ਆਤਿਸ਼ੀ ਵਲੋਂ ਕੀਤੀ ਜਾ ਰਹੀ ਭੁੱਖ ਹੜਤਾਲ ਮਹਿਜ਼ ਇਕ ਡਰਾਮਾ- ਮਨਜਿੰਦਰ ਸਿੰਘ ਸਿਰਸਾ
![](/cmsimages/20240622/4553836__whatsapp image 2024-06-22 at 1.55.20 pm.jpeg)
ਨਵੀਂ ਦਿੱਲੀ, 22 ਜੂਨ- ਦਿੱਲੀ ਦੀ ਮੰਤਰੀ ਆਤਿਸ਼ੀ ਵਲੋਂ ਪਾਣੀ ਦੇ ਮੁੱਦੇ ’ਤੇ ਕੀਤੀ ਜਾ ਰਹੀ ਭੁੱਖ ਹੜਤਾਲ ਸੰਬੰਧੀ ਬੋਲਦਿਆਂ ਮਨਜਿੰਦਰ ਸਿੰਘ ਸਿਰਸਾ ਨੇ ਕਿਹਾ ਕਿ ਆਤਿਸ਼ੀ ਜੀ ਦੀ ਭੁੱਖ ਹੜਤਾਲ ਓਨਾ ਹੀ ਵੱਡਾ ਡਰਾਮਾ ਹੈ, ਜਿੰਨਾ ਕੇਜਰੀਵਾਲ ਜੀ ਇਮਾਨਦਾਰ ਹੋਣ ਦਾ ਦਿਖਾਵਾ ਕਰਦੇ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਅਣਮਿੱਥੇ ਸਮੇਂ ਦੇ ਸੱਤਿਆਗ੍ਰਹਿ ’ਤੇ ਬੈਠੇ ਆਤਿਸ਼ੀ ਜੀ, ਦੁਪਹਿਰ ਅਤੇ ਰਾਤ ਨੂੰ ਅਲੋਪ ਹੋ ਜਾਂਦੇ ਹਨ ਅਤੇ ਜੇਕਰ ਸਤਿਆਗ੍ਰਹਿ ਕਰਨਾ ਹੀ ਹੈ ਤਾਂ ਟੈਂਕਰ ਮਾਫ਼ੀਆ ਦੇ ਖ਼ਿਲਾਫ਼ ਕਰੋ ਤੇ ਨਾਲ ਹੀ ਆਪਣੇ ਵਿਧਾਇਕਾਂ ਖ਼ਿਲਾਫ਼ ਭੁੱਖ ਹੜਤਾਲ ’ਤੇ ਬੈਠੋ, ਜੋ ਟੈਂਕਰ ਮਾਫ਼ੀਆ ਤੋਂ ਰਿਸ਼ਵਤ ਲੈ ਕੇ ਦਿੱਲੀ ਦੇ ਲੋਕਾਂ ਨੂੰ ਪਾਣੀ ਦੇ ਨਾਂਅ ’ਤੇ ਲੁੱਟ ਰਹੇ ਹਨ।