ਸਿਰਫ਼ ਸੱਤਾ ਲਈ ਨਹੀਂ ਲੜ ਰਹੇ, ਮਹਾਰਾਸ਼ਟਰ ਦੀ ਲੁੱਟ-ਖਸੁੱਟ ਵਿਰੁੱਧ ਹੈ ਸਾਡੀ ਲੜਾਈ - ਊਧਵ ਠਾਕਰੇ

 ਨਾਗਪੁਰ, 30 ਸਤੰਬਰ - ਮਹਾਰਾਸ਼ਟਰ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਸ਼ਿਵ ਸੈਨਾ (ਯੂ.ਬੀ.ਟੀ.) ਦੇ ਮੁਖੀ ਊਧਵ ਠਾਕਰੇ ਨੇ ਕਿਹਾ, "ਮੋਹਨ ਭਾਗਵਤ ਜੀ, ਕੀ ਤੁਸੀਂ ਭਾਜਪਾ ਦੇ ਹਿੰਦੂਤਵ ਨਾਲ ਸਹਿਮਤ ਹੋ? ਇਸ ਭਾਜਪਾ ਵਿਚ ਗੁੰਡੇ ਆ ਰਹੇ ਹਨ, ਭ੍ਰਿਸ਼ਟ ਲੋਕ ਆ ਰਹੇ ਹਨ। ਕੀ ਤੁਸੀਂ ਇਸ ਨਾਲ ਸਹਿਮਤ ਹੋ? ਅਮਿਤ ਸ਼ਾਹ ਮੈਨੂੰ ਅਤੇ ਸ਼ਰਦ ਪਵਾਰ ਖ਼ਤਮ ਕਰਨ ਲਈ ਆ ਰਹੇ ਹਨ, ਕੀ ਤੁਸੀਂ ਸਾਨੂੰ ਖਤਮ ਕਰਨ ਦਿਓਗੇ? ਜੇਕਰ ਮੇਰੇ ਲੋਕ ਮੈਨੂੰ ਘਰ ਬੈਠਣ ਲਈ ਕਹਿੰਦੇ ਹਨ, ਤਾਂ ਮੈਂ ਘਰ ਬੈਠਾਂਗਾ, ਪਰ ਜੇਕਰ ਦਿੱਲੀ ਦੇ ਲੋਕ ਮੈਨੂੰ ਘਰ ਬੈਠਣ ਲਈ ਕਹਿਣਗੇ ਤਾਂ ਮੇਰੇ ਲੋਕ ਉਨ੍ਹਾਂ ਨੂੰ ਘਰ ਬਿਠਾ ਦੇਣਗੇ। ਸਾਡੀ ਸਰਕਾਰ ਆਉਣ ਤੋਂ ਬਾਅਦ ਮਹਾਰਾਸ਼ਟਰ ਵਿਚ ਹੋ ਰਹੀ ਲੁੱਟ ਨੂੰ ਰੋਕ ਦਿਆਂਗਾ। ਸਭ ਕੁਝ ਗੁਜਰਾਤ ਵਿਚ ਹੈ, ਜਦੋਂ ਮੈਂ ਮੁੱਖ ਮੰਤਰੀ ਸੀ, ਕੀ ਤੁਸੀਂ ਇਕ ਵੀ ਖ਼ਬਰ ਸੁਣੀ ਸੀ ਕਿ ਕੋਈ ਪ੍ਰੋਜੈਕਟ ਗੁਜਰਾਤ ਗਿਆ ਹੋਵੇ, ਪਿਛਲੇ ਢਾਈ ਸਾਲਾਂ 'ਚ ਜਦੋਂ ਤੋਂ ਇਹ ਸ਼ਿੰਦੇ ਉਥੇ ਗਿਆ ਹੈ, ਮਹਾਰਾਸ਼ਟਰ ਦੇ ਉਦਯੋਗਾਂ ਨੂੰ ਵੀ ਗੁਜਰਾਤ 'ਚ ਲਿਜਾਇਆ ਜਾ ਰਿਹਾ ਹੈ, ਸਭ ਕੁਝ ਗੁਜਰਾਤ ਲਿਜਾਇਆ ਜਾ ਰਿਹਾ ਹੈ, ਮੁੰਬਈ ਦਾ ਆਰਥਿਕ ਕੇਂਦਰ ਵੀ ਗੁਜਰਾਤ ਲਿਜਾਇਆ ਗਿਆ ਹੈ। ਅਸੀਂ ਸਿਰਫ਼ ਸੱਤਾ ਲਈ ਨਹੀਂ ਲੜ ਰਹੇ ਹਾਂ, ਸਾਡੀ ਲੜਾਈ ਮਹਾਰਾਸ਼ਟਰ ਦੀ ਲੁੱਟ-ਖਸੁੱਟ ਵਿਰੁੱਧ ਹੈ..." ।