ਰਵਨੀਤ ਬਿੱਟੂ ਹਿੰਦੂ ਸਿੱਖਾਂ ਨੂੰ ਲੜਾ ਕੇ ਪੰਜਾਬ ਦਾ ਮਾਹੌਲ ਖ਼ਰਾਬ ਕਰਨ ਨੂੰ ਫਿਰਦਾ-ਅਵਤਾਰ ਮੰਗੀ

ਫਗਵਾੜਾ, 13 ਜੁਲਾਈ (ਅਸ਼ੋਕ ਕੁਮਾਰ ਵਾਲੀਆ)-ਸ਼ੋ੍ਮਣੀ ਅਕਾਲੀ ਦਲ ਦਿਹਾਤੀ ਦੇ ਪ੍ਰਧਾਨ ਅਵਤਾਰ ਸਿੰਘ ਮੰਗੀ ਜਗਪਾਲ ਨੇ ਆਖਿਆ ਕਿ ਕੇਂਦਰੀ ਮੰਤਰੀ ਰਵਨੀਤ ਸਿੰਘ ਬਿੱਟੂ ਸਤਲੁਜ ਫ਼ਿਲਮ ‘ਚ 25 ਹਜ਼ਾਰ ਲਾਵਾਰਸ ਲਾਸ਼ਾਂ ਦੇ ਦਾਅਵੇ ਸਾਬਤ ਕਰਨ ਦੀ ਗੱਲ ਕਰ ਰਿਹਾ ਹੈ ਉਹ ਦੱਸੇ ਕਿ ਉਸ ਦੇ ਦਾਦੇ ਬੇਅੰਤ ਸਿੰਘ ਨੇ ਫਗਵਾੜਾ ਹਲਕੇ ਦੇ ਕੌਮ ਦੀ ਹੀਰੇ ਕਿਉਂ ਮਰਵਾਏ | ਮੰਗੀ ਨੇ ਆਖਿਆ ਕਿ ਸਾਨੂੰ ਤਾਂ ਫਗਵਾੜਾ ਹਲਕੇ ਦਾ ਦਰਦ ਸਾਡੇ ਹਿਰਦਿਆਂ ਵਿਚੋਂ ਹਾਲੇ ਤੱਕ ਨਹੀਂ ਜਾ ਰਿਹਾ | ਬੇਅੰਤ ਸਿੰਘ ਨੇ ਤਾਂ ਪੂਰੀ ਪੰਜਾਬ ਦੀ ਜਵਾਨੀ ਹੀ ਮਰਵਾ ਦਿੱਤੀ ਸੀ | ਅਵਤਾਰ ਸਿੰਘ ਮੰਗੀ ਨੇ ਆਖਿਆ ਕਿ ਰਵਨੀਤ ਬਿੱਟੂ ਸਿੱਖਾਂ ਨੂੰ ਹਿੰਦੂਆਂ ਨਾਲ ਲੜਾਕੇ ਪੰਜਾਬ ਦਾ ਮਾਹੌਲ ਮੁੜ ਖ਼ਰਾਬ ਕਰਨਾ ਚਾਹੁੰਦਾ ਹੈ |