ਨਵਾਂਸ਼ਹਿਰ, 28 ਜਨਵਰੀ (ਜਸਬੀਰ ਸਿੰਘ ਨੂਰਪੁਰ)-ਨਵਾਂਸ਼ਹਿਰ ਵਿਖੇ ਇਕ ਵਿਆਹ ਸਮਾਗਮ ਦੌਰਾਨ ਸ਼ਗਨ ਦੀ ਰਸਮ ਸਮੇਂ ਦੋ ਔਰਤਾਂ ਵਲੋਂ ਢਾਈ ਲੱਖ ਦੇ ਗਹਿਣੇ ਚੋਰੀ ਕੀਤੇ ਗਏ। ਚੋਰੀ ਕਰਨ ਦੀ ਇਹ ਘਟਨਾ ਸੀ.ਸੀ.ਟੀ.ਵੀ. ਕੈਮਰਿਆਂ ਵਿਚ ਵੀ ਕੈਦ ਹੋ ਗਈ। ਪਿੰਡ ਧੌਲ ਦੇ ਸ਼ੀਤਲ ਸਿੰਘ ਦੀ ਲੜਕੀ ਗੁਰਦੀਪ ਕੌਰ ਦੇ ਵਿਆਹ ਸਮੇਂ ਜਦੋਂ ਸ਼ਗਨ ਦੀ ਰਸਮ ਹੋ ਰਹੀ ਸੀ ਤਾਂ ਦੋ ਅਣਪਛਾਤੀਆਂ ਔਰਤਾਂ ਵਲੋਂ ਬੈਗ ਵਿਚੋਂ ਗਹਿਣੇ ਚੋਰੀ ਕੀਤੇ ਗਏ। ਸ਼ੀਤਲ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਬੈਗ ਵਿਚ ਵਿਆਹ ਦੇ ਢਾਈ ਲੱਖ ਦੇ ਗਹਿਣੇ ਸਨ।