ਸੜਕ ਚੌੜੀ ਕਰਨ ਲਈ ਚੌਂਤਰੇ ਹਟਾਉਣ ਦੀ ਮੰਗ

ਬੁਢਲਾਡਾ, 2 ਜੁਲਾਈ (ਸੁਨੀਲ ਮਨਚੰਦਾ)- ਨਗਰ ਕੌਂਸਲ ਵਲੋਂ ਪਿਛਲੇ ਸਮੇਂ ਸਥਾਨਕ ਸ਼ਹਿਰ ਦੇ ਕਈ ਬਾਜ਼ਾਰਾਂ ਮੁਹੱਲਿਆਂ ਨੂੰ ਖੁੱਲ੍ਹਾ ਕਰਨ ਲਈ 90-90 ਸਾਲਾਂ ਤੋਂ ਬਣੇ ਚੌਂਤਰੇ ਆਰਜ਼ੀ ਨਾਜਾਇਜ਼ ਕਬਜ਼ਿਆਂ ਨੂੰ ਹਟਾ ਕੇ ਸੜਕਾਂ ਚੌੜੀਆਂ ਕੀਤੀਆਂ ਗਈਆਂ ਸਨ ਪ੍ਰੰਤੂ ਗੁਰਨੇ ਵਾਲੇ ਦਰਵਾਜੇ ਤੋਂ ਐਲ.ਆਈ.ਸੀ. ਦਫ਼ਤਰ ਤੱਕ ਸੜਕ ਦੇ ਨਿਰਮਾਣ ਲਈ ਚੌਂਤਰਿਆਂ ਨੂੰ ਛੱਡ ਦਿੱਤੇ ਗਏ ਅਤੇ ਸਿਰਫ਼ ਦੇਹਲੀਆਂ ਢਾਹ ਕੇ ਸੜਕ ਦਾ ਨਿਰਮਾਣ ਕੀਤਾ ਜਾ ਰਿਹਾ ਹੈ। ਸ਼ਹਿਰ ਦੇ ਲੋਕਾਂ ਨੇ ਡਿਪਟੀ ਕਮਿਸ਼ਨਰ ਮਾਨਸਾ ਨੂੰ ਅਪੀਲ ਕੀਤੀ ਹੈ ਕਿ ਨਗਰ ਕੌਂਸਲ ਵਲੋਂ ਅਪਣਾਏ ਜਾ ਰਹੇ ਦੋਹਰੇ ਮਾਪਦੰਡ ਵੱਲ ਫ਼ੌਰੀ ਧਿਆਨ ਦਿੱਤਾ ਜਾਵੇ। ਸ਼ਹਿਰੀਆਂ ਦਾ ਕਹਿਣਾ ਹੈ ਕਿ ਸੜਕ ਚੌੜੀ ਕਰਨ ਲਈ ਚੌਂਤਰੇ ਹਟਾਏ ਜਾਣ।