ਨਵੀਂ ਦਿੱਲੀ , 3 ਫਰਵਰੀ - ਏਆਈਐਮਆਈਐਮ ਦੇ ਸੰਸਦ ਮੈਂਬਰ ਅਸਦੁਦੀਨ ਓਵੈਸੀ ਨੇ ਲੋਕ ਸਭਾ ਵਿਚ ਕਿਹਾ ਕਿ ਮੈਂ ਇਸ ਸਰਕਾਰ ਨੂੰ ਚਿਤਾਵਨੀ ਦੇ ਰਿਹਾ ਹਾਂ ਕਿ ਜੇਕਰ ਤੁਸੀਂ ਵਕਫ਼ ਕਾਨੂੰਨ ਨੂੰ ਇਸ ਦੇ ਮੌਜੂਦਾ ਰੂਪ ਵਿਚ ਲਿਆਉਂਦੇ ਅਤੇ ਲਾਗੂ ਕਰਦੇ ਹੋ, ਜੋ ਕਿ ਧਾਰਾ 25, 26 ਅਤੇ 14 ਦੀ ਉਲੰਘਣਾ ਕਰੋਗੇ , ਤਾਂ ਇਹ ਠੀਕ ਨਹੀਂ ਹੋਵੇਗਾ । ਇਸ ਨੂੰ ਪੂਰੇ ਮੁਸਲਿਮ ਭਾਈਚਾਰੇ ਨੇ ਰੱਦ ਕਰ ਦਿੱਤਾ ਹੈ। ਕੋਈ ਵਕਫ਼ ਜਾਇਦਾਦ ਨਹੀਂ ਬਚੇਗੀ । ਤੁਸੀਂ ਭਾਰਤ ਨੂੰ 'ਵਿਕਸਤ ਭਾਰਤ' ਬਣਾਉਣਾ ਚਾਹੁੰਦੇ ਹੋ, ਅਸੀਂ 'ਵਿਕਸਤ ਭਾਰਤ' ਚਾਹੁੰਦੇ ਹਾਂ। ਜੇਕਰ ਤੁਸੀਂ ਇਸ ਦੇਸ਼ ਨੂੰ 80 ਅਤੇ 90 ਦੇ ਦਹਾਕੇ ਦੇ ਸ਼ੁਰੂ ਵਿਚ ਵਾਪਸ ਲੈ ਜਾਣਾ ਚਾਹੁੰਦੇ ਹੋ, ਤਾਂ ਇਹ ਤੁਹਾਡੀ ਜ਼ਿੰਮੇਵਾਰੀ ਹੋਵੇਗੀ। ਕਿਉਂਕਿ, ਇਕ ਮਾਣਮੱਤਾ ਭਾਰਤੀ ਮੁਸਲਮਾਨ ਹੋਣ ਦੇ ਨਾਤੇ, ਮੈਂ ਆਪਣੀ ਮਸਜਿਦ ਦਾ ਇਕ ਇੰਚ ਵੀ ਨਹੀਂ ਗੁਆਵਾਂਗਾ... ਮੈਂ ਆਪਣੀ ਦਰਗਾਹ ਦਾ ਇਕ ਇੰਚ ਵੀ ਨਹੀਂ ਗੁਆਵਾਂਗਾ। ਮੈਂ ਇਹ ਨਹੀਂ ਹੋਣ ਦਿਆਂਗਾ। ਅਸੀਂ ਇੱਥੇ ਆ ਕੇ ਕੂਟਨੀਤਕ ਗੱਲਬਾਤ ਨਹੀਂ ਕਰਾਂਗੇ। ਇਹ ਉਹ ਸਦਨ ਹੈ ਜਿੱਥੇ ਮੈਨੂੰ ਖੜ੍ਹੇ ਹੋ ਕੇ ਇਮਾਨਦਾਰੀ ਨਾਲ ਕਹਿਣਾ ਪਵੇਗਾ ਕਿ ਮੇਰਾ ਭਾਈਚਾਰਾ - ਅਸੀਂ ਮਾਣਮੱਤੇ ਭਾਰਤੀ ਹਾਂ। ਇਹ ਮੇਰੀ ਜਾਇਦਾਦ ਹੈ, ਇਹ ਮੈਨੂੰ ਕਿਸੇ ਨੇ ਨਹੀਂ ਦਿੱਤੀ। ਤੁਸੀਂ ਇਹ ਮੇਰੇ ਤੋਂ ਨਹੀਂ ਖੋਹ ਸਕਦੇ। ਵਕਫ਼ ਮੇਰੇ ਲਈ ਪੂਜਾ ਦੇ ਰੂਪ ਵਿਚ ਹੈ।