ਮਾਨਸਾ, 26 ਮਾਰਚ (ਸੱਭਿ.ਪ੍ਰਤੀ.)-ਸਭਿਆਚਾਰ ਚੇਤਨਾ ਮੰਚ ਵਲੋਂ 28 ਮਾਰਚ ਨੂੰ ਸਥਾਨਕ ਐਸ. ਡੀ. ਕੰਨਿਆ ਮਹਾਂਵਿਦਿਆਲਾ ਵਿਖੇ 'ਚਾਨਣ ਦੇ ਵਣਜਾਰੇ' ਸਮਾਗਮ ਕਰਵਾਇਆ ਜਾ ਰਿਹਾ ਹੈ | ਮੰਚ ਦੇ ਪ੍ਰਧਾਨ ਹਰਿੰਦਰ ਸਿੰਘ ਮਾਨਸ਼ਾਹੀਆ ਅਤੇ ਪ੍ਰੋਗਰਾਮ ਸੰਚਾਲਕ ਰਾਜ ਜੋਸ਼ੀ ਨੇ ਦੱਸਿਆ ਕਿ ਮੁੱਖ ਵਕਤਾ ਅਸ਼ੋਕ ਸਦਿਉੜਾ ਹੋਣਗੇ, ਜਿਨ੍ਹਾਂ ਨਾਲ ਰੂਬਰੂ ਰਚਾਇਆ ਜਾਵੇਗਾ | ਮਾਨਸਾ ਦੇ ਜੰਮਪਲ ਸ੍ਰੀ ਸਦਿਉੜਾ ਬਰਿਲਜ਼ ਐਕਸਪਰੈੱਸ ਦੇ ਚੀਫ਼ ਐਡੀਟਰ ਹਨ, ਦੀ ਅਗਵਾਈ 'ਚ ਵੱਖ-ਵੱਖ ਰਾਜਾਂ ਅੰਦਰ ਸਿੱਖਿਆ ਕੇਂਦਰ ਚੱਲ ਰਹੇ ਹਨ |