਾਸ਼ਾਂ ਦੀ ਵਾਪਸੀ ਦੀ ਮੰਗ ਕੀਤੀ, ਅਤੇ ਕਿਹਾ ਕਿ ਅਮਰੀਕਾ "ਉਨ੍ਹਾਂ ਦੇ ਅਵਸ਼ੇਸ਼ਾਂ ਅਤੇ ਬਾਕੀ ਸਾਰੇ ਵਾਪਸ ਆਉਣ ਤੱਕ ਆਰਾਮ ਨਹੀਂ ਕਰੇਗਾ।" ਸਕੱਤਰ ਰੂਬੀਓ ਨੇ ਐਕਸ 'ਤੇ ਪੋਸਟ ਕੀਤਾ "ਅਸੀਂ ਹਮਾਸ ਦੀ ਗ਼ੁਲਾਮੀ ਵਿਚ ਮਾਰੇ ਗਏ ਬੰਧਕਾਂ ਦੀਆਂ ਜਾਨਾਂ ਨੂੰ ਨਹੀਂ ਭੁੱਲਾਂਗੇ। ਅੱਜ ਮੈਂ ਅਮਰੀਕੀ ਨਾਗਰਿਕ ਇਟੇ ਚੇਨ ਅਤੇ ਓਮੇਰ ਨਿਊਟਰਾ ਦੇ ਪਰਿਵਾਰਾਂ ਨਾਲ ਮੁਲਾਕਾਤ ਕੀਤੀ। ਅਸੀਂ ਉਦੋਂ ਤੱਕ ਆਰਾਮ ਨਹੀਂ ਕਰਾਂਗੇ ਜਦੋਂ ਤੱਕ ਉਨ੍ਹਾਂ ਦੇ - ਅਤੇ ਸਾਰੇ - ਅਵਸ਼ੇਸ਼ ਵਾਪਸ ਨਹੀਂ ਆ ਜਾਂਦੇ," ।