ਨਿਪਾਲ ਵਿਚ ਸਰਕਾਰ ਡਿੱਗੀ, ਗੱਠਜੋੜ ਮੰਤਰੀਆਂ ਨੇ ਸਮਰਥਨ ਵਾਪਸ ਲੈ ਕੇ ਦਿੱਤੇ ਅਸਤੀਫ਼ੇ

ਕਾਠਮੰਡੂ [ਨਿਪਾਲ ], 3 ਜੁਲਾਈ (ਏਐਨਆਈ): ਦੋ ਦਿਨਾਂ ਦੇ ਸਿਆਸੀ ਡਰਾਮੇ ਤੋਂ ਬਾਅਦ, ਨਿਪਾਲ ਵਿੱਚ ਪ੍ਰਧਾਨ ਮੰਤਰੀ ਪੁਸ਼ਪਾ ਕਮਲ ਦਹਿਲ ਦੀ ਅਗਵਾਈ ਵਾਲੀ ਮੌਜੂਦਾ ਸਰਕਾਰ ਢਹਿ ਗਈ ਹੈ ਕਿਉਂਕਿ ਗੱਠਜੋੜ ਮੰਤਰੀਆਂ ਨੇ ਸਮਰਥਨ ਵਾਪਸ ਲੈ ਕੇ ਅਸਤੀਫ਼ਾ ਦੇ ਦਿੱਤਾ ਹੈ। ਮੰਗਲਵਾਰ ਨੂੰ ਦਿੱਤੀ ਗਈ 24 ਘੰਟੇ ਦੀ ਸਮਾਂ ਸੀਮਾ ਖ਼ਤਮ ਹੋਣ ਦੇ ਨਾਲ ਹੀ ਦਹਿਲ ਦੀ ਅਗਵਾਈ ਵਾਲੀ ਸਰਕਾਰ ਦੀ ਮੁੱਖ ਸਹਿਯੋਗੀ ਕਮਿਊਨਿਸਟ ਪਾਰਟੀ ਆਫ ਨਿਪਾਲ-ਯੂਨੀਫਾਈਡ ਮਾਰਕਸਿਸਟ ਲੈਨਿਨਿਸਟ (ਸੀ.ਪੀ.ਐਨ.-ਯੂ.ਐਮ.ਐਲ.) ਨੇ ਸਰਕਾਰ ਤੋਂ ਵਾਕਆਊਟ ਕਰ ਦਿੱਤਾ। ਪਾਰਟੀ ਨੇ ਪ੍ਰਧਾਨ ਮੰਤਰੀ ਦਹਿਲ ਨੂੰ ਅਹੁਦੇ ਤੋਂ ਅਸਤੀਫਾ ਦੇਣ ਲਈ ਇੱਕ ਦਿਨ ਦਾ ਅਲਟੀਮੇਟਮ ਦਿੱਤਾ ਸੀ ।