ਕਪੂਰਥਲਾ, 6 ਅਗਸਤ (ਵਿ.ਪ੍ਰ.)-ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਿਟੀ ਕਪੂਰਥਲਾ ਦੇ ਸਕੱਤਰ ਤੇ ਚੀਫ਼ ਜੁਡੀਸ਼ੀਅਲ ਮੈਜਿਸਟਰੇਟ ਹਿਰਦੇਜੀਤ ਸਿੰਘ ਨੇ ਦੱਸਿਆ ਕਿ ਪੰਜਾਬ ਰਾਜ ਕਾਨੂੰਨੀ ਸੇਵਾਵਾਂ ਅਥਾਰਿਟੀ ਵਲੋਂ 12 ਸਤੰਬਰ ਨੂੰ ਕਪੂਰਥਲਾ, ਫਗਵਾੜਾ ਸੁਲਤਾਨਪੁਰ ਲੋਧੀ ਤੇ ਭੁਲੱਥ ਦੀਆਂ ਅਦਾਲਤਾਂ ਵਿਚ ਕੌਮੀ ਲੋਕ ਅਦਾਲਤ ਲਗਾਈ ਜਾ ਰਹੀ ਹੈ, ਜਿਸ ਵਿਚ ਕ੍ਰਿਮੀਨਲ ਕੰਪਾਊਾਡੇਬਲ ਕੇਸ, ਬੈਂਕ ਰਿਕਵਰੀ ਕੇਸ, ਧਾਰਾ 138 ਐਨ.ਆਈ. ਐਕਟ, ਐਮ.ਏ.ਸੀ.ਟੀ. ਅਤੇ ਵਿਵਾਹਰਕ/ਪਰਿਵਾਰਕ ਮਾਮਲੇ, ਲੇਬਰ ਮੋਟਰਜ਼, ਲੈਂਡ ਐਕੂਜ਼ੀਸ਼ਨ, ਮੋਟਰਜ਼, ਬਿਜਲੀ ਅਤੇ ਪਾਣੀ ਬਿੱਲਾਂ ਸਬੰਧੀ, ਸਰਵਿਸ, ਮੈਟਰਜ਼, ਰੈਵੀਨਿਊ ਕੇਸਜ਼ (ਪੈਂਡਿੰਗ ਇਨ ਡਿਸਟਿ੍ਕਟ ਕੋਰਟਸ), ਸਿਵਲ ਕੇਸ, ਰੈਂਟ, ਇੰਜਕਸ਼ਨ ਸੂਟ ਅਤੇ ਸਪੈਸਿਫਿਕ ਪਰਫੋਰਮੈਂਸ ਸੂਟ ਆਦਿ ਕੇਸ ਸ਼ਾਮਲ ਕੀਤੇ ਜਾਣਗੇ | ਉਨ੍ਹਾਂ ਕਿਹਾ ਕਿ ਲੋਕ ਅਦਾਲਤ ਵਿਚ ਲਗਾਏ ਕੇਸਾਂ ਦਾ ਨਿਪਟਾਰਾ ਦੋਵਾਂ ਧਿਰਾਂ ਦੀ ਸਹਿਮਤੀ ਨਾਲ ਹੁੰਦਾ ਹੈ | ਚੀਫ਼ ਜੁਡੀਸ਼ੀਅਲ ਮੈਜਿਸਟਰੇਟ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਕੌਮੀ ਲੋਕ ਅਦਾਲਤ ਵਿਚ ਆਪਣੇ ਕੇਸ ਲਵਾਉਣ ਨੂੰ ਤਰਜ਼ੀਹ ਦੇਣ |
